¹ Mbubobo muntu mbwaelele kutulanganya uswe, ukoya basebezhi baka Kilisito ulimwi babanzhi ba maseseke meni meni a Leza. ² Inzho cizandika kubabanzhi ncakuti balyelele kushomeka. ³ Pele ume lwangu nkantu buyo kashoonto nkinjelele kubetekwa kwenu nikaaba inkuta ili buti. Ukuti ndiina nindibeteka ndimwini. ⁴ Nshuuzhi mulandu ngwimpelwe, pele ceco tacaamba ndiina mulandu. Wezo walo umbeteka ice ngu Mwami. ⁵ Ubobo mutabi nimubeteka ciindi kacitana kushika, Mwami katana kushika. Ulakazubulula ukumunika shoonse sho mushinze ulimwi ukuzubulula mizeezo ya mu mozo. Kwakamana woonse mntu ulakatembaulwa kuvwa kwa Leza. ⁶ Inzho, nubakwesu, ndakabaamba aza malaililwe ukwangu ndimwini u kwa Apolosi nkaambo kenu, kwaamba mukacikonzhe kwiiya makani a amba ati, ''mutaitilizha ali ceco cilembelwe.'' ⁷ Ukuti nguni wezo ubona lwandaano ali umwe u bamwi? Ncinzhi ncimukwete ncimwatakapewa? Nakuti mwakapewa buyo, nkaambonzhi mulalisumpula ikoya mwina nimwakapewa buyo? ⁸ Ucaninzho mulikwete shoonse nshimuzanda ! Mwaba bahubi! Mwatalika kwendelezha - alimwi kunze kwesu! cini cini, Ndakulombozha ati nimwakendelezha, kwaamba nitwakendelezha amwe. ⁹ Nkaambo ndashoma Leza watubika kuba batumwa bamamanino babonwa, ukoya bantu bapewa mulandu wa lufu. Twaba ukoya shintu shakwebela mu luundu - ku bangelo, u ku bantu boonse. ¹⁰ Tuli balimbushi nkaambo ka Kilisito, pele muli basongo mwa Kilisito. Tuli balengushi, pele umwe muli bashinsana. Mulapewa bulemu, pele uswe tatupewa bulemu. ¹¹ Mpaka kushikila kwi woola leli tulifwile inzala inyotwa, tatusamine kabotu, tulaumwa, alimwi twiina minzhi. ¹² Tulasebeza ca nsana, kusebezha matashi esu. Ciindi nitutukwa , tulalongezha. Ciindi nibatupenzha, twiina nitutama. ¹³ Ciindi nibatutuka, tulaamba ca luse. Twaba ukoya ifushungu lya mu luundu ulimwi itombe lya shintu shoonse, kushikila u bwasunu. ¹⁴ Ndiina kulemba shintu sheshi kwaamba muushe insoni, pele kwaamba muchenjezhe ukoya bana mbimfwini. ¹⁵ Nikuba kwaamba mulikwete bamayi bashika ku shuulu shili ikumi kwa Kilisito, tamukwete baushenu banji banji. Nkambo ndakaba ushenu mwa Kilisito Jeso kwiita mu makani mabotu. ¹⁶ Inzho ndamulomba amunjiye. ¹⁷ Nciceco ncindakakutumina uwe u Timoti, mwanangu muzandishi alimwi ushomeka mu Mwami. Ulakamuzhibalula inzhila shangu mwa Kilisito, mbubona mbwinjiisha mu masena oonse u mushikombelo shoonse. ¹⁸ Inzho bamwi benu balalisumpula, ukoya nshikezi linji kwenu. ¹⁹ Pele ndeza kwenu cakufwambaana, kuti Mwami wacivumizha. Ndilelyo ninkeezhiba atali buyo mazwi ababo bashi kulisumpula pele ndakashibona iinsana shabo. ²⁰ Nkaambo bwami bwa leza tabutondezhewa u mazwi buyo pele iinsana. ²¹ Nciinzhi ncimuzanda? Sa nkashike u musako na u lufuno alimwi mu moza mubomvu?