Saratangni, takam sa wigas kuule nanggung kelemeen-kelemeen ulun sa maleme, pada puang ngantilau rauh sanang tenga raerai. Maraleh uras tenga takam ngampi sanang sasameh anri inun sa maeh kala aheng ngampindrini. Daya Allatala pada puang ngantilau sanang rauh um'ak tengaNi raerai; kode kala wangun haut natulis, "Wadaan teka here sa mada hanye haut tangar ma Aku." Daya katantuluh yeru sa haut natulis kapihuanni, haut natulis jari wangun , ajaran ma takam, balalu mitah kasabaren nelang mitah ngarario atei teka lengan Allatala takam sa sagar kaiyuh pikansing atei. Kirani Allatala mate kasabaren nelang uneng rario ngarawah pangamian anri sameh bulat atei hang helang naun mitu suntu teka Allatala, Kirani Hanye nahampe likan anri isa atei pada isa kengan naun kaiyuh nawat hormat nelang ngalalea Alllatala pada Am'mah Tuhan takam Yesus Kristus. Daya sabab yeru terimeleh isa kaupisa , nyalah Kristus haut narime hanyu, um'ak nawat nante Allatala. Daya aku kaeau bahawa Kristus haut jari pelayan ulun yahudi hantek nampalus lengan Allatala. Hanye haut nampalus sagar hanye kaiyuh jannyi-jannyiNi ma kawan itak kakah takam, Pada um'ak bangsa-bangsa puang Yahudi sagar here kaiyuh nawat nante Allatala hang amau pananteNi. Gana yeru bangaran anri tatulis," Daya yeru Aku sagar ngapihante Hanyu hang helang bangsa-bangsa puang Yahudi pada ngalalea nawat nate pakai nganNu." Kamulek eauni, "Arai hewu kawan ulun rama, sameh-sameh anri ungkup Allatala."Ulangan 32:43 Pada naan lagi, "Nawat Allatala ma katuluh murunsia, Maraleh katulu murunsia nawat Allatala." Mazmur 117:1 ¹² Pada, Yesaya kaeau kaliti, "Sagar hawi teka tutur wat Isai, pada Hanye sagar amuan welum um,ak pamarentah ulun rama, pada hang wuang hanye, ulun rama sagar baharap ma hanye."Yesaya 11:10 Samula Allatala unengan pangharapen na tuangnu anri penu arai hewu pada sanang atei hang wuang kaparsayaan balalu hanyu sagar talimak hang wuang pangrapen daya kuasa Roh Allatala. Pangarwahen Paulus ma Ulun-Ulun Puang Yahudi Kawan Pulaksanai, aku raerai yakin himat ma hanyu, bahawa hanyu penu andri pikaeh, penu anri katuluh akal kateuen nelang ami uruk ajar saisa anri isa lain. Kode daya yeru, aku haut iwara anri tu,u heei ma hanyu neo papire hal um,aku ngahampi itung ma hanyu kamulek, daya pangamian sa haut Allatala na,ami ma aku. Aku jari walah Allatala um,ak kawan murunsia puang yahudi jari parapah um,ak habar maeh Allatala, balalu kawan murunsia puang yahudi kaiyuh jari tawat hormat sa natarime, sa haut barasis daya Roh Barasis. Daya gana yeru, hang wuang Allatala, aku iyuh jari ulun tamam neo hal sa naulah gawi nintu Allatala. Gana yeru, aku puang heei bapaner nintu ma,ana sa lain, amun daya haut natahampe Allatala mitah aku, um,ak ngulah kawan murunsia puang yahudi nu,u ngalut teka sa nakaeau mitah ulah gawi, Mitah pihante siri-siri sa mustahil nelang luar biasa, mitah Roh pihante balalu teka Kota Yerusalem pada hang sakitarni hampe ma Ilirikum, aku haut nampe habar maeh katantuluh lengan Allatala. ²⁰ Kalayeruleh aku sagar ikakuet um,ak nampalus lengan Allatala hang unengan ulun tapidi huan karengei nampan aku puang ngampinri hang amau unengan sa haut naandak daya ulun lain. Nyalah haut natulis, "Here sa huan suah narime habar neo Hanye sagar kadinung, pada here sa puang suah karengei sagar kataru."Yesaya 52;15 Ransana Paulus tulak ma Kota Roma Ina ngulah sababni aku gaha tawalewe ganta ma hanyu. Kode yeru itati, daya puang naan lagi unengan hang sakitar yena, pada daya aku haut ba-taun taun lawahni sindi piganta mahanyu, alalu tawuk aku tulak ma Spanyol, aku nyawat kaiyuh tari,e pada panalu anri hanyu balalu kaiyuh nengau aku ma yaru, udi kapihuan kapinu,u aku na araihewu isasameh hanyu waktu yeru. Kode balalu itati, aku tulak ma Kota Yerusalem um,ak menyanyangnga ulun-ulun barasis, Ma,ana Makedonia pada Akhaya anri arai atei ngami sumbangan ma ulun pu,uwa hang penah-penah ulun-ulun barasis hang Yerusalem. Here tatu,u sanang ngarajani, daya yeru luwan jari nukas ma here. Daya amun bangsa-bangsa puang Yahudi haut narime papire pulak hang wuang hal-hal rohani ampun ulun Yahudi, balalu here pada ngarawah manyanyangnga ulun Yahudi hang wuang bariran ma tenga here. Daya yeru tawuk aku haut nyanuput ulah gawi yiti balalu tatu,u manyarah iyuhan yiti ma here, aku sagar tulak ma Spanyol mitah tumpuk nu. Aku karasa amun wayah aku ganta hanyu aku sagar hawi hang wuang penu lim,ak berkat Kristus. Itati aku laku pi hanyu, pulaksanai-pulaksanai, Daya ngaran Allatala Tuhan Yesus Kristus pada daya Ahi lelo Roh, um,ak pangarawah isa tenga sameh-sameh anri aku hang do'a ma Allatala um,ak tenga ku, Nampan aku na sanepah teka ulun-ulun sa puang harap hang Yudea, pada nampan aku manyanyanga daya Yerusalem bariran ma ulun-ulun barassis. Pada, nampan daya aheng Allatala aku kaiyuh hawi ma hanyu anri araihewu, nintu kaiyuh kawigasen hang penah takam. Kira ni ranai atei nelang kasanangen teka Allatalla haut nyindrah takam kautuluh. Amin.