V1 Daya Hukum Taurat ngami pantaruen gamaran neu hal-hal sa maeh sa sagar nahadap pada gamaran sa bujur teka hal-hal yeru, balalu anri parapah-parapah sa sameh, na sarah here palus mamalus hang tiap erang taun, hukum yeru puang sagar kaiyuh paruna ma here sa nyanriet hawi. V2 Likan walehni, puang kah pangamian parapah saharusni haut nakaraja daya hindra nabrasis, ulun-ulun sa sumbayang iru puang lagi kaingkam naan kasadaran neo dosa? V3 Kode daya yeru, hang wuangn pangamian parapah yeru, here justru na ampiitung neo dosa-dosa teka taun ma erang taun. V4 Sabab, ira sapi upu pada ira kaming upu puang mungkin tau ngabarasis dosa. V5 Daya kalayeru, tawuk Allatala hawi ma wuang dunia, Hanye kaeau, " Parapah pada panyarahan puang nakasin-Nu, Kode erang kaulun tenga haut nasiap-Nu um,ak Aku; V6 Hanyu puang katuju neo parapah natutung nelang parapah ngabarasis dosa. V7 alalu Aku kaeau, 'Iti Aku ; Naan natulis neo Aku hang wuang lepetan kitab, Aku hawi lepuh nampalus kabahumen-Nu, O ya Allatala. '"Mazmur 40;7-9 ` V8 Mulani Allatala haut kaeau,'"Parapah nelang panyarahan, baya parapah natutung pada parapan ngabarasis dosa puang nakasindi-Nu, pada puang katuju ma-Hanyu," (sa panyarahan sesuai anri Hukum Taurat) V9 Hanye palus nam,ah,"Iti Aku. Aku hawi palus namppalus kabahumen-Nu" Jari, Allatala haut muhut isa pamulaan palus makai parapah sa karueh. V10 Daya kabahumen-Ni takam haut nabrasis mitah panyarahan tenga Yesus Kristus, hindra palus makalalawahni. V11 Tiap imam nampalus manyanyanga hapus andrau nelang kakete palus nyarah parapah sa sameh, sa puabg suah kaiyuh nyampawai dosa; V12 Kode Allatala, udi nyarah parapah daya dosa, hindra ai palus ma kalalawahni, Hanye maharung hang tuhi kawan Allatala. V13 Balalu ngandrei wayah kawan musuh-musuh-Ni jari pararahan pee-Ni. V14 Anri isa parapah, Allatala ngami paruna here sa haut nabrasis-Ni palus makalalawahni. V15 Roh Brasis jari saksi um,ak takam neo hal yena sabab haut nakaeau, V16"Ina janji sa sagar nasanyari-Ku udi jaman yeru, eau Allatala: 'Aku sagar ngelah hukum-hukum-Ku hang wuang atei here, pada Aku sagar nulis hang wuang pikiran here. "'Yeremia 31:33 V17 Udihie Hanye nampalus, "'Aku sagar puang ngitung dosa-dosa here pada puang sagar lagi ngitung dosa kahalaen here."Yeremia 31:34 V18 Itati, tawuk pangampunan um,ak ma katuluhni iru haut tasadia,balalu puang napakai lagi parapah um,ak newuh dosa. NYANRIETLAH MA ALLATALA V19 Sabab yeru, kawan pulaksanaiku, daya itati takam uweng katauen kakape'en um,ak masuk hang wuang Ruang Panga Brasis daya panewuhan ira Allatala, V20 Anri lalan sa wau nelang welum, sa haut nauka daya Allatala um,ak takam mitah elet, hanye yeru tenga-Ni, V21 pada daya takam haut kaampun erang kaulun Imam Hante sa jari hengau welum hang lewu Allatala, V22Maka ayuleh takam nyanri'et ma Allatala anri atei sa mawitu bujur nelang tu'u harapan sa penu, anri atei takam sa haut nabrasis teka kaingkam neo kahalaen, pada tenga sa haut natuhun anri ranu barasis. V 23 VWare takam itegei uet hang ngaku pangharapen takam daya Allatala sa anri janyi hanyene sinta, V24 Ware takam ngantilau sara um,ak tau kaiyuh ngatawani hang wuang ipasinta nelang ngaraja ulah gawi sa maeh, V25 Pada adaleh nyanawit tenga teka bakumpul sambayang takam bagabung, nyalah sa kala lana biar ekat papire kaulun. Kode daya yeru, ware takam tau ipakansing, labis himat daya hanyu kataru bahawa Andrau Tuhan haut magin rtiet. ADA NAWAN ALLATALA V26 Sabab, Amun anri sangaja takam tatap ngulah dosa kapihuan kaiyuh habar neo sa bujur, daya yeru puang naan lagi parapah um,ak nyamawai muhut dosa-dosa yeru. V27 Sa naan hanyene ngandrei sa makatatakut sagar narime pengadilan Allatala nelang raai apui sa sagar nampatei kawan ulun nawan Allatala. V29 Balalu daya yeru, tu'u tamam labis weat hukuman sa patut natarime daya ulun ngirep narah Anak Allatala, pada sa ngangap bere murun ira janyi sa haut ngabarasisni, pada sa ngampahe Roh pangamian Allatala? Sabab, takam kataru Hanye sa kaeau, "Naan Walehan yeru hak-Ku; Aku sagar nuntut walehan." Hanye pada kaeau,"Allatala sagar mangadil umat-Ni.:" V31 Tu'u labis makatatakut amun takam lawu labis lalem hang wuang tangan Allatala sa welum. TURUK AJAR KAKAPEEN NELANG KASABAREN V 32 Daya yeru, itung andrau-andrau sa haut tapitah, udi hanyu kaiyuh sahaya piraai, hanyu tatap bahimat hang wuang usahanu nanggung kahanangen sa weat. V33 Naan wayahni, hanyu natangkurun nelang nakahanangen sara tarung tu'u hang penah ulun rama, pada wayah-wayahni hanyu pada umba hang wuang kahanangen ulun-ulun sa naulah masam yeru. V34 Hanyu pada kaingkam ahilelo ma here sa wuang panjara, likan narime anri araiatei wayah pakulis sa naan narabut sabab hanyu karasa bahawa hanyu uweng pakulis sa labis maeh nelang uma,k makalalawah. V35 Daya yeru, adaleh hanyu ngumpe kaharapennu daya kaharapennu yeru hampihawi upa pikaeh sa hante. V36 Sabab hanyu parlu kasabaren um,ak nampalus kabahumen Allatala hampe hanyu kaiyuh inun sa najannyi-Ni. V37 Sabab, "Puang lawah lagi, Hanye sa gayah hawi, sagar hampe, pada puang sagar ngampiunte hawi. V38 Likan, ulun-Ku sa mawitu bujur sagar welum daya parisaya. Pada, amun hanye miheput takut, balalu tenga amirue-Ku puang sagar sanag anri Hanye."Habakuk 2;3-4 Takam puang leh ulun-ulun sa semput ma lagulana, malingkan ulun-ulun sa parisaya ma pangarawahen tenga.