¹ Inzho Fesitasi wakanjila mubusena, amana nikwakaita mazuba otatwe, wakaya kuvwa ku Kayisaliya kuya kushika ku Jelusalema. ² Bapaizhi bakando ubamwi bashichishi chaba Juuda bakaleta milandu yakumutamikizha Paulu, alimwi bakashinizha- ³ kumulomba Fesitasi ati abayovwelezhe mukumulwana Paulu- kumwita ku Jelusalema, ukuti kabalibambila kumuyayila munzhila. ⁴ Fesitasi wakaingula ati Paulu kali mwange ku Kayisaliya, alimwi wakamba ati walo ulaya ko chakufwambaana. ⁵ "Ubobo, babo balozha," wakamba, tulyelele kuya abo. Kuti na kulikwete nchabishizhe mulakonzha kumupa mulandu." ⁶ Fesitasi wakakala kwa mazuba atabali ku lusele naba ikumi wakaya ku Kayisaliya, alimwi buzuba bwakachilila wakakala achuuna chabubeteshi ukkwaamba bamulete Paulu kwakwe. ⁷ Nakashika, bama Juuda baku Jelusalema bakazhima kufwaafwi aze, alimwi bakaleta milandu mikando kwakwe njibakakillwa kuletela bumboni. ⁸ Paulu wakalihuna ukwamba ati, "Ndiina chibi chindabisha kusotoka mulawo waba Juuda, nikuba kubishizha chikombelo naba kubishizha Kayisa." ⁹ Pele Fesitasi kazanda kubotelezha ba Juda, alimwi wakamwingula Paulu ulamba ati, "Sa ulazanda kwaamba kuya ku Jelusalema kwamba ume nkakubetekele nkuko kutwaambo totu?" ¹⁰ Paulu wakamba ati, "Ndizhimine kuchuuna chabubeteshi bwa Kayisa kwalo nkwinjelele kubetekelwa. Kwiina nchindababishizha ba Juda mbubona aze umwini mbuwizhi kabotu. ¹¹ Nikuba kuti ndabibsha alimwi nandabisha checho chikonzha kupa kuyayiwa, nshikaki kufwa. Pele nabulengelezhi bwabo bwiina nchibukwete, kwiina welele kumpa kumatashi abo. Ndalishisha kwa Kayisa." ¹² Fesitasi nakamana kwaamba ubabeteshi, wakaingula, "Walishisha kwa Kayisa. Ukwa Kayisa ulaya!" ¹³ Inzho nikwakaita mazuba, Mwami Agilipa u Banisi bakashika ku Kayisaliya kumuswaya Fesitasi ku milimo. ¹⁴ Nibakakala kolya kwa mazuba manji manji, Fesitasi wakaleta kambo ka Paulu ku mwami; wakamba ati, "mulombwana umwi wakashiwa muntolongo kwa Felekisi. ¹⁵ Chiindi ninda kakuli mu Jelusalema, bapaizhi bakando ubasololi ba ba Juda bakaleta milandu ya mulombwana wezu kwangu, alimwi balomba kwamba mupe mulandu wakuyayiwa. ¹⁶ Ndakabaingula ati tachili mu mulawo wesu wachi Loma kupa mulandu uli woonse shimulandu katana kubetekwa kwamba apewe chiindi cha kulihuna ku milandu njapewa. ¹⁷ Ubobo, nibakashika antoomwi kono, ndiina kukalindila, pele buzuba bwakachilila ndakakala achuuna cha bubeteshi amane ndakalailila kwamba mulombwana bamulete. ¹⁸ Chiindi bashikupa mulandu nibakazhimuka, kwiina mulandu ngubaka mupa ngundakakonzha kubona ati ulibishizhe. ¹⁹ Nikuba bobo, kabakwete mbuba takakutelezhanya kumakani abukombi bwabo alimwi umakani a umwi Jeso wakakufwile, walo Paulu ngwakwaamba ati ulapona. ²⁰ Ndakakunyongene mbwinkonzha kukavuntauzha kambo kaka, ubobo ndakamubuzha kwamba na ulavumina kuya ku Jelusalema kwamba akabetekwe kolya kumilandu yezhi. ²¹ Pele Paulu wakalomba kwamba akuli muntolongo chiindi nalindila muzeezo wa muleli wa chishi, ndakalailila ati bamusunge muntolongo kushikila nkamutume kwa Kayisa." ²² Agilipa wakambila Fesitasi ati, "Ame ndazanda kutelela ku mulombwana wezu." "Uzona," Fesitasi wakaamba, "ulakamutelela." ²³ Inzho buzuba bwakachilila, Agilipa u Banisi bakashika ubulemu bukando; bakanjila mun'ganda ubashilikani alimwi ubalombwana balemekwa ba muchishi. ²⁴ Fesitasi wakamba, "Mwami Agilipa, amwe nubalombwana nimuli aswebo bwasunu, mwamubona wezu mulombwana; inkamu shoonse sha ba Juda bakaleta kwangu kaambo ku Jelusalema alimwi ukono, amane bakampozomokela ati telele kupona linji. ²⁵ Ndakayana ati kwiina nchakabisha chikonzha kumuyazha; pele nkaambo wakatola makani kumbele ku muleli mukando, ndakatelaika kumutuma ku Loma. ²⁶ Pele ndiina nchinkwete chabwini chakulembela ku mwami wangu. Nkaambo ka chechi, ndamuleta kwako, kwambisha uwe kwako, Mwami Agilipa, kwaamba ambweni ndakonzha kuyana chakulemba chimwi ku mulandu wezu. ²⁷ Ukuti tachili chelelo kwangu kutuma muntu kuntolongo kwiina kulemba milandu njakachita."