V1 Palusleh nyaga ipasinta hang wuang ipulaksanai! V2 Itungleh kakete umak ngami umean ma kawan ulun-ulun lain daya andri ngaraja hal yeru, papire kaulun haut narime malikat-malaikat puang andri sadar. V3 Itungleh ulun-ulun sa natampasuk ma panjara nyalah hanyu napanjara sameh baya here, itungleh ulun-ulun sa nakahanangen sabab hanyu pada hang wuang tenga. V4 Piaduan yeru harus naindrik ambau andri penu hurmat daya katuluh ulun pada najaga piaduan laki wawei nampan tatap maeh, sabab Allatala sagar nukum kawan ulun sa puang sanunuh nelang kawan ulun ibela. V5 Sanawitleh pamelumnu dari sinta duit, nelang sukupleh tenganu andri inun sa haut naingkam sabab Hanye raerai kaeau: "Aku puang sagar nanan hanyu, nelang puang suah menyangkal hanyu. "Ulangan31:6 V6 Balalu, takam sagar kaeau andri penu parisaya: "Tuhan hanye Pangarawahenku, nelang aku puang takut. Inu n sa kaiyuh nakaraja ulun manyu Haanye? Mazmur 118:7 V7 Itungleh kawan pamimpinnu, here haut ngajar lengan Allatala ma hanyu. Dinung tantu'u teka iyuhan sara pamelum here, pada na suntu kaparsayaan here. V8 Yesus Kristus tatap sameh, hangkariwe, andrau yena nelang palus ma kalalawahni. V9 Adaleh hanyu na hampitawang daya ajaran sa wahai masam nelang sa puang hanyu kataru; sabab naan hal sa maeh bahawa atei naampikansing daya anugerah, puang daya aturan neo kutaen sa puang ngamiriran umak here sa kaongkam ngarajani. V10 Takam uweng mezbah sa teka hanye ulun-ulun sa manyanyangnga hang Lewu Barasasis uweng hak uak kuman. V11 Pada, daya tenga teka kawan satua saa irani na enei daya Imam Hante ma Lewu Hantebarasis kala panyarahan panewuhan dosa natutung hang luar kemah. V12 Balalu Allatala pada mahanang kasusahen hang luar wanawang tumpuk, daya ngabarasis umat-Ni andri ira-Ni jua. V13 Daya sabab yeru, ayuleh takam manalu Allatala hang luar punukuan, pada nyandang piu,wa sa sameh andri piu,wa sa haut sandang-Ni. V14 Sabab, hang tane yena takam puang naan tumpuk sa sagar naan umak kalalawahni, kode takam rahat ngandrei tumpuk sa sagar nahadap. V15 Daya yeru, mitah Kristus ayuleh takam palus mamalus ngami parapah nawat hormat ma Allatala, hanyeru ngantuh mitah wiwi wawa sa nante nawat hormat ngaran-Ni. V16 Adaleh hanyu puang kaitung ulah gawi maeh palus ipangarawah inun sa haut iyuhnu daya parapah nyalah yeru sa ngampisanang Allatala. V17 Alutleh ma kawan pimpinannu nelang suntukleh ma kawan here daya here ngarawah tenganu pada sa palus ngami tanggung jawab hang ambauni. alalu kalayeru, here sagar ngaraja ni andri penu sanang atei, puang andri iwada uyuh rara daya hal yeru puang sagar ngami kauntungen ma hanyu. PILAKUAN DO'A V18 Bado'a umak kami daya kami harap bahawa kami naan kunuan atei sa maeh, sa bahimat bausaha ngaraja kala hal andri sara sa bujur. V19 Aku ilaku ma hanyu umak bado'a andri labis tarung tatu,u lagi sapaya aku hinang naampulek ma hanyu. V20 Itati, Allatala pahawian rauh sanang, sa haut ngamuan mulek Yesus, Tuhan takaam, Sang Pakatik Hante hang ambau babiri-bari-Ni, andri ira jannyi sa kalalawah V21 kirani nyansukup hang tiap hal sa maeh umak ngaraja aheng-Ni. Nelang pada, maraleh Hanye bagawi hang wuang takam umak nyarah atei-Ni mitah Kristus Yesus, sa ma Hanyelah pihante ma-kalalawahni. Amen. TABE PANGALISAN V22 Kawan Pulaksanaiku, aku ngayak ajun ma hanyu umak nyanrengei lengan patataanku andri sabar sabab lengan patataanku yiti haut natahampe ma hanyu andri imbe. V23 Aku hamen iwara ma hanyu bahawa pulaksanai takam, Timotius, haut nakaluar teka panjara. Pada amun hanye hinang hawi ma aku, balalu aku sagar hawi sameh hanye sindrah manalu hanyu. V24 Tahampe tabe kami ma kawan pamimpinnu pada ma katuluh ulun-ulun barasis, Kawan pulaksanai takam teka Italia nampe tabe ma hanyu. V25 Pibayaan berkat Allatala nyindrah naun katuluh.