Amun kala yeru, Inun sa tau nakaeau takam? harusleh takam palus welum hang wuang dosa nampan bagin batam'ah pangamian yeru? Hindra-hindra puang. takam isa haut matei daya dosa, kewangun sagar takam tatap welum hang wuangni? Inunkah naun kataru pire wahai sa haut na ampanrus hang wuang Yesus Kristus haut na ampanrus hang wuang pampateiNi? Udihiye takam haut napasar sasameh andri Hanye mitah ampanrusan hang wuang pampateiNi. Hal yena nasanyari nampan kewangun Allatala natamuan teka hang penah isa matei daya pikaeh Allatala, kalahie pada takan welum hang wuang pamelum isa wau. Daya amun takam haut jari isa andri Hanye hang wuang kewangun pampateiNi, takam pada tau jari isa andri Hanye hang amuan teka pampateiNi. Takam haut karasa neo hal yeru, bahawa murunsia sadi takam haut na balasangar sasameh Hanye, uma'k tenga dosa yeru tau natampatei. Ina naulah nampan takam puang suntuk sam'ah tenga lagi ngulah dosa. Hanye isa haut matei haut naantuh wuah hang wuang sangkut paut andri dosa. Kode amun takam haut matei baya andri Allatala, takam parisaya bahawa takam pada sagar welum sasameh andri Hanye. Takam karasa bahawa Allatala haut amuan welum teka penah-penah ulun matei, pada hanye puang matei lagi. Pampatei puang lagi puang lagi bakuasa hang amau Hanye. Daya yeru neo pampatei, hanye yeru pampateiNi gan,na dosa, Hanye matei ekat hindra um,ak makalalawahni. Kalayeru, pamelum isa nakia Ni, Hanye welum nintu Allatala. Kalahie pada, Hanyu pada nelang kaingkam nyalah tenga nu haut matei daya dosa, kode melum hang wuang Allatala Tuhan Yesus Kristus. Daya kalayeru ada lagi na paladar dosa muneng hang wuang tenga amirue isa hansur pada ada lagi mawitu ahengni. Ada lagi nyarah tenga dagingnu ma dosa, um'ak na pakai jari sara ngulah kajahaten. Kode nyarah tenga amirue nu ma Allatala, nampalus ma ulun isa haut matei kode taati welum. Pada nasarah leh tenga-tenga pamelum ma Allatala nampalus nuju pamaeh. Ada napaladar dosa bakuasa hang amau takam. Daya takam mpuang lagi naan hang wuang hukum Taurat, kode hang wuang pangamiani. Jari kala awe? Inun sa takam sagar badosa daya takam puang lagi naan hang wuang hukum Taurat, kode naan hang wuang ahi lelo? Hindra-hindra puang. Puang tau kah hanyu, daya hanye sa haut nyarah tengani jari walahNi hanye yeru ulun isa ma hanye naun harus nampalus kabahumeni, pada isa harus nuu kabahumeni kalayeru? Ina bariran, inun hanyu jari walah dosa sa tau ngenei ma pampatei, atawa inun jari walah pikaeh isa ngayak ma pikaeh. Kode syukur ma Allatala! Daya memang hanyu sadi jari walah dosa, kode itati hanyu andri penu atei haut ngalut nuu pangajaran isa haut natahampe ma naun. Naun haut na bebas teka dosa, pada itati naun haut jari walah-walah isa mawitu. Aku bapaner yena neo wangun murunsia daya kalemeen ni yalah murunsia. Kalawangun hanyu sadi haut nyarah tenga amiruenu neo wangun walah ala bere pada ala murun, bulu itati, ami surung tenga amiruenu kewangun walah isa mawitu isa ngatet nuju isa barasis. Daya wayah hanyu jari walah dosa, hanyu lepah teka sa mawitu. Hang wayah yeru, wua inun sa hanyu utik sa taati ngulah hanyu amangan? Daya iyuhan pangalisan andri katuluh yeru hanyene pampatei. ²² Kode itati hanyu haut na sanepah teka dosa pada haut jari walah Allatala pada itati hanyunatamasi iyuhan sa tau ngenei hanyu ma welum barasis. Iyuhan sa pangalisanni hanye yeru welum sa pamalus. Daya upa teka dosa hanyene pampatei, Kode pangamian tela Allatala hanyene welum sa pamalus hang wuang Kristus Yesus Tuhan takam.