¹ ''Nubakwesu uba matata, amutelele kulivuna kwangu nkwinkamba ninzho kuli umwe.'' ² Inkamu niyakatelela Paulu ulamba mu mushobo wachi Hebulu, bakaliinza. Wakaamba, ³ "Ndimu Juda, ndakazhalilwa mu Tasusi waku Cilicia, pele ndakaila mu munzhi wenokumatende a Gamaliyeli. Ndakalaililwa umbuli inzhila inzumu ya milawo ya matata. Ndilyabile kwa Leza, ukoya mbumubele bwasunu noonse. ⁴ Ndaka kupenzha munzhila yezhi kushikila kuyaya, kwaanga ukutola kuntolongo balombwana u bakaintu. ⁵ umbona mbuba konzha kupa bumboni bapaizhi bakando uba sololi. Ndakatambula lun'gwalo lwa bakwesu ku Damasikasi, mane ndakaya kuba anga kubazhola ku Jelusalema kupewa shisubulo. ⁶ Chakachitika bolya nindakuya bwenda nindakashika afwaafwi u Damasikasi, chiindi cha mangolezha ndilyona mumuni kuvwa kwizeuli wakamunika ngundakubele. ⁷ Ndakawa anshi ukutelela izwi lyaamba kwangu ati, 'Saulu , saulu nkambo nzhi ulpenzha ume? ⁸ Ndakataba ati, 'Ndiwe ni Mwami?' Wakaamba kwangu ati, Ndime Jeso waku Nazaleta wezo ngupenzha.' ⁹ Babo mbutwakakuli abo bakobona mumuni, pele baina nibakalizhiba izwi lya wezo wakamba kwangu. ¹⁰ Ndakaamba, 'Nchite buti, Mwami? Mwami wakamba kwangu ati, 'Zhimuka ukuya ku Damasikasi. Kolya ulakashiminwa shoonse shisale nshiwelele kuchita.' ¹¹ Nkintakonzha nkambo ka mumuni wakamunikisha alimwi ukusololelwa umatashi ababo mbutwakakuli abo, Ndakashika mu Damasikasi ¹² Kolya ndakayanana u mulombwana wezhina lya Ananiyasi, mulombwana wakutiya Leza mukutobela mulawo alimwi wakwambwa bubotu kuba Juda boonse bakukala koko kubusena. ¹³ Wakeza kwangu, wazhima kumbali ame, amane waamba ati, Mukwesu Saulu, tambula kubona.' awo ngoona awoola ndakamubona. ¹⁴ Ngoona wakamba, Leza wamaushesu wakusala kwaamba uzhibe luzando lwakwe, ubone baluleme alimwi ukutelela izwi livwa ku mulomo wakwe mwini. ¹⁵ Nkambo ulakaba kamboni wakwe ku bantu kuli chechi nchi wabona ukutelela. ¹⁶ Inzho nchinzhi nchulindila? Zhimuka upapatizwe, amana usanzhe shibi shako, kompolola ezhina lyakwe.' ¹⁷ Nindakazhoka ku Jelusalema, alimwi nindaka kukomba muchikombelo, ndakabona chibonwa. ¹⁸ Ndakamubona ulamba kwangu ati, 'Fwambaana umuvwe mu Jelusalema chaku fwambaana, nkambo kwina niba kakutambula kupandulula kwako makani angu.' ¹⁹ Ndakaamba, 'Mwami, bamukamwini balizhi ati ndakakwaanga ukubauma boonse bakushoma mwako mu ma sinagogu oonse. ²⁰ Chiindi bulowa bwa Sitivini kamboni wako nibwakatika, ame ndakuzhimine kumbali ukuvumina, alimwi ndaka kulindilila shisani sha babo baka muyaya.' ²¹ Pele wakaamba kwangu ati, 'Koya, nkambo nkambo nkanda kutuma kulaale kubantu bakunze.''' ²² Bakamutelela kutwaambo twakwe kushila wamanizha. Ngoona baka pozomoka baamba ati, "Avwe u muntu ulibolya anshi ano, ukuti tachili chelelo kwamba kachipona." ²³ Bantu niba kuchisaba ukusowaila shisani shabo, ukuululula lufuko mwizeulu, ²⁴ mukando waba shikalumamba wakalailila kwamba Paulu aletwe mukati muba kukala. Wakamba abuzhiwe alimwi aumwe, kwamba lwakwe mwini azhibe nchibakusabila bantu kwakwe. ²⁵ Ciindi niba kamwaanga intambo sha masalu, Paulu wakambila mushilikani wakuzhimine afwaafwi ati, "Sa chili mu mulawo kuuma muntu muna Loma alimwi wiina unabetekwa?'' ²⁶ Mushilikani nakatelela wakaya ku mukando wa bashikalumamba ulamba, ati, Nchinzhi nchuzanda kuchita? Nkambo wezu mulombwana muna Loma." ²⁷ Mukando waba shikalumamba wakeza kwakwe ukwamba ati, Nshimwina, sa uli muna Loma?'' Paulu wakamba ati, ''Ee." ²⁸ Mukando wa bashikalumamba wakamba ati, "Kali buyo mali manji manji azo ngundakaula chipepa chabuzhale.'' Pele Paulu wakamba, "Ndakazhalwa ndimuna Loma." ²⁹ Inzho babo balombwana bobile bakuya kumubuzha bakamushiya ngona awo. Aze mukando wa bashilikani wakatiya nkambo kamwangile. ³⁰ Buzuba bwakachilila, mukando wa bashilikani kazanda kuzhiba meni meni ku makani aba Juda nchuba kumupela mulandu Paulu. Inzho waka mwangulula ukutuma kwamba bapaizhi bakando u babeteshi baswangane. Amane wakamuleta Paulu wamubika akati kabo.