¹ Ulimwi ume, bakwesu, nkntakonzha kumwambila ukoya bantu ba ku moza, pele ukoya bantu banyamabali ukoya bana bashoonto mwa Kilisito. ² Ndakamusanizha mukupa, ushitali shakulya shizumu zumu, nkaambo kamutana kushikila; u ceno ciindi tamuna kushikila. ³ Nkaambo mucili bantu banyama. Nkaambo kuti na akati kenu kuli munyono ukuzwangana, sa tamuponi ukoya bantu banyama, alimwi sa tamwendela muciimo cabuntu? ⁴ Nkaambo kuti na umwi waamba, "Ume ndatobela Paulu,'' amana umwi ulaamba, ''Ndatobela Apolosi,'' sa tamuli buyo bantu? ⁵ Anu nguni Apolosi? Nguni Paulu? mbasebezhi muli wezo ngu mwakashoma, ukoya Mwami mbwakapa milimo kuli umwi uumwi. ⁶ Ume ndakashanga amane Apolo wakatilaila, pele Leza wakakomenya. ⁷ Inzho, takuli kwaamba wezo ushanga naaba wezo utilaila ati kuli mbubabele. Pele ngu Leza walo upa kwaamba cikomene. ⁸ Inzho wezo ushanga u wezo utilaila balikozhenye, ulimwi uumwi ulakatambula bulumbu bwakwe kwendelana incito yakwe. ⁹ Ukuti tuli basebezhi ba Leza. Umwe muli muunda wa Leza, in'ganda ya Leza. ¹⁰ Kwendelanya u Luse lwa Leza lwakapewa kwangu umbuli muzashi muuza, ndakabika intalisho kumane umwi wazakawo. Pele umwi muzashi nacenjele mbuli mbwazaka wo. ¹¹ Ukuti kwiina unji welele kubika intalisho inji kubaala yezho yakabikwa kale, walo ngu Jeso Kilisito. ¹² Inzho kuti umwi wazaka antalisho u golide, siliva, mabwe mebeshi, masamu, masenge, na mabu, ¹³ milimo yakwe ilakalibonya, nkaambo buzuba bulakazubulula. Ukuti cilakazubululwa mu mulilo. Mulilo ulakasunka bube bwa milimo njakacita umwi uumwi. ¹⁴ Kuti na umwi milimo yakwe yashaala, ulakatambula bulumbu; ¹⁵ pele na kuti milimo yakwe yatentwa, ulazonaukilwa, pele lwakwe mwini ulakafutulwa, ukoya wazokolwa mu mulilo. ¹⁶ Sa tamwizhi kwaamba umwe muli intempele sha Leza ulimwi Moza wa Leza ulakala muli umwe? ¹⁷ Kuti na umwi wazonauna intempele ya Leza, Leza ulakamuzonauna wezo muntu. Nkaambo intempele ya Leza ilasalala, amwe mbubona mulyelele kusalala. ¹⁸ Kutabi umwi ulicenga. Kuti na akati kenu kuli utelaika ati musongo, abe ''mulimbushi'' kutewa akabe musongo. ¹⁹ Nkaambo busongo bwa mono mu luundu ukwa Leza mbulimbushi. Ukuti kulilembelwe ati, "Ulabakwata basongo mutuyanza twabo.'' ²⁰ alimwi, Mwami ulizhi ati kutelaika kwa basongo nkwabulyo.'' ²¹ Ku makani aza, kutabi muntu ulitukumuna ku menso a bantu. Shoonse shintu nshishenu, ²² nakaba Paulu, na Apolosi, na Kefasi, na Luundu, nibuba bumi, na lufu, nishiba shintu sha ninzho, na shesho shicili kumbele. Shoonse shintu nshenu, ²³ ulimwi muli ba Kilisito, alimwi Kilisito ngwa Leza.