V1 Parisaya yeru tegeian tu'u neo kawan katantuluh sa jari kaharapen takam, nelang jari siri kawan katantuluh sa puang dinung. V2 Sabab, daya parisayahere ulun-ulun hang jaman sadi kaingkam nakalelo. V3 Daya parisaya, takam kataru bawilah bahawa dunia yiti naulah anri lengan Allatala. Jari, inun sa nadinung puang naulah daya inun sa nadinung pada. V4 Daya parisaya, Habel nasarah ma Allatala parapah sa labis maeh teka parapah sa nasarah Kain. Mitah panyarahan yeru, Habel kaiyuh narime hal bujur maeh teka Allatala jari ulun sa bujur; Allatala ngami hal sa bujur yeru anri narime parapah pangamiani. Pada, daya parisaya, walau hanye haut matei, Habel tatap kaiyuh bapaner. V5 Daya parisaya, Henokh naenat nampan hanye puang tau kaingkam pampatei nelang hanye puang nahab a daya Allatala sa haut ngen atni; daya kapihuan naenat, hanye kaiyuh hal sa bujur kala ulun sa ngampisanang Allatala. V6 Puang mungkin ngampisanang Allatala mun puang parisaya, sabab hie pun sa nyanriet ma Allatala pasti parisaya bahawa Allatala tu'u naan, nelang bahawa Allatala ngami upa ma here sa ngantilau Hanye. V7 Daya parisaya, haut naampi itung daya Allatala neo kajadian sa huan hanye kadinung, Nuh anri neter nelang tarung tu'u ngamuan erang kawua jukung hante, um,ak nyalamat darangan anak tukui ni. Anri yiti, Nuh nukum dunia baya jari waris bujur sa sasuai anri parisayani. V8 Daya parisaya, Abraham tawuk na herau daya Allatala, ngalut tu'u palus tulak ma kala unengan sa sagar naami kala jannyi sadi. Pada, hanye tulak, kaliru puang karasa ma awe hanye sagar nanan. V9 Daya parisaya, hanye tulak nanan ma tane sa haut najannyi nyalah unengan hang tane huan nantaruen, yeru hang tarup baya ishak pada yakub; kawan panarime hak teka janyi sa sameh, V10 sabab Abraham nganrei erang kawua tumpuk fondasi segah, sa naransana nelang pambangunani yeru Allatala. V11 Daya parisaya, Sara narime kaule tau mihawuntung palus nganak tukui bagenna, walau hanye tamanang nelang haut matueh um,ak bagenna, sabab Sara ngakira Hanye sa haut banjanyi ma hanye nampalus mawitu bujur. V12 Daya sabab yeru, teka erang kaulun sa haut tu'u matueh pada riet matei, tum'mu welum anak tukui sa wahaini nyalah wawa hiang hang langit pada sa rekenanni puang tareken wahaini nyalah tane karasik hang pantai. V13 Here katuluh yena haut matei hang wuang parisaya anri puang kaiyuh inun sa haut na janyi, kode here mantaru miyah paninungan pada nyamut janyi-janyi yeru teka lawit, balalu karasa bahawa here kawan ulun wau hawi nelang ulun lain hang tane. V14 Eau here sa kalayeru iwara anri tarung tu'u bahawa here ganyah ngantilau tane ranu um,ak here. V15 Daya, amun sa nakunuan here hanye yeru tane sa na uneng here kapihuani, balalu here tau mulek lagi ma yaru. V16 Kode, here kakunu nelang sin'ni tane ranu sa labis maeh, nyalah tane surgawi. Daya sabab yeru, Allatala puang amangan na antuh kala Allatala here sabab here haut nyadia erang kawua tumpuk um,ak here. V17 Daya parisaya, tawuk Allatala nguji, Abraham nyarah Ishak jari parapah; Hanye sa haut narime janyi-janyi yeru tarung tu'u nyarah anakni sa tungkan. V18 Neo anak yeru, Allatala suah kaeau,"Anri ngaran Ishaklah bumuh bungkutnu sagar naantuh." V19 Abraham penu harap parisaya ma Allatala, likan hanye parisaya bahawa Allatala sanggup ngamuan ulun matei. Nyalah iyuh naantuh, Abraham haut kaiyuh Ishak mulek teka pampatei. V20 Daya Parisaya, Ishak ngami berkat ma handrian andrau ma Yakup baya Esau. V21 Daya Parisaya, Yakup, hang kapihuan riet pampateini, ngami berkat ma anak tukui Yusuf. Hanye nyamah ngalelea ma Allatala anri mihandri hang ulu tungkehni. V22 Daya parisaya, Yusuf, hang hujung pamelumni, bapaner neo kaluarni kuluwarga Israel teka Mesir palus nanan pesen naan sangkut pautni andri taulang bangkaini. ²³ Daya parisaya, Musa tawuk nakahayaan, nadina salawah enem wulan daya ulun matuehni. Here kadinung bahwa Musa yeru gen'na sa tu'u manuwu, pada here puang takut pesen huyuan Raja. V24 Daya parisaya, Musa, dami haut tum'mu hanye hante mamai bujang, puang hakun lagi naantuh anak teka wawei darangan Firaun. V25 Hanye labis midi wuang kahanangen pibaya ulun wat Allatala teka hanye kaingkam kasanangen dosa sa ekat erang pitus, V26 Hanye kaingkam bahawa ranah atei Kristus labis barahaga teka katuluh harata ban'na Mesir sabab Musa mantaru mitah upa sagar natarime die. V27 Daya parisaya, Musa nanan tane Mesir puang kaingkam takut neo panyangit Raja Firaun hang paribasa hanye kaiyuh kadinung Hanye sa puang dinung yeru. V28 Daya parisaya, Musa nyamut paskah nelang natungkal ira malaikat pampatei ada basampuk kawan ulun Israel. V1 Parisaya yeru tegeian tu'u neo kawan katantuluh sa jari kaharapen takam, nelang jari siri kawan katantuluh sa puang dinung. V2 Sabab, daya parisayahere ulun-ulun hang jaman sadi kaingkam nakalelo. V3 Daya parisaya, takam kataru bawilah bahawa dunia yiti naulah anri lengan Allatala. Jari, inun sa nadinung puang naulah daya inun sa nadinung pada. V32 Nah, inun lagi sa patut napanerKu? Aku puang naan waktu sa sukup um,ak nanuhui ma hanyu neo hi Gideoan, Barak, Simson, Yefta, Daud, Samuel, pada kawan nabi, V33 daya parisaya haut natalau kawan karajaan, ngaraja sa mawitu bujur, ngaiyuh janyi-janyi, nelang nyanringkup wawa kawan singa, V34 nampare lelap apui, tawelah teka rare taruh, na ampikansing teka kalemeen here, gagah gansang hang babur pamuru, pada nyantalau pasukan ulun lain. V35 Kawan wawei kamulek ulun-ulun matei here mitah welum teka pampatei, kode naan pada sa nakahanangen nelang puang hakun um,ak narime pamelum labis maeh nampan here kaiyuh pamelum hang wuang welum sa labis maeh. V36 Kalayeru pada, naan pada naksese nelang nawalawas, balalu na rantai palus natampasuk ma panjara. V37 Here natetek anri garagasi jari rueh, pada nawunu anri taruh. Naan pada tulak maaru-maati anri pama pakaian teka kudit babiri tawa kudit kaming; here tu'u pa'ua, nasiksa, nelang na kahanangen mitah kabahumen here. V38 Dunia yena puang patut unengan ma here, here ngantilau welum kuta ungkan hang tane karasik nelang tane-tane entu, muneng hang helang tane entu, pada liang-liang hang imbe tane. V39 Daya gana kaiyuh pawaraan sa maeh daya parisaya sa here ikam, here puang narime inun sa haut najanyi. V40 Sabab, Allatala haut maransana ngulah sa labis maeh um,ak takam, balalu amun puang daya takam, here puang sagar jari paruna.