¹ Ma andrau katelu, hang Kana, Galilea naan ulun pesta paadu, tawuk yeru ineh Yesus naan hang yaru pada. ² Yesus andri kawan muridni naundang pada ma pesta yeru. ³ kabalujuran tawuk yeru ranu Anggur galis, balalu ineh Yesus kaeau ma Hanye, " Here kagalisan ranu Anggur." ⁴ Balalu tuing Yesus, " Inun sa hubungan ni andri Aku? WayahKu huan hampe." ⁵ Kode ineh Yesus kaeau ma kawan panynyanga, " Inun sa naantuh Ni manaun gawileh." ⁶ Hang yaru naan enem kawua Tajau teka watu, sa lanani napakai daya ulun Yahudi hang acara ibarasis. Tiap tajau yeru kaiyuh naisi rueh hampe telu belek ranu. ⁷ Yesus kaeau ma kawan panyanyanga,"Isileh katuluh tajau yiri andri ranu." Bulu here ngisi kawan tajau andri ranu hampe penu. ⁸ Udi yeru, Yesus kaeau ma here,"Taati sabuknu hinabutit jurung ma pengulu pesta." Balalu here ngenei palus ngami ma pangulu pesta yeru. ⁹ Tawuk pangulu pesta yeru ngikam ranu sa haut nasanyari Anggur yiru, nelang hanye huaaan karasa teka awe asal Anggur yeru ( mun kawan panyanyanga haut karasa), dami kaikam nanam Anggur yeru bulu pengulu pesta nerau pangantin upu. ¹⁰ Nelang kaeau ma hanye,"Katuluh ulun nyurungan ranu Anggur sa maeh badahulu, dami ulum haut peda ariai sa nyurungan isa kurang maeh. Kode hanyuna naan nyimuh Anggur sa maeh hampe taati." ¹¹ Yesus mantaran ciri sa palanungkai neu keajaiban andri kamuleaenNi hang tumpuk Kana, Galilea, daya yeru balalu kawan muridni parisaya ma Hanye. ¹² Udi yeru , Yesus tulak ma Kapernaum baya inehNi, kawan pulaksanai Ni, baya kawan muridNi pada. Balalu here muneng hang yaru papire andrau lawahni.Yesus hang Bait Allatalla ¹³ Hari Raya Paskah ulun Yahudi haut riet balalu Yesus palus mamai ma Yerusalem. ¹⁴ Hang Bait Alatalla yeru Hanye kadinung rama ulun miari'an Sapi, Babiri, Wurung Dara andri ulun tukang hurup duit maharung hang yaru. ¹⁵ Yesus ngulah paweweh teka tadi bulu nyikei kawan ulun miari'an yeru teka Bait Alatalla palus napas kawan Sapi, Babiri andri, nelang maleng kawan meja uneng bahurup duit, palus namur kawan duit logam teka amau meja here. ¹⁶ Yesus pada kaeau makawan pangari Wurung Dara," Ayu Insing maluar katuluh yiri teka yena! Ada naun ngulah Lewu Am'mah Ku uneng badagang." Kawan murid Yesus balalu kaitung naan tatulis: " Sinta ma lewu Nu, nyanrankit Aku." ( Mazmur.69: 10). Udi yeru balalu tuing kawan ulun Yehudi nelang kaeau ma Hanye, " Suba tantarang ma kami inun siri kaajaibanNu luwan Hanyu heei ngulah katuluh gawi yena ? " ¹⁹ Balalu tuing Yesus, "Sanrakai Lewu Tuhan yena, Aku sagar namuan ni lagi hang wuang telu andrau." ²⁰ Tuing here pada, " 46 taun lawahni kami ngapinri Bait Alatalla yena, kode Hanyu tau hang wuang telu andrau ai? ²¹ Padahal sa nabahum Yesus Lewu Tuhan hanyeru watang tenga Ni jua. ²² Daya yeru, tawuk Yesus welum teka pampateiNi, kawan muridNi bulu kaitung paner yena, balalu here parisaya ma Surat Brasis andri papaneran Yesus ma here. ²³ Tawuk Yesus hang Yerusalem salawah Perayaan Paskah,daya ulun rama kadinung kawan tana ajaib sa natantarang Ni bulu rama ulun parisaya. ²⁴ Kode Yesus puang ngampi harap diri Ni ma here daya Hanye kataru katuluh ulun. ²⁵ nelang Hanye puang ma mamarlu hie-hie umak ngami kesaksian neo murunsia daya Hanye karasa inun sa naan hang wuang atei murunsia.