¹ Ciindi nindakeza kwenu, nubakwesu ndiina kukukaleta makani akuliboshezha ndimwini naaba kusebezha busongo ciindi nindakukambauka bwiini bwa maseseke a Leza. ² Nkaambo ndakazanda kutakwata luzhibo lunji ciindi nitwakuli amwe cita buyo makani a Jeso Kilisito u lufu lwakwe. ³ Alimwi twakuli amwe mukubula insana umukutiya . ⁴ Alimwi mulumbe wangu u bukambaushi bwangu kabwiina mazwi azo abusongo, pele citondezho ca Moza ulimwi iinsana, ⁵ kwaamba lushomo lwenu lutabi lwa busongo bwa bantu balya maila pele munsana sha Leza. ⁶ Inzho tulaamba busongo akati ka bakando, pele kutali busongo bwa mono mu luundu, naaba bwa baleli ba mazuba ano, balo bafwa. ⁷ Pele, tulaamba busongo bwa Leza mu bwini busesekelwe, busongo busesekelwe bwalo Leza mbwakabika kabutana kubako bulemu bwa musela wesu. ⁸ Kwiina musololi wa musela weno naaba womwi wakukwete luzhibo, nkaambo kuti nibakwizhi, nibatakamubambula Mwami wa bulemu. ⁹ Pele kwendelana umbukulembelweati, "Kwiina linso lyakabona, kwiina kutwi kwakatelela, kwiina mozo wa muntu wakatweluka ceco Leza ncabambilile babo mbafwini''- ¹⁰ Nkaambo Leza wakazubulula shintu sheshi kuli uswe kwitila mu Moza. Ukuti Moza ulakapula ukuzubulula u shesho shiseseke sha Leza. ¹¹ Ukuti wezo wizhi mizeezo ya muntu cita buyo moza wa muntu uli mwakwe? Inzho ulimwi, kwiina wizhi masoseke a Leza cita buyo Moza wa Leza. ¹² Pele twiina nitwakatambula moza wa mu luundu pele wezo walo Moza uvwa kwa Leza , kwaamba tukonzhe kuzhiba shintu nshitupelwe buyo kuvwa kwa Leza. ¹³ Tulaamba makani a shintu sheshi mu mazwi atayiishiwa kwiita mubusongo bwa muntu pele bwa Moza, upandulula shintu sha ku moza kubantu ba moza. ¹⁴ Muntu utali wa moza wina nakonzha kutambula shintu sha ku Moza wa Leza, nkaambo nsha bulimbushi kwakwe. Takonzha kushizhiba nkaambo shilezhibwa buyo kwitila mu moza. ¹⁵ Wezo ukwete moza ulabeteka shoonse, pele tabetekwa kuli bamwi. ¹⁶ "Ukuti nguni ukonzha kuzhiba maanu a Leza, ukonzha kumulailila?''