¹ Kumana kwa shintu sheshi Paulu wakavwa ku Antenisi waya ku Kolinto. ² Kolya wakaswagana u mu Juda wakutewa ati Akwila wakuvwa ku Pontusi wakuli mwenzu kuvwa ku Itali umwinakwe Pulisila, nkaambo Kilaudiyasi wakalailila kwaamba boonse ba Juda bamuvwe mu Loma. Paulu wakabaila, ³ nkaambo kasebeza koko nkukona wakakala abo ukusebeza nkaambo kabapanga matente nguwakuli mulimo wabo ⁴ Ubobo Paulu kaya mu sinagogu lyoonse Muchibelu, kusola kubakulwaizha boonse ba Juda uba Giliki. ⁵ Inzho chiindi Sailasi u Timoti nibakazhoka kuvwa ku Masedoniya, Paulu wakalyaaba kwizwi, kupa bumboni ku ba Juda ati Jeso inguwe Kilisito. ⁶ Pele ba Juda nibakamukazha ukumutuka, Paulu wakasamununa shikobelo shakwe amane wabambila ati, Bulowa bwenu buwile amitwi yenu; Ume ndasalala. Kuvwa bwasunu ndakuya ku bavwa mashi." ⁷ Nakamana wakaya kun'ganda ya mulombwana utewa Taitasi Jusitusi, mulombwana wakukomba Leza. In'ganda yakwe keli kufwaafwi u sinagogu. ⁸ Kilisipasi, musololi wa sinagogu, wakashoma mu Mwami, kusanganya uba n'ganda yakwe; alimwi ubamwi bana Kolinto bakatelela bakashoma bamane bapapatizwa. ⁹ Mwami wakamwambila Paulu mashiku muchibonwa, "Utatiyi, pele amba alimwi utaliinza. ¹⁰ Ukuti ndakuli aze, alimwi kwiina ukasoleka kukuchisa, ukuti ndikwete bantu banji mono mu munzhi." ¹¹ Paulu wakakala momo kumana kwa mwaka womwi u myezhi ili chisambomwe, kuyiisha izwi lya Leza akati kabo. ¹² Pele chiindi Galiyo nakaba mwendelezhi wakambe ya Akaya, bakamubukila umuzeezo womwi kulwana Paulu ukumuleta ku chuuna cha bubeteshi; ¹³ bakaamba, "wezu mulombwana ulakulwaizha bantu kukomba Leza chalo chitendelana u mulawo." ¹⁴ Inzho chiindi Paulu nakakuzanda kwamba, Galiyo, wakabambila ba Juda, "umwe nuba Juda, kuti chini chini nakuli akuti makani akubisha na mulandu wakubisha, nichakuli chibotu kwendelana amwe. ¹⁵ Pele nkaambo yezhi mibuzho ya mazwi umazhina alimwi umulawo wenu, amuchibambe nubeni. Nshizanda kuba mubeteshi kumakani aza." ¹⁶ Galiyo wakabatanda ku chuuna cha bubeteshi. ¹⁷ Inzho boonse bakamukwata Sosetenesi, muleli wa sinagogu, uku muumina kumbele ya chuuna cha bubeteshi. Pele Galiyo kaina acho makani checho nchibakachita. ¹⁸ Paulu, amane kukala koko kwa mazuba manji, wakabashiya banina waya uba Pulisila u Akwila kubusena bwa Siliya. Katana kuvwa ku mulando, wa Cenchreae, wakashiza masusu akwe nkambo kachishomezho nchakakukwete. ¹⁹ Nibakashika ku Efeso, Paulu wakashiya Pulisila Akwila koko, pele walo wakaya ku sinagogu amane wabakambaukila ba Juda. ²⁰ Nibaka mulomba kwamba akale kwachiindi chilamfu, Paulu waakaka. ²¹ Pele nakakuvwa kwabo, wakamba ati, "Ndakazhoka kwenu alimwi kuti na nduzando lwa Leza." Nakamana wakakuvwa ku Efeso. ²² Paulu nakashika ku Kayisaliya, wakayakwaanzha chikombelo cha Jelusalema amane waya ku Antiyoki. ²³ Amane kukala kwa chiindi, Paulu wakaita mu masena aku Galatiya u Phrygia, kuzumya zumya boonse bashichiiya. ²⁴ Inzho umwi mu Juda uwezhina lya Apolosi, Alekizanda kubuzhalwe, wakeza kubana Efeso. Kachizhi kwaamba alimwi ukuzhiba mazwi a Leza. ²⁵ Apolosi wakalaililwa mubuyiishe bwa Mwami. Mukuba u moza, kaamba ukuyiisha kabotu mushintu shizama kwa Jeso,pele kezhi buyo lupapatizo lwa Johani. ²⁶ Apolosi wakatalika kwaamba chakubula bukandu mu sinagogu. Pele chiindi Pulisila u Akwila nibakamutelela, bakamutola ambali ukutalika kumupandulwila inzhila ya Leza mubwini. ²⁷ Nakazanda kwamba ayite mu Akaiya, banina baka muzumya zumya ukulembela ku bashichiiya ku Akaiya kwamba bamutambule. Nakashika, Wakabayovwesha babo bashoma muluse. ²⁸ Apolosi munsana waakakila ba Juda muku kazhanya,kutondezha mu malembo abonya ati Jeso inguwe Kilisito