¹ Chiindi nitwa kavwa nkubabele amane twaya, twaka sumana kuya ku munzhi mukando wa Cos, buzuba buchilila ku munzhi wa Rhodes, kuvwa koko kumunzhi wa Patala. ² Nitwakayana bwato bulaya ku Phoenicia, twakanjila tumane twaya. ³ Nitwakendeenda mu Cyprus twaushiya ku lumwenshi lwa bwato twakaya ku Syria tumane twashoka ku Taya, koku bwato nkubwa kwelele kushiya shintu. ⁴ Nitwakamana kuyana bashichiiya twakakala abo kwa mazuba ali chiloba. Kwitila mu moza bakazumanikana kwamba Paulu atayi ku Jelusalema. ⁵ Nakamana mazuba esu kolya, twaka kuvwa twaya mulweendo lwesu, alimwi boonse u bamenabo ubana bakatushindikila kuvwa mu munzhi. Tumane twakasuntama anshi ku mulando, twakomba, ⁶ amana twalazhanya abo. Tumane twaliza mubwato balo bapiluka ku minzhi yabo. ⁷ Nitwakamanizha lweendo lwa a meenzhi kuvwa ku Tyre, twakashika ku Ptolemais. Koku twakabaanzha bakwesu uku kala abo buzuba bomwi. ⁸ Mubuzuba bwakachilila twakavwa twaya ku Kayisa. Twakanjila mun'ganda ya Filipo, mukambaushi, wakuli wababo bali chiloba, tumane twakala aze. ⁹ Inzho wezu mulombwana kakwete banakwe banakalindu bali chiloba balo bakashinshima. ¹⁰ Nitwakakala kolya kwa mazuba, mushinshimi umwi wakutewa Agabus wakeza kuvwa ku Judeya. ¹¹ wakashika kwesu ukubweza lutambo lwa Paulu. wasebezha ndulo kulyaanzha ku matende uku matashi amane waamba ati, "Mbubolya mbuwaamba Moza Usalala, Mbubona bolya ba Juda ba mu Jelusalema mbubati bakamwaange mulombwana mukamwini lutambo lolu, alimwi balaka mwaaba ku matashi a bantu bakunze.''' ¹² Nitwakatelela aza, uswe ubabo bantu bakukala ku busena koko bakamukombelezha Paulu kwaamba atayi ku Jelusalema. ¹³ Amane Paulu wakaingula ati, ''Nchinzhi nchimuchita, kulila ukupenzha mozo wangu? Ukuti ume ndilibambile, kutali buyo kwaangwa, pele ukufwila mu Jelusalemaizhina lya Mwami Jeso.'' ¹⁴ Ukuti Paulu mbwaka kwiina bwenzelezhe, twakaliinza ngoona twakaamba ati, ''Luzando lwa Mwami aluchitwe." ¹⁵ Nikwakaita mazuba twakabweza shoola shesu twaya ku Jelusalema. ¹⁶ Twakaya ubamwi bashichiiya kuvwa ku Kayisa. Bakaletelezha umwi mulombwana wakutewa Mnason, mulombwana wakuvwa ku Cyprus, shichiiya, mutaanzhi, walo ngutwakukala aze. ¹⁷ Nitwakashika mu Jelusalema, bakwesu bakatutambula chakubotelwa. ¹⁸ Mubuzuba bwaka chilila Paulu wakaya aswe kwa Jemusi alimwi boonse basololi kabaliko. ¹⁹ Chiindi nakabaanzha, wakabezhibya shintu chimwi uchimwi Leza nshakachitila bakunze kwitila mu mulimo wakwe. ²⁰ Nibakachitelela, bakapa bulemu kwa Leza, alimwi bakamwambila ati, ''Wabona, mukwesu, shili shongaye shuulu sha shoma akati ka ba Juda. Boonse balazandisha kutobela mulawo. ²¹ Bakabambila makani ako, ati ulabayiisha boonse ba Juda boonse bakala u bantu bakunze kwaamba bamukake Mozesi, alimwi ulabayiisha kutapalula banabo, alimwi ukutendela munzhila sha tunshiya nshiya. ²² Nchiinzhi nchitukachita? Bakalatelela ati uwe washika. ²³ Inzho chita nchitukwambila. Tulikwete balombwana bone bakakonkezha. ²⁴ Batole balombwana baba mukalisalazhe abo, alimwi ukubalipilila, kwaamba bashizwe mu mitwi. Kwaamba boonse bashizhibe shintu nshiba kaambilwa shizama kwako ati nsha bubeshi. Bakalaiya kwamba ati aze ulapona buumi bululeme, kutobela mulawo. ²⁵ Pele ukuli bakunze bakashoma, twakabalembela ku muzeezo wesu kwaamba balyelele kuli tantumuna ku shintu shatuulwa ku shibumbwa, kuvwa ku bulowa, kuvwa ku kushinwa alimwi ukuvwa ku bumambe.'' ²⁶ Inzho Paulu wakababweza baba balombwana, mubuzuba bwakachilila wakalisalazha antoomwi abo. Bamane bakanjila muchikombelo, kwambilizha chiindi mazuba akulisalazha nati akazuzukizhiwe alimwi u chipo nichikaapewa cha umwi uumwi. ²⁷ Mazuba ali chiloba nakuzanda kumana, ba Juda kuvwa ku Asia, kubona Paulu muchikombelo, bakambila inkamu yoonse ukumukwata Paulu. ²⁸ Kabapozomoka balaamba ati, ''Balombwana ba Izilaeli, amutuyovwe. Wezu ngu mulombwana uyiisha balombwana boonse ku masena oonse shintu shitendelana u bantu, u mulawo, alimwi ubono busena.Kunze kuli aza, waleta ba Giliki mu chikombelo alimwi wasofwaazha busena bobu busalala.'' ²⁹ Nkaambo baka kumubwene kale Trophimus muna Efeso kabali aze mu munzhi, alimwi bakatelaika ati Paulu wakumuletele mu chikombelo. ³⁰ Oonse munzhi wakabotelwa, bamane bantu bakalukanka antoomwi bamukwata Paulu. Bakamukwela kumukusha mu chikombelo, amana shitendele shoonse ndilyona shakayalwa. ³¹ Nibakuchisoleka kwamba bamuyaye, mulumbe wakamweenzha mukando wakabunga kabashilikani, ati Jelusalema woonse uli mu lupyopyongano. ³² Ndilyona wakabweza bashilikani uku lukanka kuya ku nkamu ya bantu. Nibakamubona mukando wa bashilikani ubamwi bashilikani, bakachileka ku muuma Paulu. ³³ Ngoona mukando waba shilikani waka mukwata Paulu, amane walailila kwaamba bamwaange inchetani shobile. Kuvwa awo wakamubuzha izhina lyakwe alimwi u nchakachita. ³⁴ Bamwi munkamu bakupozomoka kwaamba chintu chomwi ubamwi chimwi. Ukuti musololi kwiina bwiini mbwakayana nkaambo ka choongo, wakalailila ati Paulu atolwe ku ntolongo. ³⁵ Nakashika a chitantilo, wakazemunwa u bashilikani nkaambo kakukwelana kwa bantu. ³⁶ Ukuti inkamu ya bantu baka kuchilile munnshi balaya bwaamba ati, ''Amumutole!'' ³⁷ Inzho nibakuzanda kumunjizha muntolongo Paulu, wakamwambila mukando wa bashilikani ati, ''Sa chilivumizhiwe kwamba n'gambe chomwi kwako?'' Musololi wakamba ati ''Sa ulichizhi chi Giliki? ³⁸ Sa induwe umwi muna Ejipiti chiindi chakaita wakakutalikile kabunga ukutola shuulu shone sha balombwana bayazhi mu lukula?'' ³⁹ Paulu wakaamba, ''Ndi mu Juda, uvwa mu munzhi wa Tarsus mu Cilicia. Ndi muzhale mu munzhi mulemu. Ndakulomba, mvumizha kwaamba mbaambile bantu.'' ⁴⁰ Chiindi musololi nakamuvumizha kwaamba, paulu wakazhima achitantilo amane wakatambika itashi lyakwe ku bantu. Nibakaliinza boonse, wakabambila mu mushobo wachi Hebulu. Wakaamba,