Jari inunkah kauntungan sa jari ulun Yahudi? Pada inunkah riran teka sunat? Hang wuang wahai hal tuu maeh, Sa mambatang ma ulun-ulun Yahudi haut naparisaya wahyu teka Allatala. Kode kala awekah amun naan ulun-ulun Yahudi sa puang satia? inunkah puang parisaya here hampi ure kesetiaan Allatala? Hindra lagi puang sagar. Bawilah jari sa tuu bahwa Allatal yeru tuu bujur, biarpun kawan murunsia sa mapusu. Nyalah sa haut tasurat, " Hang wuang naun naan sa bujur hang katuluh lengan Allatala, pada bahasil tawuk naun masuk ma wuang pengadilan." Kode amun sa puang bujur takam ngalalea sa bujur teka Allatala, inunkah sa kaiyuh takam ngantuh?Allatala bawilah puang adil wayah Hanye nantarang sangitNi, angneh? (Aku kaeau yiti neo aheng murunsia.) Hindra-hindra puang! Daya mun kalayeru, kalaawe die Allatala sagar mengadil dunia? Kode amun kabujuran Allatala mitah kejahatanku ngulah Allatala magin natawat hormat, wah inun aku tatap na adili jari ulun sa badosa? Wah inun puang kaeau, nyalah antuhan sa natahampe papire ulun sa kaeau bahwa kami suah kaeau, "Ayu takam ngulah dosa, bulu isa maeh tau hawi?" Saputuni ulun-ulun yeru narime umak nahukum. Jadi kalawe? Inunkah tenga takam diwi maeh? Hinra lagi puang! Daya kapihuani takam haut na da'wa hau ulun-ulun Yahudi pada ulun-ulun Yunani, samula here katuluh haut hang wuang dosa, Nyalah sa haut tatulis: "Puang uweng sa bujur, erang kaulun pun puang. Puang uweng erang kaulun sa maharati. Puang uweng erang kaulun sa nya'mah ngantilau Allatala. Here katuluh haut ikule. Here katuluh haut puang uweng riran lagi. Puang naan erang kaulun pun sa pikaeh, puang, magin erang kaulun jua puang. Gagurungan here nyalah pasaran sa wawanga. Lela here penu adri tipu akal. Wiwi here na isi wisa anipe naan hang imbe wiwi here."Mazmur 5;10;140;3 Wawa here penu putaka pada penu sumpah sarapah mapait." Mazmur 10'7 Pe'e kia jangkau here wansit nyantunrak ira. Kahansuren pada kasusahen naan hang kia jangkau here. Pada, kawan here puang kataru welum hang wuang pikaeh. "Yesaya 59'7-8 Ingkam pahe'ei ma Allatala puang uweng lagi hang dahapan mate here."Mazmur 36;2 Iru sababni puang uweng murunsia sa nampikaeh hang hadapan Allatala daya ngaraja hukum Taurat. Daya mitah hukum Taurat hawi nantarang neo sa dosa. Allatala Nyamuahan Murunsia Mitah Kaparsayaan ma Yesus Kristus Kode itati hang luar hukum Taurat nutui lalan Allatala sa haut natahampe Ina natantarang daya hukum Taurat pada kawan nabi-nabi. Hiyai pada pikaeh Allatala natarime mitah kaparsayaan hang wuang Yesus Kristus ma katuluh ulun parisaya. daya puang naan beda ni. Daya yeru katuluh ulun haut ngulah dosa pada haut kawawaian pikaeh Allatala, Here naami pikaeh anri ahileloNi mitah murunsia sa nasanepah hang wuang Yesus Kristus. Daya Allatala haut nyarah Yesus Kristus umak lalan arai hewu mitah parisaya wuang iraNi. Hanye haut ngami Kristus jari bukti pangarawaheNi, sa haut newuh dosa-dosa kahalaen sa haut na karaja kapihuan yeru. Hang wuang masa ksabarenNi. Ina katuluh tapitah umak nutui keadilanNi neo pada masa taati, daya Hanye adil pada Hanye sa mawitu neo kawan ulun daya parisayani ma Allatala. Dami haut kalayeru, hanhg awekah katatamaman yeru? iru sa mambatang. Atas dasar inun? Ulah gawi kajara kah? Puang, malengkan dasar parisaya. Takam manyimpulkan die bahwa ulun sa nasambujur daya parisaya, puang daya ngaraja hukum Taurat. Atawa inunkah Allatala yeru ekat Allatala ulun Yahudi? Inunkah Hanye pada Alllatala ulun-ulun sa puang ulun Yahudi. Amun bujur Allatala iru isa, balalu Hanye tau ngampi bujur ulun-ulun bersunat mitah kaparsayaan, pada balalu here sa puang basunat mitah kaparsayaan. Amun kalayeru, inunkah takam ngumpe hukum Taurat mitah kaparsayaan? Hindra hindra puang. Diwi likan teka yeru sabujurni takam mahargai hukum Taurat yeru.