Aku kaeau lengan Allatala hang wuang Kristus; aku puang ipusu, atei akalku naayak basaksi anri aku hang wuang Roh Kudus, Bahawa aku tawukni tu.u mahanang atei pada ateiku kaingka, mahiri sa puang taduh-taduhni. Daya aku rela tengaku takutuk nelang nanan Kristus gaya pulaksanaiku, sa mira tumpuk secara tenga amirue. Here hanyene ulun-ulun Israel. Here haut narime naenat jari anak pidian Allatala, kuasa pihante, naami janyi-janyi, pangamian Hukum Taurat, nawat hormat ma Allatala, pada janyi-janyi. Here hanyene kaum leluhur sa teka here, Kristus haut hawi nantarang tenga. Hanye sa hanyene Allatala hang amau labis teka yeru. Hanyeleh sa harus na puji hampe kalalawahni. Amin. Kode yeru puang baarti bahawa nyanyalah janyi-janyi Allatala iru ure. Daya puang katuluh ulun Israel hanyene babujur ulun Israel. Kalahie pada puang katuluh pihawian teka Abraham hanyene sa bujur-bujur anak-anakni. Kode,"Sa pihawian teka Ishak sa sagar naantuh katurunan naun." Artini, puang anak-anak daya aheng murunsia sa hanyene anak-anak Allatala, kode anak-anak teka janyiNi sa kala pihawian sa mawitu. Daya sabab kalitilah eau lengan jannyi yeru:""Naan wayah kalayitileh Aku sagar hawi, pada naan erang kaulun anak sagar na ami ma hi Sarah." Puang ekat iti ai, kode dami hi Ribka pada haut mihauwuntung teka erang kaulun upu, hanyene ambah takam hi Iskak-- Daya anak-anak huanleh hulet begen,na, balalu here huan ngaraja inun sa maeh atawa sa jahat, sapaya bahum Allatala sesuai anri pidianNi sagar tatap talaksana, puang daya ulah gawi karaja ni, malengkan daya na herau-Ni--- Daya yeru pada haut nakaeau ma hi Sarah,"Isa matueh ngayak ajun kawaia." Iru pada haut sasuai nyalah sa haut natulis."Yakup Aku piahi, kode Esau Aku muar." Amun kalayeru, inunkah sa aheng takam sa naantuh? Inunkah Allatala yeru puang adil? Hindra-hindra puang. Sabab Allatala haut nampe lenganNi ma hi Musa,"Aku sagar nantarang ahilelu ma hie Aku sindi nantarang ahilelu, pada Aku hamen nantarang kasih sayang ma hie pun sa Aku sindi ngami ahilelu." Jari anri kalayeru, hal yena tau jari puang pidasar aheng ulun, pada puang daya pidasar ulah gawi ulun, kode pidasar ahilelu teka Allatala. Daya hang wuang Surat Barasis kaeau ma Raja Mesir,"Irulah sababni Aku ngenat hanyu, nampan Aku kaiyuh nantrang kuasa-Ku hang wuang hanyu, pada nampanngaran-Ku kaiyuh tasiar ma katuluh dunia. Jadi kalayeru Hanye ngalelo hie sa nakasiniNi, pada Hanye nangkahing atei hie sa nakasiniNi. ²¹ Kode udihiye hanyu sagar kaeau ma aku,"Wuah inun naun hamen naan nahampihalaNi? Hiyekah sa haut suah mape neo ahengNi?" atawa kawalengani, ari kawan murunsia, hiyekah naun hampe heei nawan namangkin Allatala? Inunkh sa haut naulah nakaeau ma haut ngulah" Wuah inun pulaksanai nyanyari aku nyalah yiti?" Inunkah erang kaulun ngulah pot wunge puang uweng ngampun hak mak nepe tane putak, sa isani nyanyari karean sa bariran sa istimewa, pada kare'an sa lain um'ak tau bariran hang andrau hapus andrau?" ²² Kala awe wangun amun Allatala, hamen ngaluar panyangitNi pada hamen sagar kuasaNi napantaru, balalu iwara kasabarenNi neo karean kusi-kusi puang maeh sa siap sagar nahampi hansur? Kala awe wangun amun Allatala iwara hamen Hanye nantarang kasanangenNi penu jubong ma kusi-kusi kaleluanNI, sa kapihuan haut nasadiaNi hang wuang sinta leloNi? Kala awe pada amun hanye hamen nantarang um'ak takam, sa haut na herauNi, puang ekat teka kawan ulun-ulun Yahudi, kode pada kawan ulun-ulun sa puang Yahudi? V25 Nyalah sa haut natahampeNi hang wuang buku Hosea"Aku sagar nerau tenga wat-Ku, sa puang tenga wat-Ku, nasinta-Ku, sa puang nasinta-Ku. Pada iru sagar dinung hang unengan hang awe haut na kaeauma here," Murunsia puang wat-Ku, hang yaru hamen na antuh, anak-anak teka Allatala sa welum.," ²⁷ Yesaya kaeau neo Israel,"Amun jumalah teka kawan ia Israel nyalah karasik hang laut, balalu butit here ai sa sagar na salamat." Daya Allatala hamen nampe lenganNi hang amau dunia, andri hinang nelang paruna. Pada nyalah haut nakaeau daya Yesaya kapihuanni,"Amun Allatala Tuhan panguasa dunia puang sagar nanan anak tukui ni ma takam, takam haut jari nyalah Sodom pada nyalah Gomora." Amun kalayeru, inun lagi sa hamen natahampe takam? Bahawa ulun-ulun sa puang ulun Yahudi sa puang ngantilau pikaeh, kaiyuh pikaeh, hanye yeru pikaeh daya iman. Kode ulun Israel, haut ngantilau hukum sa mawitu pikaeh, puang tau pakulis. Wah inun puang? Daya here puang ngakali anri iman, kode anri ulah gawi. Here haut tumang katapian daya watu palangaran, Nyalah haut tatulis, "Dinunglah, Aku haut ngandak hang Sion erang kawua watu nampan katapian pada watu dedeh nampan tumang. Hie sa parisaya ma Hanye puang sagar mamangan.