¹ Nelang, hi Saulus tuu sanang hi Stefanus nawunu. Saulus Ngahanangen Ungkup hang Yerusalem Hang andrau iru, tawuk pangakasahan sa hante kajadian ma ungkup hang Yerusalem, here katuluh tapisah ma wilayah wilayah Yudea Samaria, kecuali here kawan rasul. ² Papire kaulun kawan takut ma Alatalla masar hi Stefanus hampe nangis nungkau here ma hanye, ³ Kude hi Saulus ngampi hansur ungkup andri masuk malewu lewu. Hanye nyujut kawan upu wawei, palus nampasuk here ma panjara. Filipus Ngenei kabar Kasalamatan ma Samaria ⁴ Here haut tapisah iru bakaliling nelang ngenei kabar kasalamatan. ⁵ Tawuk Filipus minau ma Tumpuk Samaria nelang ngenei kabar kasalamatan neu lengan Kristus. ⁶ Pada, ulun rama andri bulat atei ngawauh inun sa na tahampe filipus mulai here karengei nelang kadinung tana tana kaajaibpan sa haut . ⁷ Sabab ,roh roh jahat kaluar teka ulun ulun sa narasuk ,nelang ngiak mehet tuu, rama ulun lumpuh andri kepa nasamare. ⁸ daya sabab iru naan kaaraiyen sa hante hang tunpuk iru ⁹ Kude hang tumpuk iru naan erang kaulun upu bangaran hi Simon papire lawah haut ngulah here ulun Samaria ngawauh daya hanye jari tukang sihir nelang ngantuh dirini ulun luar biasa. ¹⁰ Katuluh ulun teka ulun rumis hampe ulun paling hante , kaeau ,"Ulun ina kuasa Alatalla na antuh ' Luar biasa' ". ¹¹ Daya iru here nganyu parhatian ma hanye haut papire lawah ngulah ulun ngawauh andri alimu sihirni . ¹² Kude hi Filipus iwara ma here neu kabar maeh iru kewangun Alatalla sagar marentah yalah Raja nelang Kristus Yesus , here na babtis, baik kawan upu padae here kawan waweyan. ¹³ Hi Simon padae parisaya dami udi na babtis, palus hanye naan riet Filipus,katika kadinung papire kawan kaajaiban tana tana here katuluh jari ngawauh. ¹⁵ sa hawi laku doa nampan here narime Roh barasih . ¹⁶ Sabab Roh barasih huan minau maerang kaulunpun here, here ekat na babtis hang wuang ngaran Tuhan Yesus. ¹⁷ Balalu hi Petrus andri Yohanes numpang tangan ni ma ulu here maka here narime Roh Barasih , ¹⁸ Dami hi Simon kadinung bahwa Roh barasih na anyu mitah numpang tangan ma ulu rasul rasul , Simon pitawar duit ma rasul rasul iru. ¹⁹ Nelang kaeau "Anyu padae ma aku kuasa ina nampan ma tiap ulun amun aku numpang tangan ku here narime Roh barasih pada" ²⁰ Kude hi Petrus kaeyau ma hi simon "kawan duit nu iru puang baarti ekat ngulah pampatei daya pikiran nu hanyu kaiyuh karunia Alatalla daya duit! ²¹ Hanyu puang uweng bagian atau hak hang wuang hal ina daya atei nu puang maeh hang hadapan Alatalla. ²² ware hanyu Tobat teka kajahatan nu ina nelang lakudoa ma Tuhan amun kaiyuh niat atei nu na ampun daya Alatalla. ²³ Sabab aku kadinung hang wuang hanyu naan aperu sa mapait hang wuang karutan jahat" ²⁴ Namun , hi Simon bapaner nelang kaeau , " Naun lakudoa umak aku ma Tuhan nampan inun sa naeau naun puang nimpa aku" ²⁵ Dami udi hi Petrus andri hi Yohanes basaksi andri tuu tuu neu lengan Tuhan ,balalu here mulek ma Yerusalem nelang mambarita injil ma ulun rama ma Tumpuk Ulun Samaria Filipus mambabtis Ulun Etiopia ²⁶ Palus Malaekat Tuhan bapaner ma Filipus ,eau Malaekat " Hayu barangkat tulak ma Selatan, nuju lalan minau ma Yerusalem palus ma Gaza. Lalan iru lalan sa suni haning " ²⁷ Maka barangkatlah hi Filipus. kadinunglah erang kaulun Etiopia,pagawai istana erang kaulun pajabat tinggi Pangadilan Sri Kandake ,Ratu karajaan Etiopia. Hanye batangun g jawab makatuluh harata Ratu yeru. hawi ma Yerusalem lepuh sambayang, ²⁸ rahat hang pakiaan nelang maharung hang wuang karetani lagi mambasa Kitab Nabi , Yesaya. ²⁹ Balalu, roh bapaner ma Filipus, " Barangkat pan bagabung kumpul andri kareta iru". ³⁰ palus ,Filipus nempat nuju kareta iru dami karengei ulun gan yah mambasa kitab Nabi Yesaya.Filipus nunti ma hanye, "inun hanyu kataru sa rahat tuan basa?". ³¹ Dami tuing ni,"Kalaawe aku tau kacuali naan ulun sa ngajar aku?"Palus hanye ngundang Filipus nunyu mamai ma kareta maharung sameh sameh. ³² Tawuk iru kawan ayat na basa ni iru kalina, "Hanye naenei pas nyalah babiri ma uneng panyamalisan, yalah erang kaukui anak babiri sa huan na sukur wuluni muna hampe pakaiyuh nguka wawa ni. ³³ Hang wuang kasusahenni ta hina kapuangadilan na alap paksa teka hanye. Hiye sa kaiyuh nyarita katurunanni? Sabab welum mi haut na alap paksa teka Bumi" Yes. 53:7-8 ³⁴ Daya sabab iru ,Pangawai tinggi Karajaan teka Etiopia ,kaeau ma Filipus, " Aku ilaku ma hanyu hiye sang nabi sa ngantuh ina, mengenai dirinu atau ulun lain?' ³⁵ Paksa Filipus nguka wawani, mulai teka Kitab Barasih hanye khotbah neu lengan Yesus ma hanye. ³⁶ Hang wuang pakiaan here barangkat, maka hampelah here ma unengan sa baranu,pagawai istana iru kaeau, "Dinung iru naan ranu inun sa talang aku sini na babtis?" ³⁷ Maka jawab Filipus amun Tuan parisaya andri sapenu atei tuan, tuan iyuh leh." maka tuing ni aku parisaya bahwa Yesus Kristus yeru anak Alatalla.' ³⁸ Bulu pagawai istana iru marentah karetani tampan tarie. Palus here rueh mitun ma ranu, Filipus andri pagawai Istana ,hi Filipus sa membabtisni. ³⁹ Dami here rueh haut kaluar teka ranu,maka Roh Tuhan ngenei Filipus tulak,pagawai istana itu puang kadinung here lagi ,nelang arai mahewu here nampalus pakiaan . ⁴⁰ Kude hi Filipus panalu dirini naan hang Asdod,, pas mitah daerah iru hanye palus mambarita Injil ma katuluh tumpuk palus hampe ma Kaisarea