V1 Sabab, Melkisedek, Raja Salem pada Imam Allatala sa Mahaambau, manalu Abraham kapihuan Abraham mulek teka ngahanangen kawan raja-raja, pada ngami berkatni. V2 Ma hi Melkisedek, Abraham pada ngami sapersapuluh teka katulu pakulis rabutan sa na iyuhni. Isa kaisa, ngaran Melkisedek balalu bangaran"Raja Pikaeh", udihie, Raja Salem" sa artini"Raja Damai". V3 Hanye anule puang uweng am'ah pada ineh, puang uweng juriat, pada welumni puang uweng palanungkai pada pajumpuhan. Kode balalu, nyalah Anak Allatala, Hanye jari Imam um,ak makalalawahni. V4 Pananiuhleh, tatu,u leha hanteni ulun yiti, weleang Abraham leluhur takam gin pang ule ma hanye saperapuluh teka katantuluh iyuhan rabutan baburni. V5 Itetei Hukum Taurat, kawaiya Lewi sa narime natukas jari Imam uweng hak ngalap persapuluhan teka bumuh sa yeru kawan pulaksanai here, biar here bumuh juat Abraham. Kode dayayeru, Melkisedek sa puang juriat Lewi, narime persapuluhan teka hi Abraham pada ngaberkati hanye sa negei jannyi-jannyi teka Allatala. V7 Balalu, puang kaiyuh nakilah, sa labih im,me napidi daya sa labih am,mau. V8 Hang isa hal, persapuluhan natarima daya murunsia fana sa tau matei. Kode, daya hal wuang hal yena, natarime daya hanye, sa pastikan welum. V9 Daya sabab yeru, iyuh naantuh bahawa likan kawan Lewi sa uweng hak narime persapuluhan jua pada ju bayar persapuluhan here mitah Abraham, V10 Sabab wayah Melkisedek manaluni, Lewi pagun naan hang wuang tenga itak kakahni. V11 Itati, sakirani paruna tau napakulis mitah keimanan Lewi (sa dayani, umat Israel kaiyuh Hukum Taurat), um,ak inun naan imam lain sa harus naamuan itetei aturan Melkisedek pada puang imam teka garis juriat wat Harun? V12 Sabab, amun tutur basa hang kaimanan baubah, balalu Hukum Taurat pada harus miubah. V13 Ulun sa rahat takam paner yena pihawiani teka suku sa lain, pada puang naan erang kaulun jua teka suku-Ni sa suah batugas yalah menyanyangnga hang meja barasis. V14 Sabab, tarung tu,u dinung bahawa Tuhan takam hawini teka suku Yehuda, suku sa neo ni Musa puang suah kaeau hal inun jua sa bakait anri kawan imam. YESUS HANYENE IMAM NYALAH MELKISEDEK V15 Katuluh hal yena jari magin tamah dinung tawuk takam kadinung hawini erang kaulun Imam sa lain, sa isasameh anri Melkisedek, V16 Sa jari Imam puang pidasar syarat juriat tenga, kode pidasar kuasa pamelum sa puang kaiyuh hang pampatei. V17 Sabab, Kitab barasis iwara neo Hanye : "Hanyu yerulah Imam um,ak hampe kalalawahni, itetei aturan Melkisedek." V18 Hang isa wangun, aturan sa uhang haut puang tapakai daya hang tengani naan kakurangen balalu puang bariran, V 19 Pada daya hukum yeru puang paruna jua. Mode hang pihak lain, naan harapen sa labis maeh nawara ma takam, pads harapen yeru tau nyujut takam um,ak nyanriet ma Allatala. V20 Iru pada daya pangharapen yeru naenei ma takam anrilll erang kauwa jannyi Imam sa lain jari Imam puang nasindrah jannyi. V21 Kode, Hanye jari Imam baya jannyi sa na ulah teka Hanye, sa na antuh ma Hanye, "Allatala haut basumpah nelang puang sagar miubah pikiran : " Hanyu hanyene Imam um,an palus makalawahni. "Mazmur 110:4 V22 Daya sabab jannyi yiti, Allata haut jari jaminan teka jannyi sa labis maeh. V23 Kapihuani, naan wahai imam. balalu wayah naan imam sa matei, naan sa kaiyuh manggantini. V24 Kode, Allatala itegei keparsayaan sara tatap hampe kalalawahni daya Hanye sagar palus welum hampe kalawahni. V25 Kala daya yeru, Allatala kaiyuh ngami kasalamaten anri paruna here sa hawi ma Allatala mitah Hanye, daya Hanye kete-kete welum um,ak bado'a um,ak here. V26 Imam Hante nyalah yerulah sa nakasin,ni, hanyeru Imam Hante sa barasis, puang bapira, bujur asli, napidi teka ulun-ulun badosa, naindrik am,mau labis teka tingkat Surgawi. V27 Allatala puang sameh nyalah Imam Hante sa lain, here harus ngami pilaku,an hang hapus anrau, kaisa um,ak dosa here raerai. udihie um,ak dosa-dosa murunsia. Kode, Allatala puang parlu ngarajani. Hanye ekat ngami pilakuan ekat hindra um,ak palus ma kalalawahni. hanyeru ma tenga-Ni raerai. V28 Hukum Musa natantu ma murunsia sa penu anri kalemeen um,ak jari kawan Imam-imam Hante. Kode daya kalayeru, jannyi sa hawini teka Allatala, sa hawi udi Hukum Musa, natantu Anak-Ni, sa haut nasanyari paruna hampe kalalawahni.