¹ Dami haut luput, Yesus takia ngaliling Galilea. Hanye puang hakun takia hang Yudea, daya Hanye karasa kawan ulun Yahudi sagar munu Hanye. ² Tawuk yeru haut riet andrau Pesta ulun Yahudi, hanyeru Pesta Pondok Daun. ³ Daya yeru kawan pulaksana'i Yesus kaeau ma Hanye," Ware Hanyu tulak teka Yena ma Yudea ngampan kawan muridNu kadinung inun sanakarajaNu. ⁴ Daya puang uweng ulun sa ngulah pagawian andri sadina amun hanye sin'ni kataueni rasa ulun rama. Amun Hanyu sini ngaraja kawan katantuluh yeru, tantarang tengaNu ma dunia." ⁵ Daya kawan pulaksana'i Yesus pada puang parisaya ma Hanye. ⁶ Yesus kaeau ma here," Katika Ku huan hampe, kode katika naun naan eleh. ⁷ Dunia puang tau muar ma naun, kode dunia muar ma Aku daya Aku gaha iwara neo dunia, ngampan here ada katuju ngulah ngaraja gawi isa murun/jahat. ⁸ Tulakleh naun ma Pesta yeru.Aku huan iyuh hawi ma Pesta yeru daya katika Ku huan hampe. ⁹ Jari udi Hanye kaeau kalahie, Yesus magun muneng hang Galilea. ¹⁰ Kode, dami kawan pulahna'iNi galis tulak ma Pesta yeru, andri suni-suni Yesus pada tulak ma yaru. ¹¹ Hang Pesta yeru Kawan ulun Yahudi ngantara Hanye, nelang kaeau,"Hang awe Hanye?" ¹² Papire kaulun sameh here pakakeneh Neu Hanye. Naan sa kaeau, "Hanyeru ulun maeh." Naan pada sa kaeau, "Puang,Hanyeru nyantawang ulun rama." ¹³ Kode puang sunah erang kaulun sa heei bujur harus neu Hanye daya here paheei ma kawan ulun Yahudi. Yesus Ngajar hang Lewu Sumbayang. ¹⁴ Tawuk Pesta lagi rami, Yesus masuk ma Lewu Sumbayang nelang palus ngajar. ¹⁵ Kawan ulun Yahudi balalu ngawau nelang kaeau, "Kalaawe Ulun yena yau uweng kapanayen,sadangkan Hanye puang suah paajar?" ¹⁶ Yesus balalu nuing palus kaeau,"Sa naajarKu yena puang tekakatauenKu raerai, kode teka Hanye sa nunyu Aku. ¹⁷ Hie sa hakun ngaraja kabahumen Alatalla, hanye sagar kataru pangajaranKu yena, inun teka katauen ku raerai atawa teka Alatalla. ¹⁸ Amun ulunru bapaner teka katauenni raerai, yeru aratini hanye laku tawat atawa nahormatma tenga ni saurang, kode mun hanye ngantara ngampan ulun mahormat ma Hanye sa nunyu, hanyeru puang ipusu. ¹⁹ Angsa hi Musa haut ngami Hukum Taurat ma naun, kode puang sunah erang kaulun naun sa makai hukum yeru? Wuah inun naun ngantara lalan ngunu munu Aku?" ²⁰ Balalu tuing ulun rama, " Hanyu yiri karasukan roh sa puang maeh! ( jahat) hie sa ngunu munu Hanyu?" ²¹ Eau Yesus ma here, "Wuah inun naun ngawauh neu sa nagawiKu yena. ²² Hi Muses nunyu naun basupit, padahal basupit yeru teka datu nini naun, puang teka hi Moses, kode naun pada nyupit ulun hang andrau Sabat. ²³ Amun naun naan nyupit (nyunat) ulun hang andrau Sabat puang malangar Hukum Musa, wuah inun naun sangit Aku nyamare ulun hang andrau Sabat? ²⁴ Naun ada jari hakim makai kabahumen naun ai, puang makai atei isa maeh. Tuuni sa Yesus ru Raja Panyalamat? ²⁸ Tawuk Yesus lagi ngajar hang Lewu Tuhan, Hanye nantiak,"Naun tuuni kataru Aku nelang haut karasa teka awe asalKu (pihawiaanKu). Kode hie sa ngutus(nunyu) Aku naun puang kataru, daya Aku puang hawi teka tenga ku raerai, ²⁹ daya asalKu teka Hanye sahaut nunyu Aku makani Aku kataru tuu andri Hanye." ³⁰ Kawan ulun rama yeru ngunu nyam'ma Hanye, daya katikani huan hampe puang sunah erang kaulun sa heei ngawir Hanye. ³¹ Kode, haut rama ulun sa parisaya ma Yesus. Here kaeau,"Amun Kristus hawi, inun sa Hanye ngulah katauen sa diwi teka sa haut naulahUlun yiti?" Tatueh Ulun Yahudi Ngalalian Nyam,ma Yesus ³² Dami kawan Ulun Farisi karengei papaneran ulun rama neu Yesus, balalu kawan tatueh Yahudi andri kawan ulun Farisi nunyu kawan ulun sa jaga Lewu Sumbayang (Bait Allah) ngampan nyam,ma Yesus. ³³ Balalu Yesus kaeau"KatikaKu ibaya andri naun ekat erang itus ai lagi udi yeru, Aku sagar tulak naba Hanye isa nunyu Aku. ³⁴ Naun ngunu ngantara Aku, kode puang sagar panalu Aku. Daya hang awe Aku muneng, naun puang kaiyuh hawi ma yaru." ³⁵ Kawan ulun Yahudi yeru isa kapu isa kaeau, "Maawe sa Ulun yiri sagar tulak hampe takam puang tau kahaba Hanye? Inunsa Hanye ngunu tulak ma penah ulun Yahudi isa naan hang penah-penah kawan ulun Yunani, balalu ngajar kawan ulun Yunani? ³⁶ Inun aheng paner-Ni kaeau, naun ngunu ngantara Aku, kode puang sagar kahaba Aku. Nelang, hang awe Aku muneng, naun puang sagar kaiyuh hawi ma yaru?"' Yesus Iwara Neu Roh Brasis ³⁷ Hang pijumpuhan andrau pesta yeru, Yesus nantiak nelang kaeau," hie naun sa malah ware hawi ngapung Aku balalu nguut ranu. ³⁸ Hie sa parisaya ma Aku, nyalah isa haut nawara hang Surat Brasis, sagar mareh teka wuang ateini ranu sa ngami pamelum. ³⁹ Inun sa nabahum Yesus yeru hanyene Roh, isa sagar natarime basing ulun sa parisaya ma Hanye. Daya Roh yeru huaan naami Yesus daya Hanye huan mamai ma Surga. Papaneran Neu Yesus ⁴⁰ Tawuk ulun rama karengei neu paner Yesus yeru, papire kaulun teka here kaeau,"Ulun yena tuu- tuu erang kaulun Nabi." Ulun lain pada kaeau, "Hanye na Kristus." Kawan lain lagi kaeau,"Taulah Kristus hawi teka Galilea? ⁴² Kode Surat Brasis haut kaeau neu Kristus asalni teka turunan Daud nelang teka Betlehem, tumpuk Daud muneng sadi?" ⁴³ Daya papaneran ulun rama neu Yesus puang bakasusukan. ⁴⁴ Balalu papire kaulun teka here ngunu nyam'ma Yesus, kode puang uweng sa heei nggatuk Hanye. Kapuang parisaya Papire Tatueh Yahudi ⁴⁵ Daya yeru, kawan panjaga Lewu Sumbayang ulun Yahudi yeru mulek ma kawan imam-imam andri papire ulun Farisi, balalu nunyi ma here panjaga, " Wuah inun naun puang nginsing Yesus ma yena?" ⁴⁶ Balalu tuing kawan panjaga yeru,"Puang suah sunah erang kaulun sa tau baantuh nyalah ulun yeru!" ⁴⁷ Balalu kawan ulun Farisi nuing ma kawan panjaga yeru, "Inun naun pada haut santawang ni? 48 puang uweng sunah erang kaulun pemimpin atawa ulun Farisi sahaut parisaya ma Hanye yiri? ⁴⁹ Kode naun sa puang karasa Hukum Taurat sagar nahukum!" Nikodemus Bakilah ⁵⁰ Hi Nicodemus, erang kaulun teka ulun rama yeru haut suah manalu Yesus, kaeau ma ulun Farisi yeru, ⁵¹ "Inunsa Hukum Taurat tau nukum ulun isa huaan takam karasa kahalaeni?" ⁵² Balalu tuing here, "Inun hanyu na ulun Galilea pada? Inun panrasaennu suahsa naan nabi teka Galilea." Wawei sa Tajama daya Idapa. ⁵³ Udi yeru, katuluh here isa kapu isa galis mudi malewu.