Daya yeru, aku balalu nunti, inunkah Allatala haut puang nariema umatNi? Sahindra-hindra puang. Daya aku pada hanyene ulun Israel, babuhan Abraham, teka suku Benyamin. Tuhan puang ngumpe umatNi, sa haut napidiNi hengka sadi. Puangkah hanyu kataru sa haut na surat wuang surat barasis nakaeau neo Elia, kalaawe hanye nyanrasuk neo ulun Israel ma Allatala?" Allatala, here haut munu kawan nabi-Nu, here haut ngampi hansur unengan nyarah parapah-Nu. Ekat malee aku raerai sa tatanan, pada here sgar munu aku." Ekat inun tuing Allatala ma hanye? "Aku haut ngampuneng matenga-Ku pitu ribu kaulun sa puang suah nyamah dewa Baal." Kalahiye pada naan wayahni naan sa tatanan daya haut napidi manyu ahi lelo sa sajati. Kode amun yeru manyu daya leloni, balalu yeru puang lagi daya pagawian, daya amunpuang kaliru balalu leloni puang lagi leloni. Jari kala awe? Hal sa na antilau Israel, puang na kaiyuhni, kode here sa tapidi sa kaiyuh, pada sa tatanan ateini nahampi kape. Kala haut sa natulis mitah surat barasis," Allatala haut ngami ma here pikiran roh babal, mate sagar here puang kadinung, pada silu sagar here puang karengei, hampe pada hang andrau yena." Pada Daud kaeau,"Elahni pesta here naulah pukat, jabak, erang kauwa watu panalang, pada pawalehan um'ak here, Elahni mate here jari piiyeng nampan here puang kaiyuh kadinung; maraleh sagar pungung here palus jari bongkok." Balalu aku kaeau,"Inunkah here katapian hampe lawu?" Sahindra-hindra puang. Kamulekni, mitah kahalaen here, likan bangsa-bangsa lain haut naami salamat, balalu ngulah here kasiwa. Amun kahalaen here jari berkat dunia, pada amun kakurangen here jari berkat bangsa-bangsa lain, likan labih lagi kesempurnaan ma here? Kode itati aku bapaner ma naun bangsa-bangsa puang Yahudi, pada salawah aku hanyene rasul ma bangsa-bangsa puang Yahudi, aku kaingkam bahwa hal yeru tawat hormat hang palayananku. Mungkin aku sagar ngarahiri rasa kasiwa ma here sa sasameh aku. Balalu kami sagar manyalamat papire teka here. Sabab amun puang kabahumen here jari pikaeh um'ak dunia, angneh here natarime sagar jari bariran ma pamelum hang penah ulun matei? Amun hang palanungkai nasanyari maeh, kalahie pada katuluh kalutan jua sagar maeh. Amun kalayeru wakat sagar maeh, kalahie pada anri kawan raan-raani. V17 Kode amun naan teka raan-raani sa tepu, pada amun hanyu, nyalah wi'ni sa sabak balalu nasamelum hang kaku zaitun, pada amun hanyu um'ba kaiyuh bagian teka wuang pakulis wakat kakau zaitun, Daya sabab yeru ada sakah tenga neo kawan raan-raan yeru. Kode amun naun sakah tenga, balalu itung dulu bahawa angneh puang hanyu sa bariran ma wakat kode wakat sa bariran ngami kutaen ma naun. Udihiye hanyu sagar kaeau,"Naan raan-raan sa haut tepu hamen aku kaiyuh man-sangkokni." Iru bujur. Daya puang parisaya here balalu here nasantepu, kode hanyu mindri anri segah daya nsabab imannu. Adaleh kajud bapikir amau neo tenganu, kode kapeleh. Daya sabab yeru amun Allatala puang ma ahi lelo kawan raan-raan sa asal, iru baarti hanye puang hamen ma ahi lelo ma hanyu. Balalu udi hie soba dinung kawan ulah gawi sa maeh pada ulah gawi sa nawan anri Allatala. Jari hang yiti kaisa, jari ulah gawi sa nawan na tahampe ma ulun-ulun Yahudi sa haut lawu. Kode sa lain sa karueh, pikaeh Allatala hawi ma hanyu, jari hanyu palus hang wuang pikaeh-Ni. Amun puang hanyu sagar naumpe. Pada kalayena, Amun here puang palus hang wuang puang parisaya here, here pada sagar na sangkok kamulek. Daya Allatala sagar kakawat man -sangkok here kamulek. Daya amun hanyu haut tu'mu babaran hang kakau zaitun sa haut naumpe, kode puang sameh anri wangun hanyu sa bujurni puang raan sa asal, udihie tau na-sangkok hang kakau zaitun sa maeh, salabihni pada ulun-ulun Yahudi yeru, sa naan raan-raan asal, batantu here kaiyuh mulek ma kakau zaitun here jua? ²⁵ Pulaksanai katuluh, Harap naun ada kaingkam pikirannu maeh, aku hamen sagar hanyu manyadari neo rahasia yena: Naan papire teka ulun Israel haut jari mahing atei, hampe jumalah magin rama teka bangsa-bangsa ulun puang Yahudi haut masuk. Daya kalayeru, katuluh ulun Israel sagar nasalamat, nyalah sa haut tatulis:" Teka Sion sagar hawi sang Panewuh. Hanye sagar ngabarasis ngumpe kawan kajahaten Yakub. Pada ina leh jannyi-Ku anri here, amun Aku ngabarasis dosa-dosa ." Naan bagian pamelum bahubungan anri kabar maeh, here hanyene nawan Allatala daya sabab naun. Kode naan bagian lain pidasar pidian Allatala, here jari sintalelo Allatala daya teka jaman itak kakah here. Daya pangamian Allatala puang sagar baubah. Daya sadi hanyu puang ngalut nuu ma Allatala, balalu itati hanyu haut narime ahilelo daya sinta lelo here. Kalahie pada, ulun-ulun Yahudi yiti haut nalalea puang sinta. Itati kaingkam pidasar ahilelo sa haut natantarang ma hanyu, balalu here ngalalea ahilelo. Daya Allatala haut ngampasuk katuluh ulun ma wuang puang kataaten sinta lelo, nampan hanyu tau nantarang neo ahi lelo ma katuluh ulun. O tuu tamam hang wuangni katatauen, hante kaharatien pada pangarasaen llatala! Tamam puang tau nasalidik keputusan-keputusanNi, pada puang tau kataru sarani bagawi pakiaan-Ni! "Daya hie kah sa kaiyuh nyelem pikiran Allatala? Atawa hiekah haut jari ngami nasehat-Ni? Atawa hiekah sa haut suah ngami pangamian ma Allatala, balalu kaiyuh walehan teka Hanye?" Daya inun-inun teka Hanye, pada daya Hanye, balalu ma Hanye. Tawat teka Allatala palus hampe kalalawan-ni. Amin.