Sabab, kala Imam Hante sa napidi teka penah murunsia natutui um,ak jari wakil murunsia wuang hal-hal sa bahubungan anri Allatala, balalu hanye kaiyuh ngami panyarahan parapah-parapah pada nyarah pangampunen-pangampunen witu dosa-dosa. Daya Imam Hante yeru pada penu anri kalemeen, kala hanye pada kaiyuh wangun lamah liut neo ulun-ulun sa puang memiliki katauen balalu hiang tawang. Iru sababni, hanye harus nyarah parapah pangampunen ngabarasis dosa, puang ekat ma umat, kode pada uma,ak tenga raerai. Puang uweng Imam Hante kaiyuh ngalap kehormatan yiti um,ak tengani raerai, hanye ekat narimeni wayah hanye naherau daya Allatala, nyalah halni Harun. Kalahie pada Kristus puang ngampihante tengaNi raerai um,ak jari erangh kaulun Imam Hante, kode daya Hanye sa bapaner ma-Hanye. "Hanyu yeru Anak-Ku. Hang andrau yena Aku haut jari Ambah-Nu"Mazmur 2:7 Hang unengan lain, Hanye pada kaeau, "Hanyu samula Imam um,ak sakalalawahni, nintu aturan Melkisedek. "Mazmur 110:4 Hang wuang pamelumni kala murunsia, Yesus nawat hormat doa nelang pilakuan anri tangis tungkau baya riu mate, ma Hanye sa haut ngami kasalamatan teka pampatei. Pada, Hanye nasanrengei daya pikaeh-Ni. Kalayeru Yesus samula Anan, kode Hanye paajar um,ak ngalut itetei kahanageni naingkam-Ni. Daya haut salamat paruna, Hanye haut jari putut kasalamatan kalalawah um,ak katuluh murunsia sa ngalut aheng wat-Ni, Pada Hanye haut naherau daya Allatala kala Imam Hante kala aturan Melkisedek. Kiajangkau Nuju Pidewasa Rohani Naan wahai sa kaiyuh naantuh neu hal yena, Kode balalu, mahadin um,ak manarang daya hanyu haut jari gamat um,ak nyanrengei. Sabab, kala awepun wayah itati ina hanyu saharusni haut jari pangajar, kode nyatani hanyu masih laku karawah ma erang kaulun um,ak ngajar hanyu lagi neo prinsip-prinsip putut neo lengan Allatala, Hanyu masih nguta nguut susu, puang kutaen mahing, Sabab, ulun sa welum teka rio umu hanye yeru ulun sa huan uweng bapangalaman hang wuang maharati ajaran neo pikaeh, hanye masih genda. Balalu daya yeru, kutaen sa mahing hanye yeru um,ak ulun-ulun sa haut matueh, hanye yeru here sa haut ngajar panrengeai here tau mambeda inun sa maeh anri sa murun.