¹ Chaachitika ati chiindi Apolosi nakakuli ku Kolinto, Paulu nakaita kuluya lumwi wakashika ku chishi cha Efeso, wakayana bashichiiya bamwi koko. ² Paulu wakabambila, "Sa mwakatambula Moza usalala nimwakashoma?" Bakamutaba ati, "Peepe, twiina nitwakatelela makani a Moza Usalala." ³ Paulu wakamba ati, ''No mumunzhi mu mwakapatizwa?'' Bakamba ati, Mumu lupapatizo lwa Johani.'' ⁴ Ngoona Paulu wakaingula ati, ''Johani ka papatiza lupapatizo lwa kusanduka. Wakabashimwina bantu ati balyelele kushoma muli wezo ukezhiza munshi lyakwe, nku kwamba, mwa Jeso.'' ⁵ Bantu niba katelela bobo, baka papatizhiwa mwizhina lya Mwami Jeso. ⁶ Inzho Paulu nakabampa matashi akwe, ndilyona Moza Usalala wakabezhila ngoona batalika kwaamba mu milaka ukushinshima. ⁷ Boonse kaba kwana ikumi u bobile balombwana. ⁸ Paulu wakenjila mu sinagogu uku kambauka chakubula bukandu kwa myezhi yotatwe, kubayiisha uku bakulwaizha makani a bwami bwa Leza. ⁹ Pele ba Juda nibaka zuma ukuchikaka, bakatalika kwamba makani mabiyabi ku menso a bantu banji banji. Ngoona Paulu wakabashiya wabweza u bashichiiya, kuyiishanya abo abuzuba muchikolo cha Tayilanusi. ¹⁰ Chechi chakatolelela kwa myaka yobile, chakuti boonse bakukala mu Asia bakalitelela izwi lya Mwami, boonse ba Juda u ba Giliki. ¹¹ Leza kachita maleele azoosha kwiita mu matashi a Paulu, ¹² kwaamba nishiba intaulu na tusani twa achamba kuti watwaampa bamana batola ku balwazhi bapona alimwi u myoza mibiyabi yaka kuvwa muli mbabo. ¹³ Pele kakuli ba Juda bakukusha myoza mubantu mibiyabi bakwiita muchishi. Kaboompolola izhina lya Mwami Jeso kwaamba bakwate insana a myoza mibiyabi chiindi baamba ati, "Kwizhina lya Jeso Paulu ndya kambauka, ndku lemanina muvwe.'' ¹⁴ Mupaizhi mukando wachi Juda, wezhina lya Sikeva, kakwete bana bali chiloba bakuchita wezu mulimo. ¹⁵ Moza mubiyabi wabaingula ati, ''Jeso ndimwizhi, u Paulu ndimwizhi; Pele umwe ndimwe bani?'' ¹⁶ Moza wakuli mu mulombwana wakabafwampa uku bauma boonse.Ngoona baka muvwa lubilo chintanda munganda balilichisile. ¹⁷ Chechi chakazhibwa koonse kuba Juda uku ba Giliki, bakukala ku Efeso. Bakatiya, alimwi izhina lya Mwami Jeso lyaka lemekwa. ¹⁸ Alimwi, bunji bwa bashomi bakeza kulyambilila shoonse shibi nshi bakachita. ¹⁹ Banji bakuchta mabibo bakaleta mabuka abo ukwatenta kumenso abantu.Nibakashibala muulo washo, shakwana shuulu sha makumi osanwe shatupanzha twa siliva. ²⁰ Inzho izwi lya Mwami lyaka mwaala cha nsana ²¹ Inzho nishakamana kuchitwa sheshi shintu, Paulu wakwata muzeezo ku moza wakwiita ku Masedoniya uku Akaya nakakuya ku Jelusalema; wakaamba ati, Ndavwa kolya ndyelele kuya ku Loma.'' ²² Paulu wakatuma ku Masedoniya basebezhi bobile, Timoti u Elasitasi.Pele walo wakashaala mu Asia kwa chiindi chishoonto. ²³ Kuchiindi checho kakwiina chishoonto chaku banyonganya mu Efeso ku makani a nzhila. ²⁴ Umwi mulombwana shikufula shibulo wakutewa Demetiliyasi, wakabamba shibumbwa sha siliva shaku malende a Atemis, chakaba letela impindu boonse bashikubamba shibulo. ²⁵ Inzho wakababunganya boonse basebezhi ba mulimo wezo amane wabambila ati, ''Balombwana, mulizhi kwaamba ati mu mulimo wezu tulayana mali manji. ²⁶ Mulibwene ukutelela ati, ukutali buyo ku Efeso, pele muchishi choonse cha Asia, wezu Paulu wakoongelezha uku sandula banji banji bantu. Ulaamba ati ba leza bapange ku matashi tabali ba leza. ²⁷ Takuli buyo kutizha ati mulimo wesu ulabula makwebo, pele ati chikombelo cha leza mukaintu mukando Atemisi chilaba nichaambwa ati china bulemu, alimwi bukando bwakwe bulamaninina, walo chishi cha Asia alimwi u luundu loonse inguwe ngu bakomba.'' ²⁸ Chiindi niba katelela aza, bakazula bukali alimwi bakapozomoka baamba ati, ''Mukando ngu Atemisi wa bana Efeso.'' ²⁹ Munzhi woonse wakazula manyongwe, alimwi bantu bakalukanka u muzeezo womwi mubukali. Bakakwata babo bakweenda u Paulu, Gayasi u Alisitakasi, wakavwila ku Masedoniya. ³⁰ Paulu kazanda kunjila akati ka nkamu ya bantu, pele ba shichiiya baamukasha. ³¹ Alimwi, bamwi basololi babusena bwa Asia bakuli balongwakwe bakamutumina mulumbe wakumulomba ati atabi nenjila a mubungano. ³² Bantu kaba pozomoka kwamba chintu chomwi, bamwi uchinji, nkaambo inkamu yakunyongene. Bunji bwabo kabatachizhi chakapa kwamba babungane. ³³ Bamwi ba nkamu baka mubula Alexander, walo ba Juda ngu bakutonkela kumbele. Inzho Alexander wakatambika itashi lyakwe, mukuzanda kwamba ati alivune ku mubungano. ³⁴ Pele nibakazhiba kwamba aze mu Juda, boonse bakapozomoka kwamba izwi lyomwi kwa ma woola obile balaamba ati, "Mukando ngu Atermis wabana Efeso.'' ³⁵ Inzho mulembi wa nkambe naka linzisha bantu, wakambaati, '' Umwe nu balombwana bana Efeso, nchinzhi mulombwana nchatezhi checho kwamba ati munzhi wabana Efeso ngu mulindizhi wa chikombelo cha mukando Atermis alimwi uchi nkozha chakavwa kwizeulu? ³⁶ Kubona kwamba sheshi shintu shiina buzumanane, mulyelele kuliinza kutachita chintu kamutana kutelaika kabotu. ³⁷ Ukuti mwabaleta balombwana baba ku nkuta yezhi batali bafumpi ba shikombelo naba bashikusampaula leza wesu mukaintu. ³⁸ Ubobo, kuti Demetrius ubashikubamba shibulo mbali abo balikwete mulandu nguba mupa, inkuta shili yalulilwe alimwi nkubali u baleli. Amubaleke beni bapane milandu. ³⁹ Pele na kuti kuchili chimwi nchimu chikapula, chilyelele kubambilwa mu muswangano wa lyoonse. ⁴⁰ Ukuti tuli mubuzumu zumu bwaku pewa mulandu waku leta manyongwe bwasunu, alimwi kwiina kaambo kavumizha mazwanga aza.'' Nakamanizha kwaamba, wakamwaazha muswangano.