¹ Paulu wakeza alimwi ku Debe u ku Lisitila, amane wakabona umwi shichiiya wezhina lya Timoti kali ko, mwanakwe mukaintu mu Juda wakuli mushomi pele ushi kali mu Giliki. ² Kabamwaamba kuba kabotu bakwesu bakuli ku Lisitilauku Ikoniyamu. ³ Paulu kamuzanda kwamba bakuya aze, inzho wakamutola kupalulwa nkambo kaba Juda bakuli mu masena azo, nkaambo boonse kabezhi ati baushi mba Giliki. ⁴ Nibakakuya bweenda muchishi kabaya bwiita mu milawo kuchilila yezho yakabikwa ubatumwa ubasololi bakuli mu Jelusalema. ⁵ Inzho shikombelo shakazuma mulushomo ukuzungilwa mu myeelwe abuzuba ubuzuba. ⁶ Paulu umbubakakuli abo bakaya kwiita muchishi cha Fuligiya u Galatiya, ukuti bakakashiwa u Moza Usalala kukambauka izwi mubusena bwa Asiya. ⁸ Nibakashika afwafwi u Misiya, bakasoleka kuya mu Bitiniya, pele Moza wa Jeso wakabakasha. ⁷ Inzho kwiita mu Misiya bakashika munkambe ya Trowasi. ⁹ Chibonwa chakalibonya kwa Paulu mashiku: Mulombwana waku Masedoniya kazhimine kolya, kumukumbila wamwambila ati, Kweza mono mu Masedoniya utuyovwe." ¹⁰ Lelyo Paulu nakabona chibonwa, ndilyona twakatalika kuya ku Masedoniya, kumanizha checho Leza nchakatwiitila kukambauka makani mabotu kwabo. ¹¹ Kweenda ubobo kuvwa ku Tulowasi, twakabamba bweende busumene kushika ku Samotilasi, buzuba bwakachilila twakashika ku Neyapolisi. ¹² Kuvwa awo twakaya ku Filipi, yalo ni nkambe yamu Masedoniya, ni nkambe inkando mubusena bwendelezhiwa uba Loma, alimwi twakakala mu nkambe yezhi kwa mazuba manji. ¹³ Mubuzuba bwa Chibelu twakavwa ansengwe kwita amulyango kuya kumulonga, kwalo nkutwakutelaikila kuba busena bwa mipailo. Twakakala anshi ukwambila bamakaintu baka kubungene antoomwi. ¹⁴ Mukaintu umwi wezhina lya Lidiya, musambazhi washisani waku nkambe ya Tiyatila, wakukomba Leza, wakapupulala kwesu. Mwami wakoyalula mozo wakwe kwamba ateleleshe nchaka kwamba Paulu. ¹⁵ Lelyo walo uban'ganda yakwe nibakapapatizwa, wakali kombya kwesu, ulamba, "Kuti namwambona kuba mushomeshi ku Mwami, kamwiza mukale mun'ganda yangu." alimwi wakatushinikizha. ¹⁶ Chakachitika lelyo, nitwa kakuya ku busena bwa kukombela, mushimbi umwi muzhike wakukwete moza wakusonda wakatuswanganya. Kabaletela lubono bashimatwanga akwe kuvwa kukusonda. ¹⁷ Wezu mukaintu wakamuchilila Paulu aswe ulapozomoka, ulamba ati, "Baba balombwana mbazhike ba Leza Mukandoshi.Balakambauka kwenu inzhila ya lufutuko." ¹⁸ Wakachita chechi kwa mazuba manji manji. Pele Paulu, mbwaka kulemene kuli nshakuchita mushimbi, wakachinduluka wambila moza ati, "Ndakulemanina mwizhina ulya Jeso Kilisito umuvwe mu mukaintu." Amane wakavwa awo ngoona achiindi. ¹⁹ Lelyo bashimatwanga akwe nibakabona ati bulangizhi bwa buvubi bwaya, bakamukwata Paulu u Sailasi babatola kumasambalilo kumbele lya bashi mulawo. ²⁰ Nibakabaleta ku babeteshi, bakaambaati, "Balombwana baba balakuleta mapenzhi muchishi chesu. Mba Juda. ²¹ Balakambauka tunshiya nshiya tutali mu mulawo kwamba ba Loma batutambule nikuba kutuchita." ²² Amane inkamu yakazhimuka antoomwi kubukila Paulu u Sailasi; babeteshi bakazapaula shisani shabo ukulailila kwamba baumwe misako. ²³ Nibakamana kubauma, bakababika muntolongo ukwambila mushilikani wa ntolongo kwamba abalindilile chabwini. ²⁴ Nakamana kulaililwa, mushilikani wakabawaala muntolongo ya mukati amane wabaanga ku matende. ²⁵ Akati kamashiku Paulu u Sailasi kabakomba ukwiimba inyimbo kwa Leza, bamwi baange kabapupulele kwabo. ²⁶ Ndilyona kwakaba kuzhangama kwa nshi, chakuti intalisho ya mazake antolongo yakazungana; ngoona awo milyango yoonse yaku ntolongo yaka yaluka, amane inchetani nshibakwangilwe boonse shakanguluka. ²⁷ Mushilikani wakulinda intolongo wakabuka kuvwa mutulo amane wabona shitendele shaku ntolongo shili yalukile; wakakwela icheba lyakwe kazanda kuliyaya, nkaambo wakatelaika ati baange baloboka muntolongo. ²⁸ Pele Paulu wakapozomoka, ulaamba, "Utaliyaya, nkaambo toonse mutuli mono." ²⁹ Mulindizhi wa ntolongo wakalomba mimuni amane wakafwambaana kunjila, walila chabukandu, wawila kumbele lya Paulu u Sailasi, ³⁰ amane wabakusha ansengwe waamba ati, "Nubalombwana, Nchiinzhi nchinjelele kuchita kwaamba mfutulwe?" ³¹ Bakamwambila, "Shoma mu Mwami Jeso, wamana ulafutulwa, uwe alimwi uban'ganda yako." ³² Bakaamba izwi lya Mwami kwakwe, antoomwi ukuli babo boonse bakuli mun'ganda yakwe. ³³ Ngoona mulindizhi wa ntolongo wakabatola ngona achiindi cha mashiku, amane wasanzha shilonda shabo, alimwi walo uboonse bamun'ganda yakwe baka papatizwa ndilyona. ³⁴ Inzho nakabaleta ba Paulu u Sailasi mun'ganda yakwe wabapa shakulya, wakabotelwa chini chini antoomwi uban'ganda yakwe, kwaamba washoma muli Leza. ³⁵ Nibwakacha, babeteshi bakakatuma mazwi ku balindizhi, balaamba, "Amubaleke balombwana babo bakuya." ³⁶ Mulindizhi waka amba mazwi kwa Paulu, ulaamba ati, Babeteshi bantumina mazwi kwamba ume muleke mukuya. Inzho ubobo amuvwe mukuya mu luumuno." ³⁷ Pele Paulu wakabambila ati, "Batuumina mu menso abantu kwiina ukubetekwa, nikuba kuti tuli bana Loma-alimwi batu waala mu ntolongo. Sa balaanda kututuma kulaale mukuseseka? Pepe! Abashike lwabo beni batusololele kuvwa." ³⁸ Balindizhi baka amba mazwi aza ku babeteshi, alimwi chiindi nibakatelela kwamba Paulu u Sailasi mbana Loma, bakatiya. ³⁹ Babeteshi bakeza balilekelela kwabo bamane babakusha ansengwe, babalomba kwamba bamuvwe baye kulaale umunzhi. ⁴⁰ Inzho Paulu u Sailasi bakavwa muntolongo amane bashika kun'ganda ya Lidiya. Chiindi Paulu u Sailasi nibakababona banyokwabo, bakabazumya zumya ngoona bakamuvwa muchishi.