Sabab yeru, takam sa haut ikaeh daya parisaya, takam kaiyuh rauh sanang anri Allatala itetei parisaya ma Tuhan takam Yesus Kristus. Itetei Hanye, takam pada kaiyuh lalan masuk itetei parisaya, ma wuang sinta lelu yeti, sa hang ambauni takam mindri. Takam arai hewu hang ambau pangharapan sa naami Allatala ummak andrau sa nahadap takam, suatu pangharapan sa pasti bahwa takam sagar ngalap pangamian hang kasanangen Allatala. Puang ekat yeru, kode takam pada arai hewu hang wuang katuluh hanang atei takam. Takam kataru bahwa kahanangen tau kaiyuh nampi kansing. Nampi kansing kaiyuh tahan uji, pada tahan uji kaiyuh kaharapen ma andrau dilau. Kaharapen yena puang jari kasasalen, daya palelu teka Allatala haut nahuang mawuang atei takam daya Roh Kudus, sa haut naami ma takam. Daya amun takam bagun maleme, hang wayah nyeru Kristus matei umak ulun fasil. Daya tu,u mahadin um'ak erang kaulun sin'di matei um'ak ulun isa maeh. Kode, kakira um'ak ulun isa maeh naan ulun isa he'ei matei. Kode Allatala haut nantarang ahi leluNi ma takam, daya tawuk takam magun iwangun ulun-ulun isa badosa, Allatala matei um'ak takam. Kamilk takam, itati, daya takam haut welum mawitu daya iraNi, takam haut nasalamat teka penyangit teka Allatala. Sabab amun tawuk takam magun jari musuh, takam haut naami kadamaian teka Allatala mita pampatei AnakNi, sa labih laqgi, itati udi takam naami kadamaian, takam pasti sagar naami salamat daya welum-Ni, Kode puang ekat yena, kode takam pada sagar maarai hewu hang wuang Allatala mitah Tuhan Yesus ristus, isa itetei-Ni takam haut kaiyuh pendamaian ini. Hantek daya yeru, gana yeru daya erang kaulun badosa haut masuk ma wuang dunia, kalahie pada pampatey haut masuk ma wuang dunia mitah dosa. Pada dosa yena haut marasuk ma katuluh ulun, daya katuluh ulun haut ngulah dosa. Sabab kapihuan hukum Taurat naan, dosa haut naan hang wuang dunia, kode dosa yeru puang nahimat nyalah dosa kapihuan hukum Taurat naan. Amun kalayeru, pampatei haut bakuasa teka jaman Adam hampe hi Musa, likan pada ma here sa puang ngulah dosa nyalah sa haut na ulah Adam, sa jari suntu um'ak Hanye sa sagar hawi hamian andrau die. Daya teru, hindra pun kalayeru, pangamian labih hante yeru puang tau na sansameh andri panala. Sabab amun daya isa panala wahai haut ulun kaingkam hang wuang pampatei, likan hante lagi pangamian Allatala pada itetei pikaehNi yeru, daya sabab erang kaulun, hanye yeru Yesus Kristus, sa haut hawi ma ketuluh ulun andri tu'u-tu'u labih hante. Daya pangamian yeru puangleh sameh andripanganyari sa hawi teka ulun sa haut ngulah dosa. Hang isa pihak, hukuman yeru hawi daya ulah panala erang kaulun; kode sa pihak lain, pangamian yeru sa ngenei sa mawitu hawi haut udi wahai panala. Daya amunpuang , daya panala erang kaulun, pampatei haut manguasa daya sabab erang kaulun, sa labih teka yeru here haut narime tuu jubung pangamian nelang ahi lelo sa mawitu sa manguasa, daya sabab erang kaulun, hanye yeru Allatala panante Tuhan Yesus Kristus. Amun kalayeru, kala wangun mitah isa kahalaen katuluh ulun kaiyuh hukuman , kalahie pada mitah isa olah gawi sa mawitu, katuluh ulun narime pikaeh um'ak pamelum. Sabab kala wangun mitah katuluh panala isa wahai ulun rama jari ulun badosa, kalahie pada mitah pikaeh erang kaulun, wahai ulun kaiyuh pikaeh. .20 Kode hukum yahudi hawi isasinrah, balalu ulah gawi hala jari batamah wahai. Kode hang awe dosa batam'ah wahai, hang yeru pada wahai batam'ah ahi lelu sa tau bajubung. Iti tau jari, kalawangun dosa bakuasa mitah pampatei, kalahie pada ahi lelu kaiyuh bakuasa mitah pikaeh um'ak pamelum sejati mitah Yesus Kristus Tuhan takam'