Pulaksanai, Kasinien ateiku nelang pilakuanku nampe Allatala hanyene hamen here nasalamat. Sabab aku sindi kadinung neo here bahawa here tu'u basamangat um'ak Allatala, kode puang anri kunuen sa mawitu. Daya here puang paham neo sa mawitu pikaeh Allatala, pada here bausaha ngampinri sa pikaeh um'ak here raerai. Here puang tau suntuk ma pikaeh Allatala. Daya sabab yeru Kristus hanyene hukum nasangganap pikaeh um'ak basing ulun sa parisaya. Sabab Musa haut nulis neo pikaeah pidasarni hukum Taurat."Ulun sa ngarajani sagar welum daya pikaeh yena." Kode pikaeh pidasar iman nakaeauni kaliti, "Ada leh ngantuh hang wuang ateinu,'Hiyekah sa sagar mamai ma surga?' (maksudni, um'ak ngenei Kristus minau) Pada ada sa kaeau,'hiyekah sa sagar hamen minau ma naraka?' (maksudni, um'ak ngenei Kristus bangkit teka peneh-penah ulun matei)." Daya sabab yeru inunkah haut nakaeauni? "Lengan Allatala yeru riet ma hanyu, hanye yeru hang wuang qaqanu pada hang wuang ateinu." Irulah lengan iman, sa kami haut na lalea. Sabab amun hanyu mangaku anri lela lengan bahawa Yesus Allatala hanyene Tuhan, pada parisaya hang wuang ateinu bahawa Allatala haut ngamuan Hanye teka penah-penah ulun matei, balalu hanyu sagar naami kesalamatan. Daya anri atei ulun parisaya pada wawitu, pada anri wawa ulun mangaku sapaya na salamatkan. Daya sabab yeru alkitab barasis kaeau,"Ulun sa parisaya ma Hanyepuang sagar nakamangan." Daya puang uweng naan bedani hang helang ulun Yahudi pada ulun Yunani. Daya Tuhan sa sameh hanye yeru Tuhan um,ak ma katuluh ulun, pada hanye bamaeh atei ma ketuluh ulun sa laku karawah ma Hanye. Daya basing tenga sa laku karawah ma ngaran Allatala sagar nasalamat. Kude kala awe her kaiyuh laku karawah ma Hanye sa basing here huan parisaya? Pada kala awe here kaiyuh parisaya ma Hanye sa huan suah here krengei? Pada kala awe here kaiyuh karengei amun here puang naan ulun sa nampe lenganNi? Pada kala awe here nginsing lenganNi, amun here puang nautus?-- Nyalah haut natulis, "Tu'u leha kaehni kia jangkau pihawian ulun isa nginsing habar maeh teka Allatala!" Kode puang katuluh heresindi narime lengan habar maeh. Nyalah haut Yesaya kaeau, "Tuhan, Hiekah sa haut prisaya habar maeh kami?" "Jari iman yeru hawi teka panrengean, pada panrengean yeru daya lengan Allatala. Kode aku kaeau,"Puang sa here karengei?" Hiyai, himat here haut karengei." Surat Barasis haut natahampe amau tane, pada nakaeau here litar hampe pusing dunia." ¹⁹ Lain teka yeru, aku kaeau, "inunkah ulun Israel haut paham? Sa mambatang neo yeru MUsa kaeau, "Aku sagar ngulah hanyu kasiwa ma here sa puang ulun pidian. Aku sagar ngulah rawek jari panyangitnu ma ulun bangsa sa puang paham." Kaliru pada Yesaya anri tu'u heei kaeau,"Aku haut napanalu daya heresa puang ngantilau Aku. Aku iwawara tenga ma here sa puang nunti Aku." Kode ma ulun Israel ia berkata,"Hang andrau hapus andrau Aku ngampinau hiku papaleKu ma kawan bangsa sa puang katuju nelang pada nawan."