Sabab yeru aku ngami nasehat ma hanyu, pulaksanai, daya ahi lelo Allatala, panyarahan tenga amirue nyalah erang kawua ngami parapah tenga sa welum, barasis, pada sa ngampi sanang ma Allatala. Iruleh ibadat sa saharusni. Adaleh jari lagu lampah nyameh dunia yena, kode ware miubah daya nyama'u atei akalnu, nampan hanyu kataru inun isa maeh, ngampi sanang, pada sa jari ngami sanang sa paruna teka Allatala. ³ Daya aku kaeau, pidasar ahi lelo sa haut naami ma aku, hanyane adaleh naan hang penah naun kaingkam pikiran sa labih ambau teka labih sa patut pikiran naun. Kamulekni, bapikir leh andri sapututni sacara randah atei, sakirani haut Allatala haut ngami sasuai anri manurut kemampuan parisaya hang basing-basing takam. Kala yeru pada takam haut uweng rama anggota hang wuang isa tenga, kode puang katuluh anggota naami tugas isa sameh, Kalahie pada takam katuluh rama pada isa tenga hang wuang Kristus, pada isa kapuisa tatap uweng hubungan anggota isa kapuisa andri anggota sa lain. Takam naami katauen-katauen sa puang sameh kala aheng leloni sa haut naami ma takam. Amun katauen yeru teka Allatala, maraleh tau napakai kala ukuran iman ni. Amun katauen yeru naami um,ak malayani, maraleh hanye malayani. Kode amun katauen yeru um,ak ngajar, maraleh hanye ngajar. Amun katauen hanyene um,ak ngami samangat, maraleh hanye ngami samangat; Amun kataueni um,ak pangamian, maraleh hanye ngaraja anri pikaeh atei; amun katauen ulun hanyene mamimpin, maraleh hanye ngaraja anri tatu'u mamimpin, amun katauenni hanyene mitah ngalalea ahilelo, maraleh yeru nakaraja anri penu araihewu. Ada budas sinta yeru ekat ipapura. Muar ma sa pimurun; itategei ma sa maeh. Nintu aheng neo ipasinta ma kawan sasameh pulaksanai, ware takam tatu'u ipasinta isa kapuisa anri sa lain; kalahie pada ngami hormat, Kapinu'u bagawi maeh ada bulu jari mawule, maraleh roh allatala bagairah tarus. Neo Allatala, tatap takam melayani Hanye. Araihewu hang wuang pangharapen sa takam haut tarime neo pamelum sa sagar hawi. Basabar leh takam hang wuang kasusahen. Kakete hang wuang do'a. Ipangami hang wuang kalemeen ulun-ulun sa parisaya. Bausaha um'ak ngami pangarawahen. A'mi berkat ma here sa haut ngahanangen hanyu; berkat ma here pada ada iwada. Umba araiatei anri here sa haut wuang arai hewu; Umba kiak tungkau ma here hang wuang petak riu mate. Mara hanyu welum hang isa atei isa akal teka saisa ma kawan sa lain. Ada uweng bapikir hal-hal sa sakah, kode sam'angleh ulun-ulun sa imbe kadudukan. Ada kaingkam tenga panai. Ada ngulah kajahaten na waleh anri kajahaten. Karajaleh hal-hal sa maeh hang wuang paninungan ulun rama. Amun kalayeru amun iyuh puang iyuh, hanye ru tasarah ma hanyu, welum mihewu anri katuluh ulun. ¹⁹ Kawan pulaksanai sa nasinta, adaleh hanyu iwaleh danam, kode amileh unengan ma panyangit Allatala. Daya sabab yeru haut tatulis,"Iwaleh hanyene hak-Ku; Akuleh sa manuntut iwalehan, kalayeru Allatala kaeau." Kode amun musuhnu kajuju, ami hanye kuman. Amun hanye malah ami hanye ngu'ut ranu. Jari amun hanyu ngaraja yena, hanyu sagar nimun wayeapui hang amau ulu ni." Adaleh nasantalau daya pikurun, kode santalau pikurun yeru anri pikaeh.