V1 Daya takam wahai paninungan hang mariung takam nyalah rakun, hayuleh takam nanan katuluh nyameat baya dosa sa ireket ngarut takam nelang nempat anri tarung tu'u pamelum kia jangkau sa naan hadapan takam. V2 Maraleh mate takam natuju ma Allatala, Sang Pencipta nelang ngulah paruna parisaya takam, narime arai hewu sa haut na janyi um,ak Hanye, tahan ngaret kahanangen hang ambau kayu salib yeru. Pada, itati, Hanye maharung hang tuhi kawan Allatala. V3 Itungleh neo Allatala, sa sabar nadap kawan musuh ulun-ulun badosa hampe tenga amiruenu puang jari uyuh nelang wawai kaaharapen. ALLATALA AMBAH TAKAM V4 Hang wuang pamelumnu nawan dosa kahalaen, hanyu huan hampe nunrak iranu. V5 Pada, inukah hanyu haut puang kaitung kawan patatan sa haut naami ma hanyu kala hanyu masih lagi kawaiya? "Naun kawaiya, ada naangap remeh ajaran Allatala, pada ada kaingkam puung tawuk hanyu na samara-Ni. V6Sabab, Allatala ngajar ulun sa na ahilelo-Ni, pada ngawalawas ulun sa natarime-Ni jari anak." Amsal 3:11-12 V7 Hanyu harus uet tatap anri ajaran yeru daya yeru baarti Allatala rahat ngulah hanyu jari erang kaulun anak; kaliru pada, anak masam inunkah sa puang suah naajar daya ambahni? V8 Amun hanyu puang suah narime ajaran sa samastini natarime daya katuluh anak, hanyu yeru anak sa badosa, puang anak sa sah. V9 Sa lain teka yeru, takam uweng kaampu ambah-ambah hang dunia yena sa ngajar takam, pada sa nahormat takam; balalu udi daya yeru, angneh takam harus labis maeh lagi suntuk tenga ma Ambah hang ambau Roh nelang hang ambau pamelum? V10 Sabab, Amun ambah takam sa naan hang dunia ngajar takam um,ak batas sa natantu manyu inun sara sa here na anggngap paling maeh, Ambah sa naan hang sorga ngajar takam kala pikaeh takam jua balalu takam kaiyuh santuhianhang wuang nabarasis-Ni. V11 Katuluh ajaran, hang waktu naami, iruleh puang ngampisanang nelang ngampihanang. Daya kalayeru, udi yeru sagar ngami pakulis wua sa maeh sa ngami rauh sanang ma here sa haut natahampe mitah ajaran yeru. DINUNG SARA WELUMNU V12 Sabab yeru, nampikansing tangannu sa maleme pada ulu alepnu sa kekel, V13 ulah lalan sa mawitu um,ak kia jangkau peenu, nampan lalekuan pee sa maleme puang jari lumpuh melengkan tau ware. V14 Agah kakali arai hewu um,ak katuluh ulun, palus agah kakali welum barasis sabab welum puang barasis, puang erang kaulun pun kaiyuh kadinung Allatala. V15 Tantu'u dulu nampan ada erang kaulun pun sa kawawayan pangamian Allatala; tantu'u pada ada naan wakat mapaiit sa welum nelang tum,mu pihadin antu rawek balalu nambere wahai ulun. V16 Pada, tantiu'u dulu nampan ada naan ulun sa ngulah gawi puang sanunuh atawa puang barasis suntu nyalah Esau sa ngari hak tata tueh, um'ak erang mangku kutaen. V17 Sabab, hanyu kataru hang handrian andrau die, wayah Esau sindi kaiyuh pangamian yeru, hanye natampik nelang puang naan lagi waktu nangkaeh umak batobat walau kalaawe hanyu ngantilau anri petak rio mate. V18 Sabab hanyu puang hawi ma tane ento sa tau nyaweh, ma apui sa ma lelap-lelap, atawa ma piiyeng, kalam kabut nelang riwut barat. V19 Hanyu pada puang hawi ma lengan tarumpet, pada ma lengan sa na kaeauni ngulah kawan ulu n karengei ilaku anri bahimat nampan sa nakaeau yeru puang na kaeau lagi ma here. V20 Sabab here puang kaiyuh ngaret karengei piwaraan sa naami,"Likan amun erang kaukui satua aweleh sa ngaraweh tane ento yeru, balalu satua yeru harus natumuk anri watu hampe matei." V21 Pada, tu'u himat jari katakuten paninungan yeru bawilah hampe Musa kaeau," Aku neter pari takut." V22 Kode daya yeru, hanyu haut hawi ma tane Sion, pada ma tumpuk Allatala sa welum, Yerusalem surgawi, pada ma malaikat sa puang tareken wahaini, V23 Hanyu haut hawi ma kumpulan ulun rama ungkup sa teka kawan anak tatueh Allatala sa haut masuk daftar hang surga, ma Allatala, Hakim hang ambau katuluh ulun, pada roh ulun-ulun maeh sa haut paruna. V24 Hanyu haut hawi ma Allatala, Mitah Janyi sa wau, pada ma ira sa na tampihik, sa bapaner labis maeh teka ira Habel. Tantu'u dulu nampan ada hanyu nampik Hanye sa bapaner. Daya amun here nampik Hanye sa ngami pangitungen teka tane ranu ai puang kaiyuh ngawelah tenga, balalu takam puang asagar kaiyuh nyanepah tenga teka Hanye sa ngami pangitungen teka surga. V26 Tawuk sadi, lengan-Ni ngulah geger gampar tane ranu, kode itati Hanye bajanyi,"Kaliti, hindra lagi Aku puang ekat sagar ngulah geger gampar tane ranu, kode pada hang surga." Paribasa"hindra lagi" nintu nutui neo nyamawai hal-hal sa kaiyuh nagagunsang, yeru katuluh sa haut naulah, nampan hal-hal sa puang nagagunsang kaiyuh muneng tatap. Daya yeru takam narime pihante sa puang tau nagunsang, ayuleh takam ngantuh kaingkam tarimekasih anri nyarah nawat hormat anri takut ma Allatala, anri natampalus kaingkam hormat pada nelang penu kala kabahumeni, V29 sabab Allatala takam hanyene apui sa tau nyanrakit.