¹ Naan erang kaulun Parisi ngarani Nekodemus. Hanye erang kaulun tatuha bangsa Yahudi. ² Tawuk kamalem hanye hawi naba Yesus nelang kaeau,"Rabi, kami haut karasa Hanyu na Guru isa hawi teka Alatalla, daya puang uweng erang kaulun sa tau ngulah tan'na ajaib sa haut naulah daya Nu, kasawali Hanye nasindrah daya Alatalla." ³ Tuing Yesus ma hanye, "Satarung tuu aku iwara ma hanyu, amun erang kaulun puang mulek nakayaan, hanye puang sagar kadinung Kerajaan Alatalla." ⁴ Nikodemus balalu nunti,"Kala awe ulun haut matueh lenga mulek nakayaan lagi? Kaiyuhlah hanye masuk kamulek ma wuang wuntung inehni bulu mulek nakayaan?" ⁵ Tuing Yesus ma hanye,"Kapinuuni Aku kaeau ma hanyu, amun erang kaulun puang nakayaan teka ranu andri Roh, hanye puang tau masuk mawuang Kerajaan Alatalla. ⁶ Inun isa nakayaan teka daging irulah daging, amun nakayaan teka Roh irulah Roh. ⁷ Ada ngawauh daya Aku kaeau ma hanyu, " Hanyu harus mulek nakayaan lagi. ⁸ Riwut samiding ma awe bahumni hanyu tau karengei lengani, kode hanyu puang karasa teka awe asalni nelang maawe patula kani. Kaliru pada kawan ulun isa nakayaan teka Roh." ⁹ Hi Nekodemus nunti," Kalaawe ala katuluh yeru tau jari?" ¹⁰ Balalu tuing Yesus,"Angsa hanyu guru ulun Israel,kode hanyu puang kataru ala katuluh yeri? ¹¹ Sababujurni Aku iwara ma hanyu, sanapaner kami neu pangarasaen kami nelang ngami kasaksian neu sa haut dinung kami,kode naun puang narime kasaksian kami yiru. ¹² Amun Aku iwara ma hanyu neu wangun dunia hanyu puang harap, klaawe die amun aku iwara ma hanyu neu wangun Surga? ¹³ Puang sunah erang kaulun sa suah mamai ma Surga, ekat Hanye ai sa haut minau teka Surga hanyeru Anak Murunsia. ¹⁴ Sameh nyalah hi Musa sa ngampamai anipe teka tambaga hang wuang jumpun, kalahie pada erang kaulun Anak Murunsia sa haut na ampamau, ¹⁵ ngampan katuluh ulun sa parisaya ma Hanye naami pamelum sa kalalawah. ¹⁶ Daya Alatalla tuu pamalelu ma dunia yina, Hanye haut ngami AnakNi isa tungkan ngampan katuluh murunsia isa parisaya ma Hanye puang binasa, kode kaiyuh pamelum isa kalalawah. ¹⁷ Daya Alatalla haut nunyu AnakNi ma wuang dunia yena puang umak nukum dunia, kode ngampan nyalamat dunia itetei AnakNi. ¹⁸ Ulun sa parisaya ma Hanye puang sagar na hukum, kode ma ulun isa puang parisaya haut lawu ma wuang hukuman, daya hanye puang parisaya ma Anak Tungkan Alatalla. ¹⁹ Iti hukuman yeru: Piraai haut hawi ma wuang dunia yena, koge murunsia katuju midi piiyeng teka Piraai daya here katuju ngulah gawi sa puang maeh. ²⁰ Daya katuluh ulun sa ngulah gawi puang maeh puang katuju Piraai nelang puang hakun hawi ma Piraai yeru nampan kawan ulah gawi sa murun puang usah na kunu lagi. ²¹ Basing kawan ulun sa maeh ulah gawini, hanye hawi ma Piraai ngampan katuluh pigawian isa maeh na gawini hang wuang Alatalla." Kesaksian Yohanes neu Yesus ²² Udi yeru, Yesus andrikawan murid Ni tulak ma tane Yudea, Hang yaru Hanye andri here nangalis andrau nelang mambaptis. ²³ Hi Yohanes mambaptis pada hang Ainon riet Salim daya hang yaru hene ranu. Rama ulun hawi balalu na baptis. ²⁴ Tawuk yeru hi Yohanes huan natamasuk ma penjara. ²⁵ Tawuk yeru timul masaalah papire murid Yohanes baya erang kaulun Yahudi neu ibarasis. ²⁶ Here bulu naba hi Yohanes palus nunti,"Guru! Ulun sa baya hanyu hang subarang Yordan, neu Hanye sa haut wara nu ma kami, suba hanyu ninung, rama ulun hawi ma Hanye, ballalu Hanye mambaptis katuluh here." ²⁷ Balalu tuing Yohanes," Murunsia puang tau narime inun-inun, kasawali ala yeru naami ma hanye teka Surga. ²⁸ Hanyu tau pada ngami kasaksian neu aku suah kaeau,"Aku na lain Mesias yeru,kode aku nahuyu(nautus) nahuluan Hanye." ²⁹ Ulun sa kaampun pangantin wawei hanyeru pangan tin upu: kode kawan hengauni samindri nelang nyandrengei andri arai atei karengei lengan upu bakal pangan tin yeru. Jari kaa raienku yina haut natampenu. ³⁰ Hanye batamah hante kode aku samagin rumis." ³¹ Hanye sa hawi teka amau jari isa paling amau, kode sa hawi teka amau tane ekat tau maner kawan sa hang amau tane ai.Hanye sa hawi teka Surga Hanye jari paling amau teka katantuluhni. ³² Hanye iwara neu inun sa haut dinungNi andri sa haut rengeiNi, kode kawan ulun puang narime inunsa nawaraNi. ³³ Ma kawan ulun isa narime kasaksiaNi andri kapinuu atei balalu ngaku Alatalla yeru tuuni naan nelang bakawasa. ³⁴ Daya ulun sa nautus Alatalla sagar nahampe eau Alatalla, daya Allatalla ngami Roh ma hanye isa puang uweng watasni. ³⁵ Ammah ngalelu Anak nelang haut manyarah katu luh yeru ma tanganNi. ³⁶ Ulun isa parisaya ma Anak yeru kaiyuh pamelum sa kalalawah, kode ulun isa puang makai eau Anak yeru puang sagar kadinung pamelum kalalawah, malah panyagit teka Alatala muneng baya hanye.