¹ Surat Rasul Paulus ma Ungkup hang Roma Teka Paulus, walah Yesus Kristus, na herau jari rasul, nelang jari pidian umak ngallalea lengan Allatala, Lengan Allatala iti sa haut najanji daya Allatala kapihuan mitah kawan nabi-nabi-Ni hang lengan barasis, Lengan Allatala yena neo Anak-Ni, sa nakahayaan mitah tenga turunan wat Daud. Hanye haut na antuh Anak Allatala isa bakuasa Roh Barasis itetei teka kaelanenNi hang penah ulun matei-Yesus Kristus Allatala takam. Mitah Hanye takam haut narime ahi lelu nelang jari ulah gawi yalah rasul nampan tau parisaya hang peneh-penah katuluh murunsia neo ngaran-Ni. Teka peneh-penah murunsia taati, naun pada haut na herau jari ampun Allatala Tuhan Yesus. ⁷ Surat yiti natahampe ma kutuluh isa naan hang Roma, isa haut na ami sinta lelu teka Allatala, pada isa haut na herau jari ulun-ulun barasis: Kirani ahilelu nelang arai hewu tekaAllatala Amah takam nelang Tuhan takam Yesus Kristus isa na ampinau ma pamelum takam. Samambatang, aku baterime kasis ma Allatala itetei Tuhan Yesus Kristusumak naun katuluh, daya parisayanu haut litar ma katuluh dunia. Sabab Allatala, isa aku neo hang wuang rohku hang wuang Injil AnakNi, hanyelah habar maeh neo kewangun aku tu'u-tu'u ngantuh hanyu hang wuang ateiku. Aku tu'u-tu'u nampe hang wuang atei ahengku, mawitu aheng Allatala, mudah2an Hanye ngami izin ma aku tau ganta ma naun. ¹¹ Daya yeru aku tu'u kasungu kadinung naun, nampan aku kaiyuh babagi mahanyu neo ahi lelu teka Roh Allatala neo tau umak napikansing. Nyeiru, aku kasungu aheng kewangunku hang penah naun, tau sameh-sameh ngapikansing mitah kaparsayaan takam uras, neo kaparsayaannu atawa kaparsayaanku Itati aku sindi naun kataru, kawan pulaksanai, aku hamen nampan naun uweng aheng umak hawi ma aku, (kode aku naan halangan hampe taati), umak tau hampiisa iyuhan hang penah naun isa yalah nadinung ma ulu-ulun isa puang Yahudi. Aku uweng jannyi ma ulun-ulun Yunani pada ma ulun-ulun isa lainni, neo ma kawan ulun isa uweng katauen kalahie pada ma kawan isa huan uweng katauen. Jari, umak aku, aku pada hamen nampalus lengan Allatala ma naun isa naan hang Roma. ¹⁶ Daya yeru aku puang amangan neo lengan Allatala, day lengan Allatala yeru umak nyalamat katuluh ulun isa parisaya, sa mambatang uluin Yahudi udiheye ulun Yunani. Sabab hang wuang lengan Allatala yeru naan habar maeh teka Allatala isa natahampe yeka kaparsayaan ma kaparsayaan, isa inun haut natulis," Ulun bujur tau melum daya kaparsayaan." Sabab kasangiten Allatala isa natantarang teka Sorga ma katuluh penu dosa nelang kahalaen murunsia, isa daya pangajaran haut nalau neo isa bujur. ¹⁹ ina tau jari daya iun isa here tau karasa neo Allatala sa haut nyata ma here. Daya Allatala haut nampe andri tu'u mawitu anri here. Daya sifat Allatala puang dinung neo Hanye, hanye yeru kakuasaanNi isa palus kalalawah nelang sifat keilahianNi, haut nyata tau napantaru teka katuluh sa naulah hang dunia, mitah ulah gawiNi, hampe here puang tau baalasan. Daya sabab yeru, here haut kataru neo Allatala, kode here puang mahuromat Hanye sebagai Allatala, pada ngaan ngantuh syukur ma Hanye, neo tawaleng here haut jari ulun sa budu hang wuang akal here, pada atei akal here puang bariran bulu jari maieng. Here kaingkam tenga here nyalah ulun pintar, kode tuuni here jari ulun isa budu. Here haut nurup kuasa Allatala isa tau ngulah kasusahen anri bamasam wangun nyalah murunsia haut matei, wuurung-wurung, eha sa bafee epat, pada isa ilansar. ²⁴ Irulah sababni Allatala maladar here nakuasa kabahiri atei neo ngulah sa murun, balalu here nampalus hal isa bere ndeo pamelum here jua, Here nurup isa bujur teka Allatala anri isa pallasu, pada here nyamah nelang suntuk ma aheng kunuan here pada puang aheng Ni, sa patut na tawat hormat palus kalalawahni. Daya yeru, Allatala nunyu nampalus ma here umak maladar kabahumen atei isa ngamangan ma wawei-wawei nurup adat sa biasa kawan wawei anri isa puang patut. Kalayeru pada kawan upu nanan pagawian sa puang patut isa biasa bahubungan anri wawei-wawei maleankan anri penu birahi hang penah here sameh here, here bahubungan upu anri upu, hampe here pada nampalus ulah gawi tenga here sa jahat bulu here narime upa sa satimpal daya kajahatan here. ²⁸ Kalayeru puang narime umak mangaku pihawian Allatala hang wuang pamelum here, balalu Allatala menyarahkan ma pikiran sa murun, balalu here ngulah gawi neo sa puang patut. ²⁹ Welum here penu hal isa rusak, kejahten, kasarakahan, pada kawan bere murun. Here penu anri bangasiwa, ipamunu, babur, kakuaren, pada aheng sa jahat. Here jari katuju nangkurun ulun, sakah, muar ma Allatala, jahat, taman, penu anri kasakahen, ngulah kawan pikurun pada katuju nawan ma ulun matueh here. Here puang uweng kapintaren, puang tau naharap, puang uweng ahilelu, pada puang uweng setia sasameh murunsia. manyu yeru here haut karasa parentah Allatala, daya ulun isa ngulah gawi sa puang patut yeru patut nahukum pampatei, kode here puang nampalus ulah gawi kode here nampalus ma ulun lain isa ngarajani.