¹ Nitwakaletwa kabotu twakazhiba ati chilwa chilatewa ati Malta. ² Bashimunzhi baina baina kututambula buyo cha luse, pele bakakunka mulilo uku tutambula toonse nkaambo ka mvula ukutontola. ³ Pele Paulu wakabwezelezha mule wa nkuni amane wobika amulilo, Muzoka wakavwa nkambo ka ibanga banga ukuzambaila itashi lyakwe. ⁴ Bashimunzhi nibakabona munyama ulalengela kwitashi, bakambilana kuli umwi uumwi ati, "Wezu mulombwana chini chini muuyazhi uwafutulwa kuvwa mu lwatele; kwiingainya taku muvumizha kupona." ⁵ Pele wakamusankumuna mu mulilo munyama amane wina ukutelela kuchisa. ⁶ Kabalindila kulibonya kwa bulovu nikuba kusuntuka. Pele kabamwebela kwa chiindi chilamfu ukubona ati kwiina chibiyabi kwakwe, bakachincha mizeezo ukwaamba ati nkaanga leza. ⁷ Inzho kufwaafwi kubusena kakuli inshi inkando yakuli ya mwami mulombwana wa muchilwa. mulombwana wakutewa Publius. Wakatutambula ukutupa chaluse kwa mazuba otatwe. ⁸ Chakachitika kwamba ati baushi Publius kasatile mubili ukusulula bulowa.Chiindi Paulu nakaya kwakwe, wakamukombela, wamwampa matashi akwe, amane wamuponya. ⁹ Chimane kuchitika chechi, boonse bakuli balwazhi mu chilwa abo bakeza wabaponya. ¹⁰ Bantu bakatulemeka ubulemu. Nitwakulibambila kuya bakatupa shakakuzandika kwesu. ¹¹ Nikwakaita myezhi yotatwe twakaya ubwato bwakakuliko muchilwa chiindi champeyo, bwato kabuli bwaku Alekizandiliya, bulikwete "ushinkozha shaba leza bamaanga" kumbele. ¹² Nitwakashika ku munzhi wa Sailachuse, twakakala mo kwa mazuba otatwe. ¹³ Kuvwa awo twakaliza bwato ngona twashika ku munzhi mukando wa Rhegium. Nikwakaita buzuba bomwi muuwo wakumusanza waka tupepulusha, mu mazuba obile twakashika mu munzhi mukando wa Puteoli. ¹⁴ Kolya twakayana bakwesu alimwi kabatambilwe kwaamba bakale abo kwa mazuba ali chiloba. Munzhila yezhi twakashika ku Loma. ¹⁵ Kuvwa awo bakwesu, chiindi nibakatelela makani esu, bakeza kutuswanganya kufwaafwi u mushika wa Appius u maanda otatwe akupumunina. Chiindi Paulu nakaba bona basazhiina, wakalumba Leza amane walizumya zumya. ¹⁶ Nitwa kanjila mu Loma, Paulu wakavumizhiwa kukala iche umushilikani umulindilila. ¹⁷ Nikwakaita mazuba otatwe Paulu wakabaita boonsebalomwana bakuli basololi akati ka ba Juda. Nibakabungana antoomwi, wakabambila ati, "Nubakwesu nikuba kwamba kwina nchinda lubizha kubantu na kutunshiya nshiya twa maushesu, ndakatolwa kndi mwaange kuvwa ku Jelusalema kuya mu matashi aba Loma. ¹⁸ Nibakamana kumbuzha mibuzho bakazanda kun'gangulula, nkambo kakwiina kambo kakupewa chisubulo chakuyayiwa ku mulandu wangu. ¹⁹ Pele chiindi bama Juda niba kaamba kutendelana ukuzanda kwabo, ndakazandisha kutola kaambo kwa Siza, nikuba kachitali munzhila ili ukoya ndalengelezha chishi changu. ²⁰ Ubobo nkaambo, ka chechi, ndakompolola kwamba nkubone alimwi ukubandika aze, ukuti ukaambo kabulangizhi bwa bana Izilayeli ndisamine yezhi inchetani." ²¹ Inzho bakamba kwakwe ati, "Twiina kukatambula man'gwalo kuvwa ku Judeya amupandulula, naba ku bakwesu kwiza kuhobela nikuba kwaamba bubiyabi bwako. ²² Pele tulazanda kutelela kuvwa kwako mbutelaika mukaambo kaka, nkaambo kalizhibikilwe kwesu ati kalambwa mububiyabi mumasena oonse." ²³ Chiindi nibaka musalila buzuba bwakwe, bantu banji bakeza kubusena nkwaka kukala. Wakabatulila kaambo, amane wapa bumboni makani abwami bwa Leza. Wakasoleka kubakulwaizha makani a Jeso, kwitila mu mulawo wa Mozesi alimwi ukuvwa ku bashinshimi, kuvwa chifumo kushika mangolezha. ²⁴ Bamwi bakakutila kushintu shakaambwa, pele bamwi baina kukashoma. ²⁵ Nibata katelezhanya beni ubeni, bakaya Paulu nakamana kwamba izwi leli: "Moza Usalala wakamba kwiitila mwa Isaya mushinshimi ku maushenu. ²⁶ Wakaamba, 'Koya kubantu ukaambe, "Kutelela mulakatelela, pele tamuka telelesha; kubona, mulakabona, pele kwiina nimuya kuzhiba. ²⁷ Nkaambo myozo ya ba bantu baba yaba milimbushi, umatwi abo taateleleli, alimwi menso abo bayaala. Ubuyo nibabona u menso abo, ukutelela u matwi abo, alimwi ukuzhibisha mu myozo yabo ukuchincha alimwi, amana ndakabaponya." ^{28 29} Ubobo, mulyelele kuzhiba kwaamba ati lolu lufutuko lwa Leza lwatumwa kuli Bakunze, alimwi balakatelela." ³⁰ Paulu wakakala mun'ganda yakwe yakulipila kwa myaka yobile, alimwi kabatambula boonse bakwiza kwakwe. ³¹ Kakambauka makani abwami bwa Leza alimwi kayiisha shintu sha Mwami Jeso Kilisito chakubula bukandu ukwiina uchimushinkilizha.