Maraleh kawan ulun sa ngalut nuu ma pamarentah sa amauni, daya puang uweng pamarintah sa puang teka Allatala; dan pamarentah na naan haut natantu daya Allatala. /2 Daya sabab yeru hie sa sagar nawan pamarentah hanye sagar nawan kunuen Allatala; kalayeru pada here san nawan sagar narime hukuman hang amau tenga ni jua. Pamarentah puangleh takut anri ulah gawi sa maeh, malehni neo ulah gawi sa murun. Inunkah hanyu tau welum puang takut anri pamarentah? Karajaleh inun sa maeh, balalu sagar kaiyuh natawat teka hanye. Daya pamarentah hanyene walah Allah neo pikaehnu. Kode amun hanyu ngaraja inun sa puang maeh, jarini takut; daya pamarentah puang sagar negei kuasa amun puang naan sabab. Daya pamarentahha nyene walah Allatala, um'ak nampalus panyangit Allatala ms here sa ngulah pikurun. Daya sabab yeru hanyu harus ngalut, puang ekat takut neo panyangit Allatala, kode pada daya teka wuang atei takam. DDaya yeru hanyu newuh sukai jua. Daya pamarentah hanyene walah-walah Allatala, sa ngurus hal yeru hulung natampalus. Bayarleh makatuluh ulun inun isa jari kewajiban ma here: sukai ma here sa haut mambayar sukai; bea ma sa patut mambayar bea; hormat ma sa saharusni nahormat. ⁸ Ada uweng utang inunpun ma hie-hie leh, kode mareleh hanyu tau sameh ipasinta, daya hie sa ipasinta sasameh ni hanya haut nampalus hukum Taurat. Sabab,"Hanyu puang iyuh ibela, hanyu ngaan iyuh iwunu. Hanyu puang iyuh ngalat, hanyu ngaan iyuh ngasini pakulih ulun lain." pada amun naan lagi kabahumen sa lainni, katuluh yeru haut nasamulat hang wuang lenganni:" Wareleh hanyu ipasinta sasameh naun nyalah isa kapuisa mitu tengan saorang." Sinta lelo puang ngampihanang sasameh tenga. Daya yeru sinta hanyene nasangganap mitah hukum Taurat. Inaleh sa hantekni ma hanyu maraduni daya hanyu karasa wayahni, bahawa hantek yena haut sagar hampe um'ak hanyu sagar amuan teka andre. Sabab itati takam haut tuu riet anri wau nuku takam parisaya. Andrau yena haut amau malem, pada kaandrau haut riet. Daya sabab yeru ware takam nanan katuluh ulah gawi sa piiyeng, pada maraleh takam ngampihue tenga anri panrape pira'ai. ¹³ Wareleh takam takia sa kalawangun takia kaandrau, ada hang wuang irarami nelang irarapui, pada hang wuang ilalanji nelang maladar aheng iwey sa awe bahum puang uweng tikas, pada babur atawa pangasiwa. Kode pantaru Allatala, pada ada maladar tenganu na tampenu anri kasini'en tenga amirue.