¹ Hi Abraham jari suntu Amun kalayeru, inunkah sa tau naeau takam ma hi Abraham, Datu itak kakah manurut tenga daging? Daya amun Abraham tau natarime mitah ulah gawini, maka hanye naan katauen umak alasan tau iwawara tengani, kode puang tau iwawara hang dahapan Allatala. Daya inunkah isa Surat Barasis kaeau? "Abraham parisaya ma Allatala, pada hal yeru tau ngampi sanang atei jari isa sabujurni". Umak erang kaulun sa bagawi, upa isa na ami ma hanye puang tau nareken nyalah pangamian, kode iru hakni. Kode umak ulun sa puang bagawi kode hanye parisaya ma Hanye sa ngahampibujur ulun fasik, kaparsayaani nareken jari sa mawitu. Daud pada kaeau tuu sanang ma ulun sa haut natarime daya Allatala puang ninung isa inun haut naulah gawini, Eauni,"Tuu sanang ma ulun sa kahalaen- kahalaenni haut naampun, pada kawan dosa-dosani haut napempeni. Tuu sanang ulun sa dosani puang nareken daya Allatala ma hanye."Mazmur 32;1-2 ⁹ Balalu, Inunkah sa sanang yena bariran ma katuluh ulun-ulun sa basunat, atawa pada bariran ma ulun-ulun sa puang basunat? Neo hal yeru kami kaeau," Natuju ma hi Abraham, kaparsayaani nakakira nuju hanye jari ulun maeh". Kalaawekah iru tau nakakira nuju hanye? Inunkah nuju neuang Abraham hang keadaan basunat, atawa hang wuang kaadaan puang basunat? Iru naan puang wayah hanye hang wuang kaadaan basunat, kapihuan huan basunat. ¹¹ Abraham narime tanda sunat erang kawua siri sa mawitu daya kaparsayaan sa haut natarime hang waktu wuang kaadaan puang basunat. Wua teka siri yena hanye yeru hanye jari ambah teka ulun-ulun sa parisaya, biar here puang kaadaan basunat. Ina baarti bahwa isa mawitu jari suntu nuju here. Ina pada baarti bahwa Abraham jari ambah ulun-ulun sa puang basunat, isa haut parisaya pada isa naharak kia jangkau Abraham. Inalah kaparsayaan tawuk hanye hang wuang kaadaan puang basunat. Daya yeru puang mitah hukum Taurat, anri pipakatan bahwa hanye sagar narime dunia yeru, naami ma hi Abraham pada ma katurunani. Kode, kawalengani mitah sa mawitu daya kaparsayaan. Daya amun ulun-ulun hang imbe hukum Taurat tau jari ahli waris, balalu kaparsayaan tau jari puang baisi pada pipakatan iru jari ure. Daya hukum Taurat tau ngamuan panyangit, kode hang awe puang naan hukum Taurat, hang yeru pada puang uweng panala. Irulah sababni, pipakat ru tau jari daya kaparsayaan, balalu yeru tau kaiyuh naantuh daya pangamian. sajari iyuhani, pipakat yena tuu bariran ma katuluh katurunan. Pada katurunan-katurunan yena tuu leh puang ekat ulun-ulun isa kataru hukum tTaurat, kode pada mahere isa welum teka kaparsayaan Abraham. Sabab Abraham hanye yeru ambah takam katuluh. Isa haut natulis, "Hanyu haut Ku sanyari jari Ambah ma katuluh bangsa". Abraham naan hadapan Hanye isa jari na parisayaiNi, hanye yeru, Alllatala, isa haut nyanyari ma pamelum ma ulun matei pada sa haut nyanyari isa puang naan jari naan. Sabab anri puang ikarasa ketuluh wangun sa nadinung, Abraham saratang harap nelang parisaya ma Allatala sagar inun sa natantarang neo manyu pamelum die'. Daya yeru hanye jari ambah katuluh bangsa, kala sa nasurat hang wuang Surat Barasis,"Irulah wahaini sa sagar jari katurunan takam." Hanye puang maleme hang wuang kaparsayaanni. Abraham tuu kataru bahwa anri tengani raerai puang kaule hanye sagar uweng anak (daya hanye haut matueh haut sakitar jatuh taun ). Hanye pada iwara bahwa wuntung Sarah puang tau bagenda lagi. ²² Kode daya janyi teka Allatala, Abraham jari bembang hang wuang puang kaparsayaan. Likan labih teka yeru, hanye nahampikansing hang wuang kaparsyaan nelang nante nawat Allatala. Hanye yakin anri penu bahwa inun sa haut na najanyiakan Alllatala, hanye tambah mansing hang ulah gawini. Daya yeru, neo yena tau natarime ma hanye jari ngampi sanang atei. Kode hal yena puang nasurat ummak tau bariran ma hanye ai pada natarime ekat ma hanye ai. Daya hal yena pun haut nasurat umak takam, sabab ma takam pada haut sagar naami, hanye yeru takam sa parisaya ma hanye sa haut ngamuan Yesus Tuhan takam teka penah ulun matei. Hanyelah isa haut na sarah daya teka katuluh panala takam pada haut nasamelum ummak pikaeh ma takam.