Daya yeru, ayu takam nanan pangajaran putut neo Kristus pada ijangkau nuju labih matueh, ada ngakulek-lekuk ajaran putut neo pertobatan teka ulan sa matei pada iman ma Allatala; Ajaran neo pambatisan, pada narapak tangan ; ajaran neo welum mulek teka ulun matei pada ma hukuman ma kalalawahni. Pada, iruleh sa sagar nakaraja takam, amun Allatala satuju. Sabab, puang mungkin nuyu batobat mulek ma ulun-ulun sa kapihuani haut naami piraai, haut kaingkam pangamian surgawi, haut ngalap pulakni pibaya Roh Kudus, Nganan pikaeh lengan Allatala, pada haut kaingkam kuasa teka dunia sa sagar nahadap. Amun here haut nanan lalan Kristus, balalu mustahil um,ak nyama'u here mulek batobat daya here rahat mambalasangar Anak Allatala um,ak sa karueh kalini pada ngampingamangan-Ni anri ilaluah tauka. Sabab, tane sa nyesek wahai ranu uran sa lawu hang ambauni, balalu ngaluar iuhan kabun wasian sa bariran um,ak here sa ngarajani, sagar narime berkat teka Allatala. Kode, amun tane yeru ekat ngampihulet runrui pada rikut-rikut, balalu tane yeru puang uweng riran pada jari nasumpah, pada lawu lawini galis natutung. Kode daya yeru, kawan pulaksana,i sa nasinta, kala hindra kami ipangantuh kala yeru, kami baharap hal-hal sa labis maeh neo naun, hanye yeru hal-hal sa basangkut paut anri kasalamaten. Sabab, Allatala puang sa ang adil. Hanye puang nanan katuluh ulah gawi nelang lelonu sa natantarangni daya ngaran-Ni anri manyanyanga ulun-ulun barasis, nyalah sa masih naun karaja. Kami kasunggu ma saasing naun tarung tatu'u sa sameh itegei jari jaminan harapen sa paruna hampe hang pajumpuhan, Ada budas hanyu jari mawule, kode taharak suntu maeh kawan ulun-ulun sa haut narime janyi-jannyi Allatala mitah iman nelang itantu'u. Janyi Allatala Puang Sagar Miubah Allatala kaeau, "Aku bajannyi sagar memberkti Hanyu,"pada "Aku bajannyi sagar namah wawahai anak tukuinu." Pada, anri haut ngandei anri sabar, Abraham narime jannyi yeru. Murunsia basumpah nintu erang kaulun labis hante teka tengani raerai, pada sumpah na ami kala um,ak nantu'u balalu nyantaduh katuluh pipautan. Jari, Wayah Allatala sagar nukas anri labis tatu'u ma kawan ahli waris jannyi-Ni bahawa tujuan-Ni puang sagar baubah, Hanye haut manjamin anri ngulah jannyi. Udiyeru anri rueh hal sa puang baubah yeru, sa neo Allatala mustahil ipusu, takam sa hawi ngantilau unengan sadina sagar kaiyuh tunyulan sa hante um,ak itegei uet ma penu harapan sa naami ma katuluh takam. Kaharapen sa kaampun takam yena hanye yeru tamatu tataria um,ak tenga amirue takam, miuet nelang pasti, sa nebus masuk hampe ma wading alewen, Ma unengan sa haut naasuk Yesus jari nguka lalan um,ak takam palus jari Imam Hante um,ak palus ma kalalawahni, kala haut aturan Melkisedek.