¹ Udi yeru Yesus nyabarang danau Galilea nuju danau Tiberias. ² Daya ulun haut kadinung sa ajaib yeru neu nyamare ulun mekum, balalu rama ulun naharak Hanye. ³ Udi yeru Yesus mamai ma amau wungkur bulu maharung baya kawan murid-muridNi. ⁴ Tawuk yeru haut riet perayaan Paskah ulun Yahudi. ⁵ Tawuk Hanye ninung hang ngawariung Hanye, bulu kadinung ulun rama hawi mahanye, Bulu Yesus kaeau ma hi Filipus, "Maawe takam midi rote umak miwit kawan ulun rama yiri?" ⁶ SangajaNi kaeau nguji hi Filipus, daya Hanye haut karasa inun sa sagar nakarajaNi neu ulun rama yeru. ⁷ Tuing Filipus,"Takam midi roti 200 dinar nabagi babutit saurang puang sagar sukup ma ulun rama yiri." ⁸ Kode hi Andreas murid Yesus pulaksanai Simon Petrus kaeau ma Yesus, ⁹ Hang yiti naan erang kauklun ia iwasi dime rote jelei andri rueh kaukui kenah, kode inun gunani ma ulun rama yena?" ¹⁰ Balalu Yesus kaeau," Huyu kawan ulun yiri maharung." Ulun bulu maharung hang amau rikut, jumalah ulun rama yeru aji upuani nakakira dime ribu kaulun. ¹¹ Udi yiru Yesus ngalap rote-rote, yeru nelang basukur, palus Hanye mambagi rote-rote ma here; kalayeru pada Hanye hambagi kawan kenah ni ma katuluh ulun sa laku. ¹² Dami katuluh ulun haut galis wising, Yesus kaeau ma kawan muridNi,"Kumpul le'e kawan ulun rama yiri ngampan ada hampe patahayang." ¹³ Daya yeru, kawan murid Yesus balalu nimpun rote jelai, le'e kawan ulun rama dami haut lupat ikuta, jumalah le'e yeru duawalas karanyang. ¹⁴ Dami ulun rama kadinung siri-siri ajaib sa haut natantarang Yesus, balalu here kaeau ," Ulun yena tu'u Nabi sa haut na janyi sagar hawi ma dunia." ¹⁵ Daya Yesus karasa ulun rama yiru sagar hawi, ngabahum ngampan Hanye jari Raja here, balalu Yesus tulak ngaraerai miidar ma amau wungkur. Yesus Takia hang Amau Ranu. ¹⁶ Tawuk andrau tukan iyeng, kawan murid Yesus minau nuju danau, ¹⁷ Dami here haut mamai ma parahu, balalui here mulai nyabarang danau nuju ma Kapernaum. Anrdrau nuku maiyeng, kode Yesus huan hawi manalu here. ¹⁸ Danau nuku bagalomang daya siwui riwut mehet. ¹⁹ Udi yeru, tawuk here haut iwehei perahu kakira 25 hampe 30 repe, here kadinung Yesus takia hang amau danau nyanriet perahu, balalu here takut. ²⁰ Kode Yesus kaeau ma here," Iti Aku ada naun takut" ²¹ Dami karengei lengan Yesus aheng here ngunu ngampamai Hanye ma wuang parahu, kode salenga perahu here haut hampe ma uneng sa natuju. Ulun Rama Ngantara Yesus. ²² Makayauni andaru,ulun rama sa magun mindri hang subarang danau puang uweng kadinung perahu lain hang yaru, ekat naan isa ai nelang haut nabuat daya murid-murid Yesus, nelang here haut tulak balayar. Kode Yesus puang sindra baya kawan muridNi ²³ Udi hie hawi kawan parahu teka Tiberias ma riet uneng ulun rama nguta rote, dami udi Tuhan ngantuh syukur. ²⁴ Dami ulun rama kadinung, Yesus andri kawan murid-Ni pauweng lagi hang yeru, balalu here masuk ma parahu palus tulak ma Kapernaum lepuh ngantara Yesus. Yesus jari Rote Pamelum ²⁵ Dami ulun rama yeru haut panalu Yesus hang sabarang danau, here bulu nunti ma Hanye,"Rabi, hamian Hanyu hampe yiti?" ²⁶ Yesus nuing palus kaeau, "Kapinuuni, Aku iwara ma naun, naun ngantara Aku puang daya naun haut kadinung siri-siri ajaib sa haut tantarang-Ku ma naun, kode daya naun haut wising nguta rote. ²⁷ Ada naun bagawi umak ngantara panguta sa tau mambina sa, ware naun ngatara panguta sa tau namising naun hampe pamelum sakalalawah, isa sagar naami daya Anak Murunsia yeru ma naun, AmahNi, hanyeru Alatalla, isa haut ngami kaputusan-Ni." ²⁸ Ulun rama yeru bulu nunti ma hi Yesus,"Inun sapatut naulah kami yeru, ngampan susuk andri kabahumen Alatalla?" ²⁹ Tuing Yesus palus kaeau ma here,"Ina gawian sa kabahumen Alatalla: Ware naun parisaya ma Hanye sa haut nautus daya Alatalla." ³⁰ Here nunti ma Hanye, "Amun kalahie suba Hanyu nantarang ma kami siri-siri sa makawawauh ma kami ngampan kami parisaya ma Hanyu? Gawian inun sa ngunu naulahnu? ³¹ Datu nini kami nguta manna hang wuang jumpun haket, daya haut naan tasurat, 'Hanye ngami mahere rote teka surga umak nakuta. ³² Yesus bulu kaeau mahere," Kapinuuni,Aku iwara ma naun, puang hi Musa sangami rote teka surga, yeru AmahKu sangami rote sa tarungtuu teka surga. ³³ Daya Rote teka Alatalla,Hanye sa naampinau tega surga sa tau ngami pamelum ma dunia yena." ³⁴ Balalu here kaeau ma Hanye, "Tuhan!, awat hanyu ngami rote yeru hapus welum kami." ³⁵ Yesus balalu kaeau ma here,"Akuna rote pamelum; hie ulun isa hawi ma Aku puang sagar kalauan lagi, nelang hie saparisaya ma Aku puang sagar malah lagi. ³⁶ Aku haut iwara ma naun nelang naun haut kadinung Aku, kode naun tatap puang parisaya ma Aku. ³⁷ Katuluh isa na ami am'mi Am'mahKu ma Aku sagar hawi ma Aku, nelang hie sa hawi ma Aku sagar aku nampik hanye. ³⁸ Daya,aku minau teka surga puang umak ngaraja kabahumenKu, kode Aku ngaraja inun sa nabahumNi isa haut nunyu Aku. ³⁹ Jari, sanabahumNi nunyu Aku yeru: ngampan alakatantuluh sa haut na ami ni ma Aku puang sagar wawai, kode sagar na enat dayaKu tawuk galis jaman. ⁴⁰ Daya kabahumen wat Alatala Am'mahKu yeru, katuluh ulun sahaut kadinung AnakNi nelang parisaya ma Hanye sagar kaiyuh pamelum kalalawah nelang Aku sagar ngenat here hang galis jaman die. ⁴¹ Daya yeru papire ulun Yahudi gagarunum neu Hanye daya Hanye kaeau. "Akuna rote sa minau teka surga." ⁴² Here kaeau, "Angsa Hanyena hi Yesus, anak Yusuf, sa ineh amahni haut taru takam? Kalaawe wangun salenga Hanye tau kaeau,'Aku na minau teka surga?" ⁴³ Yesus nuing nelang kaeau,"Ada gagarunum sasameh naun neu eauKu yeru. ⁴⁴ Puang sunah erang kaulun tau hawi ma Aku, kasawali AmahKu sa nunyu Aku nyujutni, palus Aku ngenat hanye tawuk galis jaman. ⁴⁵ haut naan nasurat hang kitab kawan nabi: Here katuluh sagar naajar daya Alatalla. Katuluh ulun sa haut karengei nelang haut paajar teka AmahKu sagar hawi ma Aku. ⁴⁶ Neu katuluh yeru puang sa naantuh suah kadinung Am'mahKu, kasawali Hanye sa hawi teka Alatalla; Hanye ai sa haut kadinung Alatalla. ⁴⁷ Aku kaeau ma naun, 'Kapinuuni, katuluh ulun sa parisaya haut naan welum sa kalalawah.' ⁴⁸ Akuna rote pamelum. ⁴⁹ Datu nini naun haut nguta panguta teka Alatalla (manna) hg wuang jumpun haket, kode here matei. ⁵⁰ Ina hanye rote sa minau teka surga, hie sa nguta rote yeru puang sagar matei. ⁵¹ Akuna rote pamelum sa haut minau teka surga. Hie sa ngutani, hanye sagar welum hampe kalalawah; nelang rote sa sagar na amiKu yeru umak pamelum dunia yena hanyeru tengaKu yena." ⁵² Kawan ulun Yahudi bahual papadaan, here kaeau,"Kala awe Ulun yena ngami tengaNi umak nakuta?" ⁵³ Balalu eau Yesus ma here,"Aku kaeau ma naun, amun naun ngaan nguta Tenga Anak nelang palus nguut iraNi, naun puang sagar kaiyuh pamelum hang wuang tenga naun. ⁵⁴ Katuluh ulun sanguta dagingKu palus nguut iraKu kaityuh pamelum sa kalalawah, nelang Aku sagar nyamelum hanye tawuk galis jaman. ⁵⁵ Daya dagingKu yena panguta sa tarung tuu, iraKu na pada uuten sa tarung tuu. ⁵⁶ Hie sanguta dagingKu nelang haut nguut iraKu hanye haut muneng hang wuang aku nelang Aku hang wuang hanye. ⁵⁷ Nyalah hi Amah sa welun haut nunyu Aku, Aku welum daya hi Amah, kalayeru pada hie sahaut nguta Aku, hanye sagar welum daya Aku. ⁵⁸ Ina rote sa haut minau teka surga, puang nyalah rote kutaen datu nini naun kode here matei,ulun sanguta rote jena sagar welum hampe kalalawah." ⁵⁹ Katuluh sa natahampe Yesus yena hang Kapernaum tawuk Hanye ngajar ulun hang Lewu sumabayang.(Sinagoge) Rama Hengau Yesus Nanan Hanye . ⁶⁰ Tawuk kawan murid andri ulun rama sa umma Yesus karengei inun sa haut natahampe dayaNi, bulu here kaeau, "Ajaran yena tuu weat, hie sa kaule narimeni?" ⁶¹ Daya Hanye karasa ulun rama baya muridNi gagarunum neo sanatahampeNi, balalu Yesus kaeau ma here, "Inun basaKu yena ngulah hanang atei naun nu? ⁶² Amun kalahie, kala awe jaka naun kadinung Anak Murunsia mulek mamai ma uneng asalNi. ⁶³ Amirue ai sa nyamelum, amun, tenga daging puang uweng gunani. Katuluh sanatahampeKu ma naun uras amirue andri pamelum. ⁶⁴ Kode naan papire teka naunna sa puang parisaya. "Daya Yesus teka mulani haut karasa hie sa puang parisaya andri hie sa sagar ngari Hanye. ⁶⁵ Yesus kaeau" Daya yeru aku kaeau ma naun, puang sunah erang kaulun sa tau naba Aku,kasawali daya ahi lelu AmahKu ma hanye." ⁶⁶ Udi yeru rama kawan ulun sa naharak Hanye bulu nanan Hanye. ⁶⁷ Daya yeru, Yesus kaeau ma kadua walas muridNi,"Inun naun pada ngunu tulak nanan Aku?" ⁶⁸ Balalu tuing Simon Petrus,"Tuhan, mahie kami sagar tulak? Ekat Hanyu sauweng kuasa ma pamelun kalalawah. ⁶⁹ Kami haut parisaya andri haut kataru Hanyu, Hanyu ai sa Barasis teka Alaltalla." ⁷⁰ Balalu tuing Yesus ma here, "Angsa Aku haut midi naun badua walas na? Kode teka naun badua walas na naan isa sateka setan." ⁷¹ Sabahum Yesus yeru hanye hi Yudas anak Simon Iskariot, daya Yesus haut karasa teka here dua walas muridNi yeru isa sa murun akal sagar ngari Yesus.