V1 Likan, Hang janji sa uhang jua baisi neo aturan sumbayang pada unengan barasis sa naan hang dunia. V2 Daya yeru kalayiti, Lewu Allatala haut nasiap : hang tuhi luar,sa unengni naan lampu, meja, pada roti panguta, naantuh Unengan Barasis. V3 Hang wading elet karueh irulah tuhi Lewu sa na antuh Kamar Pangabarasis, V4 hang unengan yeru tasadia Meja padupaan sa naulah teka amas pada Pati Janji, sa katuluh higani nalapis amas. Hang wuang Pati yeru, naan erang kawula kusi amas sa baisi manna, tungkeh Harun sa suah, ngalungkung, pibaya rueh kabintab watu janji. V5 Hang ambauni, naan rueh kerub kahormatan sa ngawalewe Tutup Perdamaian, kode itati yiti puangleh wayah sa susuk um,ak napaner sa labis lilimunir. V6 Udi katantuluh yeru na siap kalaawe wangun nampan, kawan imam masuk ma tuhi muka kaisa yeru sasara kakete, um,ak ngaraja palayanan sumbayang ma Allatala. Kode daya yeru, ekat imam hante ai sa tau nakalewa masuk ma unengan tuhi piwuang ka rueh teka Lewu yeru, iru gin ekat erang taun hindra, pada ngenei ira um,ak na sarah ma Allatala gana tenga ni raerai pada gana dosa-dosa murunsia sa nakaraja puang bawilah. V8 Roh Barasis haut nantarang ma takam bahawa lalan nuju Ruang Pangabarasis huan tauka salawah Ruang Barasis masih naan, V9 Hal yeru himat naumpama neo jaman itati. Kalayeru pada kawan pangamian pada eha parapah-parapah sa na ami puang kaiyuh ngabarasis atei kawan ulun sa sumbayang, VSabab, ekat sa uweng sangkutpautni anri kutaen, u'uten, pada adat piwuian um,ak tenga amirue sa naatur hampe wayahni ngulah sa wau. SUMBAYANG HANG WUANG JANJI SA WAU ¹¹ Balalu, Tawuk Allatala hawi kala Imam Hante hang ambau hal-hal sa maeh sa sagar hawi nahadap,Hanye masuk mitah nengan arasis, sa labis hante pada labis paruna; sa naulah puang teka tangan murunsia pada puang naulah samasam tepean. V12 Hanye masuk ma Unengan Pangabrasis hindra ai um,ak kalalawahni, puang anri ngebei ira kaming upu pada ira anak sapi, kode anri ngenei ira-Ni raerai hampe kaiyuh panewuhan sa palus mamalus.. V13 Sabab, amun tampihikan ira kaming upu pada sapi upu, pada jua walenun anak sapi wawei, ma ulun sa bere murun kaiyuh ngabarasis tenga daging here, V14 Labis-likan lagi ira Allatala, hanyeyeru Hanye sa mitah Roh sa kalalawah parapah tenga-Ni kala parapah sa puang darai ma Allatala um,ak ngabarasis atei akalnu teka ulahan sa puang bariran nampan hanyu kaiyuh manyanyanga Allatala isa welum. V15 Um,ak alasan inaleh Allatala jari ngalahelang teka janji sa wau nampan here sa haut naherau Allatala tau narime waris kalalawah sa haut na janji-Ni; sabab erang isa pampatei haut tapitah um,ak newuh here teka kahalaen-kahalaen sa nakaraja here hang imbe janji sa palanungkai. V16 Amun naan sarat Wasiat, balalu harus naan kapatean teka ulun sa ngulahni. V17 Sabab, surat wasiat ekat bariran amun ulun sa ngulahni haut matei; surat yeru puang kaampun kuasa salawah ulun sa ngulahni masih welum. V18 Irulah sababni, wah inun janji palanungkai jua puang bariran mun puang palaku ira. V19 Sabab, udi Musa iwara matiap parentah hang wuang Hukum Taurat ma ulun Israel, hanye ngalap ira anak sapi pada kaming balalu na sampurni anri ranu. Pada, makai kain wol mariang baya erang kawatang hisop, hanye nampihikni ma Kitab Taurat pada ma kutuluh ulun. V20 Nelang kaeau, " Inalah ira teka janji sa haut Allatala janji sa haut Allatala parentah um,ak naalut naun. V21 Anri sara sa sameh, Musa pada nampihik Lewu Barasis pada katuluh kalangkapen pama sa napakai hang wuang sumbayang anri ira. V22 Itetei Hukum Taurat, bilang kawan katantuluh yeru harus nabrasis anri ira, amun puang daya naan panundrakan ira, puang sagar naan pangampunan. ALLATALA YERU PARAPAH NGUMPE DOSA V23 Maka daya yeru, katantuluh bamasam jari siri gamala hal-hal surgawi tuu patut nabrasis anri hal yena, kode katantuluh bamasam hang wuang surga nabrasis anri parapah sa labis maeh. V24 Sabab, Allatala puang masuk ma wuang Kamar Pangabrasis sa na ulah daya tangan murunsia, daya hanyeru alutan teka sa sabujurni, kode Hanye masuk ma surga itu raerai balalu itati haut naan hadapan Allatala nintu takam. V25 Allatala pada puang manyamah tenga-Ni kete-kete, nyalah imam hante sa harus masuk ma Ruang Pangabrasis teka taun ma taun anri ngenei ira sa puang ira-Ni raerai. V26 Amun kalayeru, Allatala hamen nakahanangen nakakune teka pamula dunia nasipta. Kode daya yeru, Allatala ekat iwara tenga-Ni hindra ai um,ak kalalawahni hang jaman pangalisan yena kala ngabarasis dosa, anri sara nyarah amirue tenga-Ni raerai. V27 Nyalah murunsia, haut natukas um,ak matei ekat hidra ai balalu udi yeru nadap naadili, V28 Kalahie pada Allatala; Hanye na sam,bah ekat hindra ai pada um,ak nangngung dosa ulun rama, pada sagar hawi ma hanrueh kalini, puang um,ak nangngung dosa, malengkan uma,ak ngenei kasalamaten ma ulun-ulun sa haut ngandrei Hanye.