¹ Inzho nibakaita mu minzhi ya Amfipolisi u Apoloniya, bakashika ku munzhi wa Tesalonika, ukwakakuli sinagogu yaba Juda. ² Paulu, umbuli kanshiya nshiya kabo, wakaya nkubakakubele, kwamazuba ali Shibelu shotatwe wakayiishanya abo mu malembe. ³ Waka kuyalula malembe ukupandulula kwamba kachelele Kilisito kupenga alimwi ukubuka kuvwa ku bafwu. Wakaamba ati, "Wezu Jeso ngwinkambauka kuli umwe inguwe Kilisito." ⁴ Bamwi ba Juda bakakulwaizhiwa bamane basangana kwa Paulu u Sailasi, kuzungila inkamu inkando yaba Giliki balyaabile alimwi kutali bamakaintu bashonto bakabalwa. ⁵ Pele babo ba Juda batakakushoma, baka kunjililwe munyono walo wakabweza bamwi balombwana batakashoma kuvwa ku masena amushika, bakabungana inkamu antoomwi, amane bapa kwamba inkambe ipilingane. Bakachisa in'ganda ya Jasoni, kabakapula kwamba Paulu u Sailasi babakushe mu bantu. ⁶ Pele nibataka bayana, bakakwata Jasoni u bamwi banina balombwana babatola kumbele lya basololi ba nkambe, kulila balamba, "Baba balombwana basandula chishi kutola mububiyabi bachiza kono alimwi. ⁷ Baba balombwana balo Jasoni mbatambula balachita chandene umulawo wa Kayisa; balamba ati kuli umwi mwami Jeso." ⁸ Bakapenzha basololi ba nkambe iinkamuya bantu bakashitelela sheshi shintu. ⁹ Pele nibakamana kukwabililwa kwa Jasoni ukuli bamwi, bakabaleka baya. ¹⁰ Azo mashiku banina bakatuma Paulu u Sailasi ku Beleya. Nibakashika kolya, bakanjila mu sinagogu waba Juda. ¹¹ Inzho babo bantu kabali baangulushi kubala baku Tesalonika, nkaambo bakalitambula izwi u mizeezo ilibambile, kulisunka mushibalo abuzuba kwamba babone na shintu shesho kashili bobo. ¹² Ubobo banji banji bakashoma kubika ubamwi balemu bakaintu bachi Giliki alimwi u balombwana banji. ¹³ Pele chiindi ba Juda baku Tesalonika nibakazhiba ati Paulu aze ulakambauka izwi lya Leza ku Beliya, bakaya kupilinganya ukupenzha inkamu ya bantu. ¹⁴ Kumane ngoona awo, banina bakamutuma Paulu kuya ku lwatele, pele Sailasi u Timoti bakashala. ¹⁵ Babo bakuya bumutola Paulu bakamutola kulaale ku nkambe ya Atenis. Inzho nibakamushiya Paulu koko, bakatambula malailile kuvwa kwakwe akakuya kwa Sailasi u Timoti ati bakuya kwakwe mukufwambaana. ¹⁶ Inzho Paulu nakakubalindila mu Atenis, moza wakwe wakabiilwa nakabona inkambe ilizwile ba leza babumbe. ¹⁷ Ubobo wakakubandika abuzuba mu sinagogu uba Juda alimwi ubamwi baka kukomba Leza, alimwi umu masambalilo ababo bakuyanika koko. ¹⁸ Pele alimwi bamwi bakukwete nchibashoma ubamwi bakuli basongo mulwiiyo bakamwiila. Bamwi bakaamba, "Anu nchiinzhi wezu shikulabalika nchasola kwaamba?" Bamwi bakaamba, "Ulalibonya kuba nguwe wita bantu kuchilila baleza batazhibilwe," nkaambo kakambauka makani mabotu a Jeso alimwi ukubuka kubafwu. ¹⁹ Bakamutola ku Areopagus, balamba, "Atuzhibe koku kuyiisha kupiya nkuwakwaamba? ²⁰ Ukuti waleta shintu sheenzu mu matwi esu. Ubobo tulazanda kuzhiba sheshi shintu mbushaamba." ²¹ (Inzho boonse bana Atenisi ubamwi beenzu bakakuvwa kolya bakamanina chiindi chabo kwiina chinji chita bulyo kwaamba ukutelela shintu shipiya.) ²² Ubobo Paulu wakazhima akati kabo wamba ati, "umwe nubalombwana bana Atenisi, ndabona ati umwe muli bakombi munzhila shoonse. ²³ Ukuti nindakuya bwiita ndayana shintu nshimukomba, ndayana chipaililo chilembelwe, "Ukuli Leza Utazhibilwe." Nchinzhi ubobo nchimukomba mukutezhiba, chechi ndachaamba kwenu ²⁴ Leza wakalenga lundu u shoonse shili mo,ukuti ngu Mwami wezeulu iinshi, takala mushikombelo shizake u matashi. ²⁵ Nikuba kumaninwa milimo umatashi abantu, ukoya kuli nchakuzanda, nkambo walo lwakwe ulapa bantu bumi alimwi umoza wakuzoza ushimwi shintu. ²⁶ Kuvwa ku muntu womwi wakabumba lundu loonse lwa bantu kwaamba bakukala ano anshi, kubabambila shiindi sha mwaka alimwi uminyinza ya masena abo akukala, ²⁷ kwaamba bamukapule Leza alimwi kwamba ambweni balakonzha kuzhiba inzhila yabo iiya kwakwe ukumuyana. Ubobo tali kulaale kuli umwi umwi wesu. ²⁸ Nkaambo mwakwe tulapona ukweenda alimwi ukuba mbutubele, ukoya omwi wenu mulembi mba amba, 'Ukuti aswe tuli banakwe.' ²⁹ "Ubobo, twakuli banakwe Leza, tatwelele kutelaika ati bulemu bwa Leza buli ukoya golide, na siliva na ibwe-shinkonzha shakabumbwa umizeezo ya muntu. ³⁰ Ubobo Leza wiina nakalanganya chiindi chakutezhiba, pele ninzho ulamba ku bantu boonse umasena woonse kwaamba basanduke. ³¹ Chechi nkaambo wakabamba buzuba mbwati akabeteke luundu mubululami ku muntu ngwakasala. Leza wakatondezha bwini bwa muntu wezu ku muntu woonse kwiita mukumubusha kuvwa ku bafwu." ³² Inzho balombwana baku Atenisi nibakatelela akubuka kwa bafwu, bamwi bakamusalizha Paulu; pele bamwi bakaamba ati, "Tulakatelela kwako alimwi makani aza." ³³ Kuvwa awo, Paulu wakabashiya. ³⁴ Pele bamwi balombwana bakamusangana ukushoma, antoomwi u Diyonishasi mubeteshi, mukaintu wezhina lya Damalisi, ubamwi bakuli abo.