V1Inaleh dasar pamulaan pamaneran takam : takam kaampun Imam Hante sa maharung hang tuhi kawan, Kursi Penguasa Sa Tatu'u am'au hang Surga Tatu'u Barasis, pada hang Lewu tulen barasis sa naampindri daya Allatala raerai, puang daya murunsia. V3 Daya yeru biasani Imam Hante na tutui um,ak manyarah pangamian pada pilaku, balalu Imam Hante yena pada harus ngenei sesuatu um,ak nasarah. V4 Amun Imam Hante yena welum hang dunia yena puang sagar tau puang sabab hang dunia yena haut naan Imam-imam sa nyarah pangmian susuk Hukum Taurat, V5 Yeruleh here sa sambayang mitah ngalut pada ngakira teka hal-hal surgawi nyalah wayah Allata ngampi itung Musa wayah hanye kai ngampinri Lewu Barasis : "Pasti hanyu ngulah kawan katantuluhni susuk anri ransa sa haut na tutuiKu ma hanyu hang ambau gunung." V6 Kode, itati, Allatala narime gawian manyanyangga sa labis tahurmat mitah janyi wau sa natahelang daya-Ni yeru pada haut labis amau nelang haut tatap pidasar janyi-janyi sa labis maeh. V7 Sabab, amun hang janyi sa kaisa puang ngenei kahalaen, puang sagar naan sa ngariran janyi sa karueh. V8 Daya Allatala kaiyuhni teka kahalaen murunsia, Hanye kaeau, "'Dinungleh, wayahni sagar hampe,' eau Tuhan, 'tawuk Aku kai ngulah ransana erang kawua janyi wau anri kaum Israel pada kaum Yehuda. V9 Puang nyalah janyi-janyi sa haut naulahKu itak kakah here, Yeru wayah aku ngayak here anri itategei tangan-Ku Um,ak mamimpin here kaluar teka tane Mesir. Daya sabab here puang setia neo janyi sa nami-Ku. Balalu Aku puang ikarasa here, eau Allatala. Inaleh janyi sa sagar naulah-Ku anri kaum Israel udi jaman yeru, eau Allatala: 'Aku sagar ngan,nak hukum-hukum-Ku ma wuang pikiran here, pada Aku sagar nulisni ma wuang atei here. Aku sagar jari Allatala here, pada here sagar jari umat-Ku. V11 Here pada puang sagar lagi ngajar sasameh bangsani atawa pulaksanaini anri kaeau,' Pantaruleh Allatala' Daya sabab katuluh ulun sagar kataru Aku, teka sa rumis hampe sa paling dedeh. V12 Sabab, Aku sagar pamiahi lelu hang panaa nelang dosa-dosa here. Pada, Aku jua puang sagar lagi ngampi itung kahalaen-kahalaen here. "'Yeremia 31:31-34 V13 wayah Allata nahampe janyi wau, Hanye ngulah janyi sa uhang puang tapakai lagi. Pada, inun sa haut puang tapakai lagi nelang uhang haut sagar wawai.