1
Hukuman Allatala
Daya sabab yeru, Pulaksanaai katuluh, naun puang tau lagi ba alasan, daya inun isa naun ngalun tenga ma ulun lain sameh pada ngalun ma tenga takam jua. Daya naun isa ngalun ru sameh pada nampalus sasameh tenga takam jua.
Daya sabab yeru takam karasa, amun Allatala iru ngampi hala yeru baarti hanye puang uweng butit umak ngalun tenga isa haut ngulah gawi isa jahat yeru.
Kode, naun pulaksanai, parlu nawada hal yeru, naun isa ngampihala here isa ngulah gawi isa murun pada ma naun isa ngulah gawi isa sameh. Inun sa naun ngira tau lepah teka hukuman teka Allatala?
Atawa naun manganggap enteng lelo Allatala, hanye ngami kasampatan umak batobat dan henye nantarang pikaehanNi? Puangkah naun karasa ahi lelo Allatala yeru nantarang pikaeh ateini hamen itetei ngayak ngajun nuju ngaku dosa nelang kahalaeen?
5
Kode daya pikahing atei naun isa puang tau miubah balalu atei sa murun penu hang wuang pamelum takam raerai, die naan wayah andrau ni isa pasti narime hukuman isa adil teka Allatala.
Hanye sagar iwaleh ma katuluh ulun sesuai anri ulah gawi takam :
Hanye yeru ma ulun-ulun isa setia nelang katuju ngulah pikaeh nelang sindi kaiyuh kemuliaan, tawat hormat nelang ulah gawi isa maeh, Hanye iwaleh umak pamelum sa palus ma kalalawah.
Kode ma ulun-ulun isa ngunu ma tenga ni raerai, pada isa puang ngalut neu aheng Allatala, kasangiten nelang murun sa sagar naterime.
Allatala sagar ngampi hawi uyuh rara ma katuluh isa ngulah gawi kajahatan, isa mambatang ma ulun Yahudi, pada ma ulun Yunani.
Udihie kemuliaan, kehormatan, pada nelang kasanangen kai hawi ma katuluh ulun sa ngulah gawi sa maeh, sapalanungkai ma ulun Yahudi, pada here ulun Yunani.
Daya yeru puang uweng beda nunung Allatala.
Sabab katuluh ulun sa haut ngulah dosa puang makai hukum Taurat pada sagar naadili puang pakai hukum Taurat, dan satiap ulun sa ba dosa hang wuang hukum Taurat sagar naadili sesuai hukum Taurat.
Daya puang ulun sa jari tukang sanrengei hukum Tauratsa mawitu hang dahapan Allatala, sabujurni here sa jari ngaraja hukum Taurat nampalus sa bujur.
Kode wayah ulun-ulun puang Yahudi, sa puang makai hukum Taurat, daya kabahumen tenga ni raerai ngulah gawi inun sa naan hang wuang hukum Taurat, balalu hal-hal yeru jari hukum Taurat umak tenga here raerai, biarpun here puang kataru hukum Taurat.
Andri daya yeru here nantarang kala wangun kalakuan-kalakuan sa naparentah daya hukum Taurat naan tasurat hang wuang atei here. Atei akal here pada umba jari bukti, nelang pikiran-pikiran here raerai ngampihala atawa makai aheng here raerai.
Kalahie pada Allatala. Hal yeru sagar naan wayah Allatala, mitah Yesus Kristus, sagar mengadili katuluh rahasia murunsia, sesuai andri habar maeh sa haut na tahampe.
Saumpamani naun ngantuh tenganu ulun Yahudi pada itegei hukum Taurat pada gana hubungan andri Allatala,
Pada karasa neo kabahumenNi pada tau nukas inun isa maeh, daya haut naajar mitah hukum Taurat;
Pada umpamani naun yakin bahwa tenganu tau mamimpin ulun lain sa masih pehe, maraai ma here sa naan hang wuang piiyeng,
Jari Guru ma ulun sa bodo, Guru ma ulun huan matueh, pada penu pengetahuan hukum Taurat hang wuang ajaran sa bujur, balalu kala awe ina tau sagar miubah hang wuang pakiaan welum?
21
Naun sa ngajar ulun lain, ngaan sa hanyu ngajar tenga nu raerai? Naun ngajar umak puang tau ngalat, inunkah naun ngaun ngalat?
Naun sa kaeau ada idapa, inunkah naun idapa?
Naun muar makawan sampatung, inunkah naun ngalat kawan lewu sampatung?
Naun iwawara hukum Taurat, inun sa naunngampime Allatala mitah ngulah kahalaen manyu hukum Taurat?
Daya yeru ngaran Allatala nahampikurun hang penah-penah bangsa-bangsa puang ulun Yahudi daya naun,"nyalah sa haut natahampe.
Daya yeru sunat memang bariran ma naun amun naun taat hukum Taurat, kode amun naun jari puang ngalut hukum Taurat, sunat naun ru puang bariran lagi.
Maka daya yeru, ulun sa puang basunat tatap mantaati ayakan-ayakan hukum Taurat, inun ru die hanye tau na anggab nyalah ulun basunat?
Daya inunkah ulun sa secara alami puang basunat tau mangadili naun amun hanye mantaati hukum Taurat? Sabani daya naun haut uweng kitab barasis sa haut tasurat pada bersunat kode naun jari palangar hukum Taurat!
Daya jari ulun Yahudi puang kala nadinung kala pihawian pamelum, kaliru pada neo sunat inunkah sunat sa nakaraja takam hang wuang pamelum.
Kode ulun Yahudi sejati tau na dinung teka ateini, nelang amirueni, puang secara basaan.
Ngalalea ma ulun nyalah yeru hawipuang teka murunsia kode teka Allatala.