V1 Aku nyarah ma hanyu Febe, pulaksanai wawei takam sa naan erang kaulun nyanyangnga ungkup hang Kengkrea. V2 Tarime hanye hang wuang Allatala kala ukun-ulun barasis, nelang awatleh hanye hang wuang katatantuluh sa na ahengni teka hanyu sabab hanye raerai haut ngami pangarahen ma wahai ulun nelang pada ma tengaku. V3 Tahampeleh tabeku ma Priskila baya Akwila, kawan hengauku manyanyangnga hang wuang Kristus Yesus, V4 sa haut mitah mitu matei hewuk here demi welumku. Hang ambau here, puang ekat aku ai sa ngantuh syukur kode pada katuluh ungkup sa puang yahudi. V5 Tahampe pada tabeku ma ungkup hang lewu here. Tahampe pada tabeku ma Epenetus sa naleloku, hanye irulah ulun sapalanungkan hang Asia sa narime Kristus. V6 Tabe ma Maria sa haut bagawi bahimat umak hanyu. V7 Tabe ma Andronikus pada Yunias, kawan pulaksanai sa bangsa nelang pada sasinrah suah masuk panjara sa haut nakarasa daya kawan rasul, sa pada haut naan hang wuang Kristus kapihuan aku. V8 Tabe ma Ampliatus, sa nasinta lelo hang wuang Tuhan. V9 Tabe ma Urbanus, hengau panyanyangnga takam hang wuang Kristus, nelang pada Stakhis sa na sinta lelo. V10 Tabe ma Apeles, sa naan bukti haut mape nasuba hang wuang Kristus. Tahampe pada tabeku ma kawan pulaksanaai juriat Aristobulus. V11 Tahampe tabeku ma Herodion, pulaksanai bangsaku. Tabe ma kawan pulaksanai juriat Narkisus, sa naan hang wuang Tuhan. V12 Tahampe tabeku ma Trifena pada Trifosa, bahimat uet hang wuang Tuhan. Pada, ma Persis sa nasinta lelo, sa pada haut bagawi bahimat hang wuang Tuhan. V13 Tabe pada ma Rufus, ulun pidian hang wuang Tuhan, nelang pada ma inehni sa jari ineh ma aku pada. V14 Tabe ma Asinkristus, Flegon, Hermes, Patrobas, Hermas pada kawan pulaksanai sa sindrah andri here. V15 Tabe ma Filologus pada Yulia, Nereus padapulaksanaini, nelang pada ma Olimpas, dan katuluh ulun barasis sa sindrah andri here. V16 Amileh tabe saisa andri isa lain andri siuk reem barasis. Katuluh ungkup Kristus natahampe tabe here ma hanyu. V27 Itati aku ilaku tatu'u ma hanyu, kawan pulaksana'i, dinung tantaning here sa ngulah rawet nelang nyantawang, baya sa balawanan andri ajaran sa haut natarime naun; sanawit here, V18 Sabab, kawan ulun sa nyalah yeru puang bagawi ma Tuhan takam Yesus Kristus, kode bagawi nampalus mulur aheng hare raerai; nelang andri antuhan lengan sa marauh nelang kawan lengan bujuk rayu, here nipu atei ulun-ulun sa puang karasa inun heneng. V19 Sabab, kataatennu haut rasa katuluh ulun, sabab yeru aku arai hewu daya hanyu. Kode balalu, aku sindi nampan hanyu maharati neo sa inun sa maeh nelang barasis teka hal-hal murun. V20 Allatala pihawian rauh sanang sa sagar nyanlayah Iblis hang kapit pe'enu. Ahilelo Allatala, Tuhan takam, nyindrah hanyu. V21 Timotius, hengauku sa mira gawiku, nampe tabe ha hanyu, nelang pada teka Lukius, Yason, pada Sosipater, kawan pulaksana'i isa tumpuk. V22 Aku Tertius sa nulis surat yena, nampe tabeku ma hanyu hang wuang Tuhan. V23 Gayus, sa ngami ngami ume'an ma aku nelang ma kutuluh ungkup nampe tabe ma hhanyu. Erastus, bendahara tumpuk, nelang Kwartus pulaksana'i takam, nampe tabe ma hanyu. V24 (Ahilelo Yesus Kristus, Tuhan takam, nyindrah hanyu katuluh! Amen) V25 Umak Hanye sa bakuasa ngampikansing hanyu manyu Habar naeh sa na enei nelang natahampeku neo Yesus Kristus, sa manyu andri kahabaen inun sa puang karasa sa haut na nadina salawah papire abad, V26 kode sa itati haut natahampe mitah buku-buku kawan nabi, kala andri parentah Allatala sa kalalawah sa haut natampe ma katuluh murunsia umak mamimpin nuju kataaten parisaya, V27 Ma isa-isani Allatala sa penu kapintaren mitah Kristus Yesus; nelang pihante hampe palus ma kalalawahni! Amen.