¹ Nikuba bobo, lelyo nitwakakakilwa kwiikwata myonzo, twakatelaika kwaamba ati kachili kabotu kushaala ku Ateni. ² Twakatuma Timoti, munyokwesu alimwi musebezhi nokwesu waka Leza mu mulumbe waka Kilisito, kwiza kumuzumya zumya alimwi u kumuumbulizha u kaambo ka lushomo lwenu, ³ kwaamba ati kutabi naaba womwi uzungaana ku mapenzhi aza. Kaambo lwenu nubeni mulizhi kwaamba ati kuli chechi toonse twakasalwa. ⁴ Chini chini, lelyo nitwakaakuli amwe, twakamushimwinina limwi kwaamba ati tulakakwata mapenzhi, amana chakachitika mbubona bobo, mbubona mbumwizhi. ⁵ U kaambo kako, Ume nchintalozha kulindila, Ume ndakatuma kwaamba ati nzhibe lushomo lwenu. Ambweni bukali bwakamushikila, alimwi mulimo wesu kooli wa bulyo. ⁶ Pele Timoti naakashika nkutubele kuhwa kwenu wakaleta mulumbe mubotu wa lushomo alimwi u lufwuno lwenu. Wakatushimwina kwaamba ati lyoonse mulatutelaika, alimwi mulazandisha kwiza kutubona mbubona aswe mbutuzandisha kwiza kumubona. ⁷ U kaambo ka chechi, nubakwesu, tulaumbulizhiwa kwiita mumubele u kaambo ka lushomo lwenu, kwiita mu kupenga alimwi u makatazho esu woonse. ⁸ Uninzho bolya tulapona, kaambo tulizhimine nchi mu Mwami. ⁹ Anu nkulumba kuli buti nkutukonzha kupa kwa Leza kwiita mwenu, kutangala koko koonse nkutukwete kwa Leza aali umwe? ¹⁰ Muunza u mashiku tulakomba chansana kwaamba ati ambweni tulakabonana ku bushu alimwi u kumupa checho chimubulile mu lushomo. ¹¹ Leza wesu alimwi Ushesu lwakwe mwini, alimwi u Mwami Jeso, atubambile inzhila kwiza nkumubele. ¹² Mwami naazungile alimwi u kumubika antoomwi mu lufwuno lwa umwi umwi alimwi u ku bantu boonse, mbubona mbutuchita aswe nkumubele. ¹³ Azumye zumye myonzo yenu kwaamba ati mutabi nimuyaninwa kampenda mubusalali kwa Leza Ushesu u kuzhiza kwa Mwami wesu Jeso antoomwi u bantu bakwe basalala.