¹ Teka mulani hanye yiru Firman, Firman yiru ibaya andri Alatalla, Firman yiru hanyene Alatalla. ² Teka mulani Hanye haut jari isa andri Alatalla. ³ Katuluh yiru haut nasanyari mitah Hanye. Daya amun puang Hanye nyanyari-Ni, katuluh sa haut naan hang dunia yina puang sagar uweng. ⁴ Hang Firman yeru putut pamelum, pamelum yeru ngami piraai ma murunsia. ⁵ Piraai yeru haut nyaha-ya hang wuang piiyeng ne-lang piiyeng yeru puang kaiyuh nampare-Ni. ⁶ Tawuk yiru hawi erang kaulun sa naparentah daya Alatalla ngaran hi Yohanes. ⁷ Hanye hawi lepuh iwara neu Pira'ai yiru ngampan itah kasaksian-ni katuluh ulun jari parisaya. ⁸ Kode hanye puang sa Pira'ai yiru, hanye ekat lepuh nampe kasaksian neu Pira'ai yiru. ⁹ Piraai satarung tu'u, sa- haut nyanraai katuluh ulun, sagar hawi ma dunia. ¹⁰ Pira'ai yiru haut naan hang wuang dunia, dunia yina haut nasanyari-NI, ko-de dunia puang kataru ma hanye. ¹¹ Hanye ngapung ulun wat-NI, kode ulun wat-NI yiru puang hakun nari-me Hanye. ¹² Kude, basing here sa narime Hanye nelang pari-saya ma ngaran-NI naami-NI kuasa ngampan jari ka- wan anak Alatalla. ¹³ Here nasanyari andri kabahumen Alatalla puang nakayaen teka ira atawa kabahumen upu andri wawei. ¹⁴ Firman yiru haut jari murunsia muneng hang penah-penah takam. Ta-kam haut kadinung piha-hante-Ni, hanye yiru piha-nte Anak Tungkan Alatalla Ammah takam andri penu ahi lelo-Ni. ¹⁵ Hi Yohanes hawi jari saksi neo Hanye nelang nantiak,"Ina Hanye ulu-Ni sa naeauku tawuk hie," Hanye na bakal hawi udi aku, kode Hanye nahuluaan aku daya Hanye haut naan kapihuan aku." ¹⁶ Daya kapenuen-Ni takam katuluh narime ahilelu teka Hanye. ¹⁷ Daya hukum Taurat haut natahampe ma takam mitah hi Musa; kode ahilelu andri pikaeh hawi mitah Yesus Kristus. ¹⁸ Puang sunah erang kaulun murunsia suah kadinung Alatalla, kude ekat Anak Tungkan Alatalla sanaan hang tapeaen Ammah-NI, satau nantarangNi. Kasaksian wat Yohanes Pangapandrus ¹⁹ Kasaksia Yohanes tawuk kawan ulun Yahudi nunyu kawan imam andri ulun Lewi teka Yerusalem lepuh nunti ma hi Yohanes, " Hie sa hanyuna?" ²⁰ Hi Yohanes ngaku anri kapinu'u ateini, hanye bulu kaeau,"Akuna lain Kristus." ²¹ Balalu here nunti ma hanye lagi,"Amun kalahie, hieneh hanyuna? Inunsa hanju hi Elia? Hanye nuing kamulek,"Aku lain hi Elia." "Inunsa hanyu nabi yiru?" Tuing-ni kamulek," Lain," ²² Udi yeru, here kaeau ma hi Yohanes,"Hie sabujurni hanyuna,daya umak laporan kami ma here sa marentah kami manalu hayuna ngampan naan kapastian neu hanyuna." ²³ Balalu hi Yohanes nuing andri waraan Nabi Yesaya," Akuna erang kaulun sa haut nantiak hang penah jumpun haket nelang kaeau: Samitu lalan ma Tuhan!" ( Yesaya 40:3 ). ²⁴ Kawan ulun Yahudi sa nahuyu naba hi Yohanes hanyeru kawan ulun Farisi. ²⁵ balalu here kaeyau ma hi Yohanes,"Mun hanyu lain Mesias, lain hi Elia, nelang lain pada Nabi yeru, wah inun hanyu he'ei nga-pandrus Hanye?" ²⁶ Balalu tuing Yohanes ma here,"Aku membaptis anri ranu, kode naan teka penah naun naan minri Erangkaulun sa puang naun kataru. ²⁷ Hanyeru sa sagar hawi udi akuna. Paribasani nguka tadi taru- mpahNi, aku puang patut. ²⁸ Unengan Yohanes mambaptis yiru hang Beta- nia, hang sabarang hungei Yordan. Anak Babiri Alatalla ²⁹ Makauni andrau hi Yohanes kadinung Yesus ngapung hanye, balalu hi Yohanes kaeau,"Dinung naun, iru Anak Babiri Alatalla sa mui dosa dunia! ³⁰ Aku hie suah kaeau, "Udi aku sagar hawi Erang kaulun Hanye yiri uluni sa hante kuasani teka aku, daya kapihuaan aku Hanye haut naan." ³¹ Hiye, aku puang kataru Hanye, kode ngampan Hanye natanta- rang ma kawan ulun Israel, daya yiru aku hawi ngam-pandrus hanye anri ranu." ³² Balalu hi Yohanes manarang nelang kaeau,"Aku haut kadinung Roh minau teka langit nyalah wurung Dara balalu tudi palus muneng baya Hanye. ³³ Aku puang kataru Hanye, kode Hanye nunyu aku umak mambaptis anri ranu nelang pada kaeau ma aku, mun hanyu kadinung Roh minau balu muneng , Hanye yeru sa sagar mambaptis anri Roh Kudus. ³⁴ Balalu eau Yohanes aku haut kadinung nelang karasa palus basaksi, Hanye yena Anak Alatalla." ³⁵ Makayauni anrau hi Yohanes minri lagi baya karurueh muridni, ³⁶ Dami hanye kadinung Yesus ganyah takia,balalu hi Yohanes kaeau,"Dinung aru Anak Babiri Alatalla! ³⁷ Dami kararueh murid Yahanes karengei eauni balalu here uma naharak Yesus. ³⁸ tawuk Yesus ikulik mawading bulu kadinung here naharak Hanye, balalu Hanye kaeau ma here,"Inun sa naantara naun?"Here balalu nuing,"Rabi (artinya Guru ) hang awe hanyu muneng?" ³⁹ Hanye kaeau ma here,"Ayu nelang naun sagar kadinungni."Balalu here hampe nelang kadinung unengNI, bulu here pada umma muneng baya Hanye daya andrau nelang haut kakira jam kasapuluh. ⁴⁰ Teka karueh murid Yohanes sa uma Yesus isa ngarani hi Andreas, pulaksanai wat Simon Petrus. ⁴¹ Kapihuaani hi Andreas haut naba hi Simon pulaksanaini, palus iwara, "Kami haut panalu Mesias ( Kristus )," ⁴² Udi yeru hi Andreas nginsing hi Simon naba Yesus. Yesus maneneng hi Simonpalus kaeau,"Hanyu hi Simon, anak Yohanes. Hanyu sagar naherau hi Kefas ( artini 'Petrus' atawa 'Watu' )." ⁴³ Dami hampe kaayat uni bahum Yesus kai tulak ma Galilea, Hanye panalu anri hi Filipus nelang kaeau, "Ayu umma Aku!" ⁴⁴ Hi Filipus yena ulun teka Betsaida, tumpuk uneng wat Andeas anri hi Petrus. ⁴⁵ Tawuk yeru pada hi Filipus panalu anri hi Natanael nelang iwara ma hanye, "Kami haut panalu anri Hanye sa haut natulis daya Musa hang wuang Hukum Taurat anri kawan nabi, hanyeru Yesus teka Nazaret, anak Yusuf. ⁴⁶ Balalu hi Natanael kaeau ma hi Filipus eauni, "Taulah sa maeh yeru hawi teka Nazaret?" Balalu pada hi Filipus kaeau ma hanye, "Amun hanyu ngaan harap kia dinung ma yaru. ⁴⁷ Dami Yesus kadinung hi Natanael, balalu Hanye bapaner neo wangun wat Natanael, "Dinung naun iru erang kaulun Israel sawitu bujur hang wuang ateini!" ⁴⁸ Hi Natanael nunti ma hi Yesus, "Kalaawe hanyu tau karasa neo aku ?" Balalu tuing Yesus, "Kapihuan hi Filipus nerau hanyu, Aku haut kadinung hayu tawuk basalinung hang umung kakau Ara." ⁴⁹ Balalu tuing Natanael, "Rabi,(Guru) HanyuNa Anak Alatalla. HanyuNa pada Raja ulun Israel." ⁵⁰ Tuing Yesus palus kaeau ma hanye, "Daya Aku kaeau ma hanyu,'Aku kading hanyu hang kapit kakau Ara', balalu hanyu parisaya? Hanyu die sagar kadinung katantuluh isa labih hanteteka yana!" ⁵¹ Balalu Nanye nampalus panerNi, "Sakapinuuni, Aku kaeau ma hanyu, hanyu bakal kadinung langit tauka nelang kawan Malaekat-malaekat Alatalla minau mamai nyanyanga (nyurungan) Anak Murunsia."