Daya sabab yeru itati puang naan hukuman neo here sa hang Yesus Kristus. Sabab dasar Roh pamelum hang wuang Kristus Yesus haut nyanepah aku teka dasar dosa baya pampatei. ⁵ Sabab inun sa puang tau natampalus daya Taurat gana takam murunsia maleme, yeru haut natampalus daya Allatala. Hanye haut nampe kabahahumeni mitah AnakNi hang yalah murunsia sa badosa ummak jari ngumpe dosa, pada Hanye haut nukum dosa hang tenga murunsia. Hanye haut nampalus neo kabahumen teka hukum Taurat tau nasanggap hang pamelum takam, puang welum aheng murunsia. Here sa welum aheng murunsia Daya kabahumen murunsia hanyene pampatei, kode kabahumen Roh hanyene pamelum sa penu sanang rauh. Sabab kabahumen murunsia nawan Allatala, daya kabahumen yeru puang nu'u suntuk hang imbe Hukum Allatala, pada daya puang nu'u kalayeru. Hare sa welum hang kabahumen murunsia puang kaiyuh ngampisanang Allatala. Kode daya yeru, hanyu puang welum hang wuang kalemeen kode welum kapinu'u wuang Roh, Amun bujur bahwa Roh Allatala welum hang wuang tenganu. Kode amun ulun yeru puang kaingkam ampun wat Roh Kristus, hanye puanglah ampun wat Kristus. Amun Kristus naan hang wuang takam, balalu tenga yeru haut matei daya dosa, kode Roh yeru welum hang wuang hubungan anri sa mawitu. Amun Roh Allatala sa haut ngamuan Yesus teka penah ulun matei welum hang wungan takam, balalu Hanye sa ngamuan Kristus teka penah ulun matei, pada sagar pangamian welum ma tenga takam sa fana mitah Roh-Ni, sa welum hang wuang takam. Jari, Kawan hengau, takam hanyene ulun-ulun sa tautang, kode puang ma murunsia ummak welum kapinu'u nyalah aheng murunsia, Daya amun hanyu welum ummak aheng murunsia, naun sagar matei, kode amun naun daya Roh naun nampatei ulah gawi tenga, naun sagar welum. Daya sapire wahai sa napimpin daya Roh Allatala, here hanyene anak-anak Allatala. Daya takam puang narime jari walah lagi da ngulah takam paheei, kabalikani, takam haut narime roh sa ngenat takam jari anak, balalu takam kaiyuh kaeau,"Abba, ya Bapa!" Roh Kudus raerai ngalalea anri roh takam bahawa takam hanyene anank-anak Allatala. Amun takam hanyene anak, takam pada hanyene ahli waris, hanye yeru pewaris-pawaris Allatala. Takam pada hanyene sewaris sameh-sameh anri Kristus, pada amun takamsangsara sasameh Hanye, balalu takam pada namuliakan sasameh anri Hanye. Sabab aku yakin kahanangen zaman itati puang nabaning anri pihante mulia sa sagar nallalea ma takam. Sabab katuluh mah luk ciptaan tu'u ngandrei wayah anak-anak allatala sagar nalalea. Daya katuluh isa haut nasanyari tunuk ma puang bariran, puang daya aheng ni raerai, kode daya kabahumenNi sa haut napaladarni, kode hang wuang kaharapen. Bahwa sa nasanyari iru jua sagar nabebas teka kuasa kahansuran, pada sagar naenei masuk ma wuang kaligaren pihante teka anak-anak Allatala. Daya takam karasa bahwa katuluh pamelum sa haut nasanyari iwada pada kaingkam mahanang bagen'na sameh-sameh hampe itati. Puang iru ai, takam katuluh pada, sa haut narime pangamian tata teka Roh-- takam pada miumeh hang wuang tenga takam, nelang ngandrei naenat jari anak, hanye yeru panewuhan tenga takam. Daya anri penu parisaya takam haut nasalamat. Kode amun sa takam parisaya sagar lentah, puang takam kadinung iktati, daya hie sa sagar ngandrei kapastian nsa sagar nadinung? Kode amun takam magun yakin anun sa sagar huan takam kadinung, himat takam ngandrei anri sabar. Kala yeru pada, Roh Allatala haut ngarawah hang wuang kalemeen takam. Daya takam puang kataru kala awe sapatutni takam bado'a, kode Roh yeru raerai nampe kaharapen takam ma Allatala kasinien sa puang tara antuh. Hanye sa karasa atei pada kataru pikiran Roh, daya Roh maharap um'ak ulun-ulun perisaya mitu aheng Allatala. . Takam kataru itati bahawa Allatala umba bagawi hang wuang katuluh inun tatu'u ngampi hawi pikaeh um'ak here sa ngalelu sinta Allatala, kalahie pada here sa ilaku ma kabahumenNi. Daya here sa haut napidiNi, hare pada haut natukasNi anri labih um'ak jari serupa anri gam'ar anakNi, sapaya Hanye, AnakNi yeru jari sapalanungkai hang penah wahai pulaksanai. Here sa haut natukas-Ni labis dahulu, here yeru pada haut na herauNi. Here sa haut na herauNi, Here yeru pada sa haut napikaehNi. Here sa napikaehNi, here yeru pada na pihante-Ni Sabab yeru, inun sa sagar takam kaeau neo katuluh yiti? Amun Allatala hang pihak takam, hiekah sa hang pihak takam, hiekah sa sagar nawan takam? Hanye sa puang nasayang AnakNya sendiri kode manyarahNi um'ak takam, kala awe mungkin Hanye puang nganyu pangamian ala katantuluh ma takam sameh-sameh anri Hanye? Hie kah sa kaiyuh manggugat ulun-ulun sa haut jari pidianNi? Allatala raerai sa sagar nantarang. Hie sa Hanye sa sagar nyanjumpuhni? Yesus Kristus irulah isa haut matei um'ak takam, bahkan sa labih likan teka yeru, Hanye haut nasamelun pada ngami kuasa sasameh anri Allatala hang unengan isa pihante, neo sa pada ganyah mando'akan takam. Hiyekah sa sagar nantahelang takam anri lelo Allatala? Kasusahen, atawa kakekeen, atawa kehanangen, atawa kajuju lau atawa pauwa, atawa bahaya, atawa pampatei? Hang wuang Surat Barasis haut natulis,"Daya sabab Hanyu kami katuluh naan hang wuang dosa hang tiap-tiap andrau. Kami haut nyalah babiri um'ak nasamalis." Kode hang wuang katantuluh yeru kami labih teka manang paruna mitah Hanye sa haut ngalelu takam. Daya takam parisaya bahawa hau matei, kalahie welum, hau malaikat-malaikat, hiepu pamarintah-pamarintah, hau hang itati, hiepun sagar hang dahapan, atawa kuasa-kuasa, hau sa hang amau sa hang imbe atawa pada suatu makhlu lain, puang sagar tau nantahelang takam teka ahilelu Allatala, sa naan hang wuang Kristus Yesus Tuhan takam.