¹ Kode Yesus, tulak ma Bukit Zaitun. ² Dami subuh Hanye hawi lagi ma Lewu Tuhan,kawan ulun hawi ma Hanye. Hanye maharung palus ngajar here. ³ tawuk yeru hawi kawan ahli Taurat andri ulun Farisi ngenei erang kaulun wawei sa tajama daya idapa, bulu nunyu mindri hang penah here, ⁴ here kaeau ma Yesus, Guru, wawei yena tajama ganyah idapa. ⁵ Hukum Taurat Musa nunyu takam ngampan numuk hanye andri watu. Kala awe pendapat Nu neu masalah yena?" ⁶ Sangaja here nunti yeru sagar ningkes ma Yesus ngampan uweng dasar ngampihala Hanye. Kode Yesus ijuku nelang nulis hang tane andri kingkingNi. ⁷ daya here nunti handasak Hanye, bulu Yesus mindri nelang kaeau ma here, " Hie sa naun kaingkam puang badosa iru sa pertama numuk wawei yiri andri watu." ⁸ balalu Yesus ijuku lagi nelang ma manulis hang tane. ⁹ Dami here karengei inun eau Yesus yeru,here balalu isa kapu isa tulak nanan Yesus andri wawei yeru sa magun mimdri hang penah here huni, namulai teka isa paling matueh. ¹⁰ Yesus mindri nelang kaeau ma wawei yeru,"O..hanyu,wawei ma awe sa here huni? Puang uweng sa here nukum hanyu?" ¹¹ Balalu wawei yeru nuing, puang uweng Tuhan." Yesus kaeau, Aku pada puang sagar nukum hanyu. Tulakleh hanyu, kode teka taati hanyu ada ngulah dosa lagi." Yesus Piraai Ma Dunia ¹² Udi yeru, Yesus kaeau ma ulun rama yeru, eau Ni, "Akuna piraai ma dunia.Ulun sa um'ma aku puang sagar takia hang wuang piiyeng, kode sagar kaiyuh piraai welum." ¹³ Balalu kawan ulun Farisi kaeau ma Yesus,"Hanyu manyaksi neu diri Nu, daya yeru kesaksian Nu yiri puang tau naparisaya." ¹⁴ Yesus balalu nuing, eauni mahere,"Hiai aku manyaksi neu Aku raerai, kode kasaksianKu yeru tarung tuu, daya Aku karasa teka awe Aku hawi nelang ma awe aku mulek, kode naun puang karasa teka awe Aku hawi bulu ma awe aku mulek. ¹⁵ Naun mamutus kahalaen ulun makai sara ulun murunsia, amun Aku puang mamutus kahalaen ulun. ¹⁶ Amun aku mamutus,kaputusan Ku yeru maeh daya Aku puang raerai, daya Aku sasameh andri hi Am'mah sa nunyu Aku. ¹⁷ Malahan,hang kitab Tauratnu naan tatulis neu kesaksian rueh kaulun haut iyuh harap. ¹⁸ Aku ngawarata neu Diritenga-Ku ai baya Ammah isa ngutus ngampan ngami kesaksian manyu diriKu." ¹⁹ Balalu here itunti ma Hanye," Hang awe Am'mah Nu?" Tuing Yesus, "Naun puang kataru Aku atanapi Am'mah Ku, naun sagar kataru hie Am'mahku." Papaneran yena natahampe Yesus riet uneng nyimuh duit tawuk Hanye ngajar hang Lewu Alatalla, kode puang ulun sata'u nyam'ma Hanye daya katikani huan hampe. Papaneran Yesus neu Am'mah Ni. ²¹ Yesus balalu kaeau ma here lagi, "Aku sagar nanan naun malahan naun ngantara Aku, kode naun sagar natei hang wuang dosa naun. Ma awe patulakan Ku naun puang sagar kahaba." ²² Udi hiye kawan ulun Yahudi kaeau, "Inunkah hanye kai mitu daya hanye haut kaeau,"Ma awe aku sagar tulak naun puang sagar kahaba Aku lagi'?" ²³ Balalu,Yesus kaeau ma here, "Naun asalni teka imme, kode Aku asalni teka amau. Naun asalni teka dunia yena, kode Aku puang teka dunia yena. ²⁴ Daya yeru, Aku kaeau ma naun neu pampatei naun hang wuang dosa naun daya naun puang parisaya ma Aku, naun sagar matei hang wuang dosa-dosa naun." ²⁵ Balalu here nunti ma Hanye,"Hie sa Hanyu na?" Balalu tuing Yesus ma here, "Aku haut teka yari iwara ma naun. ²⁶ Tu'u hene sa ngunu nawara Ku manaun neu isa maeh atawa isa murun, kode Hanye sa ngutus Aku tu'u maeh nelang inun sa rengeiKu teka Hanye, yeru sa natahampeKu ma dunia." ²⁷ Here puang kataru inun sa napaner Yesus yeru neu Ammah. ²⁸ Tagal yeru, Yesus kaeau, "Tawuk naun haut nawat Anak Murunsia, tawuk yeru jua naun bulu karasa Aku yeru Hanye, nelang inu pun isa nagawiKu ru teka tenga Ku raerai, aratini inun sa natahampeKu ma naun hanye yeru sa haut na ajar Ammah ma Aku. ²⁹ Nelang Hanye sa ngutus/nunyu Aku naan ibaya andri Aku, Hanye puang nanan Aku raerai daya Aku saratang ngaraja isa nakatuju dayaNi," ³⁰ Tawuk Yesus nampe katuluh yeru, rama ulun sa parisaya ma hanye. Kawan anak Abraham andri kawan anak Iblis ³¹ Udi yeru,Yesus kaeau makawan ulun Yahudi saparisaya ma Hanye, "Amun naun magun hang wuang patitah-Ku, naun tarung tuu uma Aku. ³² nelang naun sagar karasa neu isa maeh yeru, daya kawan isa maeh yeru sagar nyanepah naun." ³³ Balalu tuing here, "Kami keturunan Abraham puang suah jari walah ulun. Jari wuah inun Hanyu kaeau,'Naun sagar nasanepah"' ³⁴ Tuing Yesus ma here, "Kapinuuni Aku kaeau ma naun, hie-hie ulun isa ngulah kahalaen hanyeru walah dosa. ³⁵ Erang kaulun walah puang tau muneng hang kalawarga yeru hampe kalalawahni, kode erang kaulun anak pasti sagar muneng kalalawahni. ³⁶ Jari amun Anak nyanepah naun, naun tu'u-tu'u nasanepah. ³⁷ Aku karasa naun ri turunan teka hi Abraham, kode bahum naun kai munu Aku daya inun sa naajar-Ku puang masuk ma wuang atei akal naun. ³⁸ Aku iwara manaun neu inun-inun sa haut dinung-Ku andri Amah-Ku, kaliru pada naun ngaraja inun-inun sa haut nawara Amah naun." ³⁹ Here balalu nuing nelang kaeau ma Hanye, "Abrahan yeru ammah kami."Tuing Yesus,"Amun naun tuuni turunan Abraham, naun pada ngalut inun sa haut nakaraja daya Abrahan. ⁴⁰ Kode? naun malah ngantara sara ngunu munu Aku, ulun sa iwara manaun neu gawian isa maeh, sarengei-Ku teka Alatalla. Hi Abraham puang ngaraja gawian yeru. ⁴¹ Jari, naun ekat ngaraja inun sa nakaraja daya amah naun ai." Here kaeau ma Hanye, "Kami puang nakayaan teka idapa. Kami uweng isa Amah hanyeru Alatalla." ⁴² Yesus kaeau ma here,"Amun Alatalla yeru Ammah naun, naun pasti malelu Aku daya Aku hawi teka Alatalla. Nelang Aku hawi puang daya kabahumen-Ku, malan Hanye sa nunyu Aku. ⁴³ Wuah inun naun puang maharati neu sa natahampe-Ku? Iru daya naun puang nyandrengei inun lengan parentah-Ku. ⁴⁴ Pihawiaan naun teka ammah naun, alayeru setan nelang naun hamen ngaraja kabahumen ammah naun. Hanye ru tukang wunu ulun, teka asalni nelang hanye puang itegei hang wuang pikaeh daya ateini dasar puang maeh.Amun hanye maner tiba ipusu yiru memang haut pidasarani daya hanye ulun samapusu daya amah ni raja mapusu. ⁴⁵ Kode, daya aku iwara neu isa maeh ma naun, naun puang parisaya ma- Aku. ⁴⁶ Hie kapuisa naun sa tau nutui neu Aku badosa? Amun Aku iawara neu pikaeh, wuah inun naun puang harap ma-Aku? ⁴⁷ Hie isa hawi teka Alatala, hanye tu'u-tu'u nyandrengei lengan Alatalla; yirulah sababni naun puang hakun nyandrengei daya naun puang hawi teka Alatalla." Yesus Nanuhui neu Tenga-Ni andri hi Abraham ⁴⁸ Kawan ulun Yahudi nyawab Yesus nelang kaeau ma Hanye,"Angsa tuuni amun kami ngantuh Hanyu ulun Samaria, nelang Hanyuna ganyah nauneng daya ruh alamurun?" ⁴⁹ Yesus balalu nuing, "Aku puang nauneng daya ruh alamurun kala eau naun, Aku mahurumat Amah-Ku, kude naun puang mahurumat Aku. ⁵⁰ Kude, Aku puang ngantara tawat hurumat ma tenga-Ku raerai; ekat Isa sangantara nelang mamutus. ⁵¹ Andri kapinuuni, Aku kaeau ma hanyu, tatiap ulun nanrukui parentah-Ku hanye puang sagar kadinung pampatei." ⁵² Kawan ulun Yahudi yeru kaeau ma Yesus,"Taati kami haut karasa Hanyu na ganyah nauneng daya roh alamurun! Hi Abraham andri kawan nabi sika haut matei. Kude, Hanyu kaeau "Kawan ulun isa nanrukui lengan-Ku (firman), hanye puang sagar kainam neu pampatei yeru.' ⁵³ Inun sa Hanyu diwi tamam teka hi Abraham, ammah kami, sa haut matei? Kawan nabi pada haut matei; andri hie Hanyu nyansameh tenga-Nu ri?" ⁵⁴ Balalu tuing Yesus, "Amun Aku nawat tenga-Ku raerai, katamaman-Ku yeru puang uweng aratini; Daya Ammah-Ku sa nawat Aku, neu Hanye naun kaeau, 'Hanye ru Alatalla kami.'" ⁵⁵ Kude naun puang kataru Hanye, amun Aku kataru tu'u andri Hanye; amun Aku kaeau Aku puang kataru andri Hanye, Aku sagar jari ulun mapusu sameh nyalah naun, kude aku kataru Hanye nelang Aku ngaraja kawan paren-tah-Ni. ⁵⁶ Amah naun hi Abraham arai tatu'u daya hanye sagar kadinung andrau-Ku. Hanye haut kadinung nelang arai mihewu." ⁵⁷ Kawan ulun Yahudi yeru kaeau,"Umur-Nu huan hampe 50 taun, kode hanyu haut kadinung hi Abraham?" ⁵⁸ Eau Yesus ningkan here,"Andri tarung tu'u Aku kaeau ma naun. kapihuaan hi Abraham uweng, Aku haut naan," ⁵⁹ Daya yeru, here ngalap watu pakai numuk Hanye, kude Yesus sadina palus nanan Bait Alatalla.