¹ Nakamana mazwanga, Paulu wakabatumina bashichiiya alimwi nakamana kubazumya zumya, wakabalazha waya ku Macedonia. ² Nakaita mu minzhi yezhi ukwamba makani manji manji akuba zumya zumya wakaya ku Greece. ³ Nakamana myezhi yotatwe koko, bakamubambila kabunga kwamba bamuyaye ba Juda nakuzanda kuya ku Syria, inzho wakakwata muzeezo wakuzhoka kwita ku macedonia. ⁴ Washindikilwa kushikila ku Asia koko Sopata mwanakwe Pyrrhus waku Beleya; Alisitakasi u Sekundusi,boonse mbashomi bana Tesalonika; Gaya waku Debe; Timoti; alimwi u Tychicus u Tofiniyasiwaku Asia. ⁵ Pele baba balombwana bakasolola kumbele lyesu ukutulindila ku Tulowasi. ⁶ Twakaya u bwato kuvwa ku Filipi nakamana mazuba a chinkwa chiina bumena, alimwi mu mazuba osanwe twakashika ku Tulowa.Koko twakakala kumana kwa mazuba ali chiloba. ⁷ Mubzuba butanzhi bwansondo, intwakubungene kukomona chinkwa, Paulu wakamba kubashomi. Wakulibambila kuya mu buzuba buchilila, wakalansha kukambauka mulumbe mpaka kubushiku. ⁸ Kwakuli malampe manji mun'ganda ya mwizeulu mutwakubungene. ⁹ Mwi windo kwakushite mulombwana mushoonto wakutewa Eutychus, wakoona mutulo. Paulu nakuchiya bukambauka, wezu mwembezhi wakuchoona, wakawa anshi kuvwa mun'ganda ya mwizeulu yatatu wakabwezwa mufwu. ¹⁰ Pele Paulu wakaya anshi, ukulyololela amubili wakwe, amane wamufukatila. Ngoona wakaamba, ''Mutapengi ulabuka.'' ¹¹ Ngoona wakaliza alimwi waya kukomona chinkwa u kulya. Nakamana kukanana abo kwachiindi chilamfu kushikila bwacha, wakaya. ¹² Bakamuzhola Mwembezhi ulalanga alimwi bakaumbulizhiwa. ¹³ Uswe twakasolola kumbele lya Paulu mu bwato twaya ku Assosi, koko nkutwakatelaika kumutolelela Paulu.Chechi nchakuzandisha walo mwini, nkaambo kazanda kwiita a muuma. ¹⁴ Chiindi nitwakaswangana ku Assos, twakamubweza mu bwato ukuya ku Mitylene. ¹⁵ Tumane twakenda kuvwa koko twakashika buzuba bwakachilila kumbali ku chilwa cha Chiosi. Kubuzuba bwakachilila twakashika ku chilwa cha Samosi, alimwi buzuba bwakachilila twakashika ku munzhi wa Miletus. ¹⁶ Ukuti Paulu kazanda kwitilila ku Efeso, kwaamba atamana chiindi mu Asia; nkaambo kabindeene kuya ku Jelusalema ku buzuba bwa Pentekositi, kuti chakuli chuuba kwaamba achite bobo. ¹⁷ Kuvwa ku Miletus wakatuma balombwana ku Efeso kwamba bakompolole bakando bachikombelo. ¹⁸ Nibakashika kwakwe, wakabambila ati, ''Umwe lwenu mulizhi, kuvwa buzuba butanzhi nindakalyata itende mu Asia, umbundakachimana chiindi changu amwe. ¹⁹ Ndakatolelela kusebezela Mwami mukulimfwiinsha mu maanu umu misozhi, alimwi umu masunko akanchitikila ume nkaambo ka twaambo twa ba Juda. ²⁰ Mulizhi mbundatakazhoka munshi kwambilizha kwenu chintu chizandika, alimwi umbunda kamuyiisha cha antangalala ukuvwa ku n'ganda yomwi kuya kuli inji, ²¹ kupa bumboni kuli boonse ba Juda u ba Giliki makani kusandukila kwa Leza alimwi a lushomo mu Mwami wesu Jeso. ²² Inzho amulange, ndakuya ku Jelusalema, mukutumwa u Moza Usalala, kutazhiba chiya kuchitika kwangu kolya, ²³ chita buyo kwaamba ati muminzhi yoonse incheetani umapenzhi shilanindila. ²⁴ Pele nshibikile bumi bwangu kuba buzandishi kwangu, kuti buyo ndachikonzha kumanizha musinzo ukumana mulimo ngunda katambula kuvwa ku Mwami Jeso, kupa bumboni ku makani mabotu a luse lwa Leza. ²⁵ Inzho amubone, ndizhi kwaamba noonse, akati kenu ngunda kakambauka a bwami, tamuka buboni linji bushu bwangu. ²⁶ Ubobo ndalyambilila kwenu bwasunu kwamba ati ndiina mulandu ku bulowa bwa muntu uli woonse. ²⁷ Ukuti ndiina kukapiluka munshi kwambilizha loonse luzando lwa Leza. ²⁸ Ubobo amulibambe lwenu nubeni ukumbunga njimwakasalilwa u Moza Usalala kwaamba mube basololi. Amulibambe kwembele chikombelo cha Leza, chalo nchakaula u bulowa bwakwe. ²⁹ Ndizhi kwaamba ndakuvwa kono, banyama batizha balashika akati kenu alimwi tabakashileka imbelele. ³⁰ Alimwi ukuvwa akati ka balombwana benu kulakabuka banyonganya bwini kukusha bashichiiya kwabo. ³¹ ubobo amulinde. Mutelaike kwamba ati myaka yotatwe yaita ndina kuleka kumuchenjezha chakulila mashiku u muunza. ³² Inzho ndamutambika kwa Leza alimwi u kwizwi lya luse lwakwe, likonzha kumuzaka alimwi ukumupa lukono akati kababo basalazhiwa. ³³ Ndina kukalikumbuzha ku siliva wa muntu, golide, nishiba shisani. ³⁴ Noonse mulizhi ati matashi aza akampa chakuzandika kwangu alimwi ushesho shakuzandika kuli babo mbutwakuli abo. ³⁵ Mushintu shoonse ndakamupa chitondezho mbumwelele kuyova babo balenga mukusebeza, alimwi umbu mwelele kutelaika mazwi a Mwami Jeso, mazwiwalo lwakwe mwini ngakaamba: 'Nchilongezhe kupa kubaazha kutambula.''' ³⁶ Nakamana kwaamba mazwi aza, wakasuntama wakomba abo boonse. ³⁷ Kwakaba kulila kukando alimwi bakamukumbata Paulu uku mushonta. ³⁸ Bunji bwabo kabalemene nkaambo kashesho nshakaamba, ati kwiina nibaya kububona bushu bwakwe alimwi. Bamane bakamushindikila ku bwato.