¹ Bamwi balombwana bakavwa ku Judeya kuya ku Antiyoki ukuyisha banina, kwamba ati, "Chita kuti mwapalulwa kwingaina u kanshiya nshiya ka Mozesi, tamukonzha kufutulwa." ² Chechi chakapa Paulu u Banabasi kunyongana ukubuzhanya abo. Inzho Paulu u Banabasi, ubamwi akati kabo bakasalwa kuya ku Jelusalema kuya kuswangana u batumwa u basololi ku mubuzho wezu. ³ balo ubobo, mbuba katumwa uchikombelo, bakatumwa ku Phoenicia u Samaliya, ukwambilizha kusanduka kwa bantu bakunze. Bakaleta kubotelwa kunji kunji ku banyokwabo. ⁴ Nibakashika ku Jelusalema bakatambulwa u chikombelo u batumwa alimwi u basololi, ukwamba shoonse shintu Leza nshakachita abo. ⁵ Bamwi balombwana bakashoma, baku balilwa ku kabunga ka bafalisi, bakazhimuka ukwamba ati, "Nchelelo kwamba bapalulwe ukubalailila kwamba batobele milawo ya Mozesi." ⁶ Inzho batumwa u basololi kulanganya kaambo kaka ⁷ Kumane kukazhanya, Pita wakazhimuka wabambila ati, "Bakwesu, mulizhi kwamba chiindi chibotu chaita Leza wakasala akati kenu, ati kwita mu mulomo wangu bakunze balyelele kutelela izwi lya makani mabotu, ukushoma. ⁸ Leza, uwizhi Mozo, wakapa bumboni kwabo mukubapa Moza Usalala, mbubona mbwakachita ukwesu. ⁹ Kwiina nakabika lwandaano akati kesu umbabo mukusanzha myozo yabo u lushomo. ¹⁰ Inzho ubobo nkambo nzhi mulasunka Leza, chakuti mulababika ijoko anshingo bashichiiya lyalo maushesu naba uswe ndyutwata kakonzha kubweza? ¹¹ Pele tulashoma kwamba ati tulaka futulwa kwita muluse lwa Mwami Jeso, mbubona mbuba kubele." ¹² Bantu boonse bakaliinza nibaka kupupulala kwa Banabasi u Paulu nibaka kwaba shitondezho u maleele Leza ngaka sebeza akati kabo bakunze kwiita muli mbabo. ¹³ Niba kaleka kwaamba, Jemusi wakaingula, ulaamba, "Bakwesu, amutelele kwangu. ¹⁴ Saimoni waamba Leza mbwaka tanguna kuyovwa bakunze kwamba abweze bantu kuvwa kwabo kwi zhina lyakwe. ¹⁵ Mazwi a bashinshimi alavumizhanya u chechi, umbona mbuku lembelwe, ¹⁶ 'Shakaita buyo sheshi shintu ndakazhoka, alimwi ndakazaka alimwi chikombelo cha Devidi, chalo chakawa anshi; ndakabika ukubambulula shoonse shifwile alimwi, ¹⁷ kwamba ati ubamwi bantu bakamukapule Mwami, kubikilizha u bakunze baketiwa kwizhina lyangu.' ¹⁸ Chechi inchicho ncha amba, wakachita shintu sheshi shakazhibwa kuvwa ku makankilo. ¹⁹ Ubobo, ndabamba akuti tatwelele kupenzha ali babo bakunze basandukila kwa Leza. ²⁰ Pele tulaba lembela kwamba ati balyelele kuli tantumuna kubusofwazhi bwa shibumbwa, uku mamambe, alimwi uku buzani bwa munyama washinwa, uku bulowa. ²¹ Ukuti Mozesi wakambaukwa mu minzhi yoonse kutalikila kushiindi sha kale kale alimwi ula kambaukwa mu ma sinagogu lyoonse mu Chibelu." ²² Inzho chakalibonya kubota ku batumwa uku basololi, uku chikombelo choonse, kusala Judasi wakutewa Basabasi, u Sailasi, bakuli basololi ba bakwesu uku batuma kuya ku Antiyoki antoomwi u Paulu u Basabasi. ²³ Bakachilemba chechi u matashi abo, "Kuvwa ku batumwa u basololi, banyokwenu. ku bakwesu bakunze mu Antiyoki, Silia, alimwi u Cilicia: Twaanzha! ²⁴ Nkaambo twakatelela ati bamwi balombwana bakaya kuvwa kwesu, ukwiina u malailile kuvwa kwesu, alimwi bamunyonganya u mazwi azhinga myoza yenu, ²⁵ chakalibonya kubota kwesu, nitwa kukwete muzeezo womwi kusala balombwana uku batuma kwenu u bafunwa ba Banabasi u Paulu, ²⁶ balombwana bakaaba maumi abo nkaambo ke zhina lya Mwami Jeso Kilisito, ²⁷ Ubobo twatuma Judasi u Sailasi, balo bati baambe shintu shikozhenye mu mazwi abo beni. ²⁸ Ukuti chakaba chibotu ku Moza Usalala alimwi ukuli uswe, kutabika mukuli umwi kubazha shintu sheshi shizandishi: ²⁹ kwamba mulitantumune kushipaizho sha shibumbwa, bulowa, shintu shashinwa alimwi uku buhuule. Kuti mwashileka sheshi, mulacita kabotu. Amushaale." ³⁰ Ubobo nibakatandwa, bakashika ku Antioki; nibakamana kubunganya bantu banji antoomwi, bakalutola lun'gwalo. ³¹ Nibaka lubala, bakabotelwa nkaambo kakuba zumya zumya. ³² Judasi U Sailasi, u bashinshimi bakabakulwaizha bakwesu u mazwi manji alimwi ukubazumya zumya. ³³ Bamane kukala kwa chiindi koko, bakatumwa kuya mu lumuno kuvwa ku bakwesu kuya kuli babo bakabatuma. ^{34 35} Pele Paulu u Banabasi bakakala mu Antiyoki, kuyiisha uku kambauka(antoomwi ubamwi baji banji) izwi lya Mwami. ³⁶ Kwiite mazuba Paulu wakamwambila Banabasi ati, "Atupiluke inzho tukabaswaye bakwesu mu minzhi yoonse ukubona mbubabele,'' ³⁷ Banabasi kazanda kwamba u Johani baye aze, wakutewa Maako. ³⁸ Pele Paulu wakatelaika ati tachili chibotu kwamba bamutole Maako, walo wakabashiya mu Pamphylia alimwi wiina nakaya abo kulaale mu mulimo. ³⁹ Inzho kwakaba kuta telezhanya ku kando, chakuti bakandana, Banabasi wakatola Maako baya aze ku Cyprus. ⁴⁰ Pele Paulu wakasala Sailasi baya, nakamana kupewa ku banina luse lwa Mwami. ⁴¹ Amane wakaita ku Syria uku Cilicia, kuzumya chikombelo.