Tarimeleh ulun sa maleme kaparsayaanni, ada ngampihala hang basual. Naan ulun tamam segah hanye kaiyuh ikuta katuluh panguta, kode naan sa maleme kaparsayaanni balalu hanya ekat nguta kawan pusuk-mamusuk. Adaleh hanye sa kaiyuh nguta katuluh masam kutaen maremeh sa puang kaiyuh nakuta makantantuluh; pada adaleh nakuta katantuluh ngampihala sa nguta katantuluh yeru. Daya sabab Allatala haut narime ulun yeru. Hieleh hanyu, balalu hanyu ngampihala walah ampun ulun lain? Inun sa tatap mindri antawa lawu, ampu ni sa sagar nangkelahni. Kode hanye sagar tatap mindri, daya Allatala sa sanggup ngulah tatap mindri. Naan ulun sa kaingkam erang andrau labis bariran teka andrau sa lain, samantara sa lain kaingkam katuluh andrau sameh. Satiap ulun harus tatu'u harap hang wuang ateini raerai. V6 Here sa mamanting andrau tatantu, mamantingni umak Tuhan. Pada, here sa kuman, kuman umak Tuhan sabab hanye ngantuh syukur ma Allatala. Kalahie pada here sa puang kuman, here puang kuman umak Tuhan nelang ngantuh syukur ma Allatala. Daya kalayeru puang uweng hang helang takam yena welum um'ak tenga raeraini, pada puang naan sa matei um'ak tengan raerai. Daya saba yeru takam welum, takam welum um'ak Allatala; pada takam matei, takam matei um'ak Allatala. jari inun takam welum atawa matei, takam hanyene ampun Allatala. Kalayeru hang pajumpuhanni Alaltala haut matei pada welum mulek, sagar hanye kaiyuh jari Allatala um'ak karuehni hanye yeru um'ak here sa haut matei pada sa welum. V10 Kode hanyu, wuah inun hanyu ngampihala pulaksanainu? Pada hanyu, wuah inun hanyu maremeh pulaksanainu? Daya takam katuluh sagar mindri nadap kursi nampan naadili daya Allatala. Daya haut natulis, "Kapinu'u Aku welum", eau Allatala," ma -Aku tiap nymah sagar suntuk, pada tiap lela sagar ngampamau ngalalea lengan ma Allatala." "Yesaya 45:23 Kalayeruleh, masaisaan takam sagar ngami tanggung jawab takam hang dahapan Allatala. Sabab yeru, ada lagi takam ngampihala isa kapuisa, kode ware malehni ngakali isa patut neo yiti, puang erang kaulun sagar ngan'ak watu panala atawa nampaleng ma pulaksanai. /14 Aku karasa pada mira baya Allatala, bahwa puang uweng sa bere anri raeraini, kode ekat ulun sa ngakira katuluh alah yeru katuluhni yeru bere, balalu um'ak hanye jari bere. Gana sabab nakuta balalu pulaksanai jari mahanang, iru jari sirini hanyu puang itetei lalan hang wuang sinta lelu. Daya sabab yeru ada ekat sabab nakuta naun nanrusak ulun sa hang hanye Allatala haut matei. Jari ada mmaladar ulah gawi-ulah gawi sa maeh jari um'ak kakihien ulun rama. Ulahgawi Allatala puangleh nakuta nelang u'utan ai, malainkan neo kabahumen, arai hewu nelang sinta lelu hang wuang Roh Barasis. ¹⁸ Daya kawan ulun sa malayani Allatala nyalah kala yiti nampisanang ma Allatala pada nakatuju daya murunsia. Sabab yeru, sasahlehhal-hal sa ngampihawi arai hewu, pada sa bariran um'ak ngampindri welum. Ada nyanrusak pagawian Alllatala daya sabab nakuta. Katuluh alah yeru barasis, kode puang maeh ma ulun sa nguta balalu ngulah ulun lain mahanang. Daya sabab yeru pikaehni naun ada nguta lunek ataw ngu'ut anggur, atawa ngulah gawi inunleh sa ngulah pulaksanainu mahanang. Neo kaparsayaan-kaparsayaan sa hulung hang ateinu, simpunleh yeru um'ak tenganu raerai pibaya Allatala. Arai hewu ulun sa puang nukum tengani raerai hang wuang hal-hal sa kaingkam maeh. Hie sa gaer-gaer haut tahukum amun hanye nguta, daya hanye puang ngaraja pidasar kaparsayaan; pada inunleh sa puang pidasar kaparsayaan yeru dosa.