SAULUS UM'MA YESUS ¹ Kude, hi Saulus, ngabarebe nelang hamen munu ma kuan murid Tuhan, tulak nadap imama sa hante, ² palus laku surat teka hanye, isa natuju ma sinagoge hang Damsyik hampe hanye ngaan kahaba he sa tau na kaharapenni hang lalan ru, inun upu atawa wawei, himpan hanye kaiyuh ngenei here umak na kurung hang Yerusalem. ³ Salawah hanye lagi takia, salenga-lengan dinungni sihaya teka amau langit nyalah kelat ngawariung hanye. ⁴ balalu, hanye lawu ma tane nelang rengeini lengan nerau hanye, "Saulus, Saulus, daya inun hanyu ngakasah Aku ?" ⁵ Saulus itunti, "Hiye sa Hanyu na, Tuan ?" Nelang Hanye kaeau,"Aku ti Yesus, isa nakahanangen naun, ⁶ Walehanni, amu'an nelang palus ma tulak kota, nelang hanyu sagar nawara inun isa paiyuh ang nagawinu." ⁷ Ulun-ulun isa tulak sasameh andri hi Saulus palus mindri ngaan sunah maharek udi karengengei lengan ni, kude ngaan kadinung hie-hie leh. ⁸ Sauluh mindri hang amau tane, biar mateni ikirat kude hanye ngaan kadinung inun-inun. Udi hie, kuan ulun nganyak hanye nelang negei tangan ni palus masuk ma Damsiyik. ⁹ Nelang, salawah telu andrau, hi Saulus ngaan kaiyuh kadinung nelang ngaan kuman atawa nguut ranu. ¹⁰ Tawuk yeru, naan erang kaulun muridni hang Damsyik, ngaranni hi Ananias. Tuhan kaeau ma hanye hang paninungan wat ," Ananias !" Udi hie hi Ananias kaeau, "ina aku, Tuhan." ¹¹ Balalu, Tuhn kaeau ma hanye, "Amuan nelang hulu hanyu mitah lalan isa naantuh Lalan sa Witu muntul guntulan, nelang hang lewu Yudas, antara nu ulun Tarsus isa bangaran hi Saulus daya, dinung eh, ulun yiti rahat lakudo'a . ¹² nelang hanye haut kaiyuh paninungan daya erang kaulunisa bangaran hi Ananiasa hawi nelang handrapis tanganni maamau hanye himpan hanye tau kadinung lagi." ¹³ Kude hi Ananias nuing,"Tuhan, aku haut karengei teka ulun rama neu ulun yiti, kaawe heneni kajahten sa haut naulahni nuju ma ulun isa Kudus- Nu hang Yerusalem, ¹⁴ nelang hang yiti uweng kuasa teka panan imam kepala umak negei ma katuluh ulun isa nerau ngaran Nu." ¹⁵ Kude ni, Tuhan kaeau ma hanye, "Tulakleh, daya ulun yiti haut napidi umak ngenei ngaran ma dahapan katuluh bangsa lainni, baya kuan raja, ma katuluh bang Israel. ¹⁶ Daya, Aku haut iwara mahanye kala awe heneni panyusah sa natarime daya ngaran-Ku." ¹⁷ Maka, hi Ananias tulak palus masuk ma wuang lewu ru, nelang udi hanye ngelah tanganni ma amau hi Saulus, hanye nuing,"Saulus, Tuhan Yesus isa haut nantarang tengani ma hanyu hang wuang pakiaannu ma yati, haut ngutus aku himpan hanyu tau kadinung kamulek nelang kaiyuh hang wuang kuasa Roh Kudus." ¹⁸ Balalu, sindrah iru pada, nyalah sihi kenah lawu teka mateni nelang hanye kaiyuh kadinung kamulek, udi hie hanye amuan palus na babtis, Hi Saulus, iwara ne hi Yesus. ¹⁹ Nelang, udi hanye kuman, hi Saulus nakuatkan. hanye sindrah kuan muridni hang Damsyik salawah papire andrau. ²⁰ Nelang, ela hinang henye nyarita hi Yesus hang sinagoge-sinagoge nelang kaeau,"Yesus ru anak Alatalla." ²¹ Katulu ulu sa karengei kisah iru ngawauh palus nuing,"Puang sa Hanye ru ulun teka Yerusalemisa haut munu here nelang kaeau ngaran iru isa haut hawimayati nelang genei here hang wuang hukuman imam-imam kepala ?" ²² Walehanni, hi Saulus jari magin tamam nelang ngulah ulun Yahudi magin gamangn here isa muneng hang Damsyik palus ngami bukti bahwa hi Yesus ru satuuni Kristus. hi Saulus lapas teka papire ulun Yahudi ²³ Udu sukup papire andrau, kuan ulun Yahudi sasameh ipakat umak munu hi Saulus, ²⁴ daya pakat here ru haut rasa wat Saulus. Here jaga kaandrau nelang kamalem himpan kaiyuh munu hi Saulus. ²⁵ kude anakbuah wat Saulus ngenei hanye kamalem palus ngampinau mitah timuk isa lain nelang isadina isalinung . Saulus hang Yerusalem ²⁶ Tawuk hi Saulus hampe hang Yerusalem, hanye nyuba bakamuh andri kuan muridni. Walehanni, here katuluh paheei ma hanye daya here ngaan harap tuu hanye ru murid. ²⁷ Walehani, hi Barnabas ngawaringuh hi Saulus nelang ngenei hi Saulus nadap kuan rasul, balalu hanye ngisah ma here kewangun hanye haut kadinung Tuhan hang wuang pakiaanni, nelang tuuni Tuhan haut bapaner andri hanye, sindrah iru kewangun hanye heei bapaner makai ngaran Tuhan Yesus hang Damsyik. ²⁸ Nelang, Hi Saulus baya andri here tawuk here masuk atawa kaluar teka Yerusalem nelang heei basurah makai ngaran Tuhan. ²⁹ Hanye bapaner nelang basual jawab andri ulun Helenis, kude here bausaha hamen munu. ³⁰ Tawuk kuan pulakani sasameh karasa tuu neu yiru, here ngenei hanye kaluar mahulu teka Kaisarea nelang palus ngutus hi tulak ma Tarsus. ³¹ Daya iru, Jemaat hang litar Yudea, baya hang Galilea, pada hang Samaria kaiyuh ranai atei tatuu. Nelang, nanamni welum hang wuang baya andri Tuhan nelang tantulu rariu teka Roh Kudus, turunan here magin rama. Hi Petrus hang kota Lida baya hang kota Yope. ³² Hang isa andrau, tawuk Petrus ngaliling wilayah iru, hanye pada ngapung kuan ulu-ulun Kudus sa muneng hang Lida. ³³ Hang yaru, hanye panalu erang kaulun isa bangaran hi Eneas, sa ekat mangkading hang paandreanni salawah walu taun daya nhanye lumpuh. ³⁴ Balalu hi Petrus kaeau ma hanye, "Eneas, Kristus Yesus haut nyamare hanyu. Amuan nelng simpun paandreannu!" . Balalu, tawuk iru pada hi Eneas amuan, ³⁵ Daya, katuluh ulun isa muneng hang Lida baya hang Saron kadinung balalu here uma iwaleng uma harap ma Tuhan. ³⁶ Tawuk iru, hang Yope, naan erang kaulun wawei ngaranni hi Tabita, isa na artiakan Dorkas. Hanye wangun tinga puntaneni nelang ulah gawini katuju ngarawah ulun. ³⁷ Tiap andrau naan eleh kajadian, naan isa mekun nelang naan isa matei. Balalu, kuan ngandrus bangkai, palus ngetang hang wuang ruang lewu isa hang amau. ³⁸ Daya Lida riet uneng andri Yope, kuan murid, haut karengei bahwa hi Petrus naan hang yaru, nunyu ruehn kaulun nadap hi petrus palus ilaku ma hanye, "Ada unte hawi mauneng kami !" ³⁹ Makani, hi Petrus ela hinang tulak baya here. Dami hanye hampe, here ngenei hi Pertus ma unengan hang amau. Katuluh kuan walu randa mindri hang nagwariung hi Petrus nelang nungkau, nelang nantarang tunik-tunik nelang pama pakaian lainni sa biasa ulahan wat Dorkas tawuk hanye magun baya here. ⁴⁰ Kude, hi Petrus nunyu here katuluh kaluar, palus hanye ileku nelang laku doa. Udi hie, hanye iwaleng nadap bangkaiTabita nelang kaeau, " Tabita amuan !" palus, wawei ru ikirat balalu tawuk hanye kadinung hi Petrus, hanye palus maharung. ⁴¹ hi Petrus palus nyurung tangan ma hanye nelang ngarawah hanye mindri. Udihie, nelang hanye nerau kuan ulun kudus baya kuan wawei waluu, hanye iwara neu hi Tabita magun welum. ⁴² Balalu, kajadian yeru tasiar ma katuluh Yope, balalu kuan ulun rama palus harap tuu ma Tuhan. ⁴³ Makani, hi Petrus lawah tuu muneng hang Yope baya baya andri erang kaulun isa bangaran hi Simon erang kaulun panyamak upak.