Pembelaan Stefanus 1 Udihie, Imam hante kaeau, " Inun sa bujur iru ? " 2 Nelang, Stefanus kaeau, Ineh ammah ani tatapulaksanai hang wuang Tuhan, rengei eauku. Alatalla isa namulia haut patantarang hang dahapan itak kakah takam, Abraham, tawuk hanye lagi hang Mesopotamia, sahuan hanye muneng hang Haran, 3 nelang kaeau ma hanye, 'Hulu hanyu teka tane ranu nu nelang kuan pulaksanainu, balalu uneng nu hang tane ranu isa haut tutuiku ma naun.' 4 Udihie, Abraham nanan tane ranu ulun Kasdimnelang muneg hang Haran. Nelang teka yaru, udi ammah nu matei, Alatalla nunyu hanyu muneng hang tane ranu iti, uneng nun taai muneng, 5 Kude Alatalla puang ngami warisan ma hanye, walehanni sunah erang jeke tane puang naami ma hanye, kude hanye bajannyi sagar ngami ma hi Abraham jari milik kuan katuluh katurunan udi hanye die, biar hi Abraham huan uweng anak. 6 Walehanni, Alatalla kaeau kaliti, neu turunannu sagar jari ulun hawian hang tanen ranu isa lain nelang here sagar jari budak nelang nakahanangen salawah epaj jatuh taun. 7 Kude, Aku sagar nukum kuan bangsa isa ngulah here jari budak,' Eau Alatalla, 'nelang, udi yeru here sagar mahuluu teka iru nelang baiabadah ma Aku hang uneng yena.' 8 Balalu, Alatalla ngami ma hi Abraham jannyi sunat, makani hi Abraham jari ammah Yakub, nelang hi Yakub, baya kaduawalas ammah turunan laluhur. 9 Daya bahiri ma hi Yusuf, kuan laluhur takam ngari ma Mesir, Walehanni, Alatalla magun nyindrah hi Yusuf, 10 nelang nyalamat teka katuluh panyusah, walehanni ngami kasalamaten anugrah nelang kabijaksanaan hang hadan Firaun, Raja Mesir, isa ngulah hanye jaripamimpin hang Mesir baya katuluh Istanani. 11 Hang tawuk, juju lau hang katuluh tumpuk hang Mesir baya hang Kanaan, daya kajadian isa bangat hante, kuan itak kakah takam puang kahaba panguta ukan, 12 Walehanni, tawuk hi Yakub karengei neu hang Mesir naan gandum, hanye nunyu kuan itak kakah hawi mayaru badahulu teka isa lainni, 13 Hang pihawian isa karueh, ngulah hi Yusuf rasa kuan pulaksana'i ni, nelang kuan kaluarga Yusuf jari rasa tu'u manyu hi Firaun. 14 Udi iru, Hi Yusuf iwara habar palus nenterau hi Yakub, ammahni, baya kuan katuluh pulaknaini, jumalahni naan pitum pulu dime kaulun. 15 Daya iru hi Yakub minau ma Mesir balalu hanye matei hang yaru, hanye baya kuan itak kakah takam. 16 Teka yaru, here na ugah ma Sikhem nelang nangkading hang amau pasaran isa haut nawidi Abaraham makai duit hene teka anak-anak Hemor hang Sikhem. 17 Walehani, tawuk janji haut riet, isa haut najanji Alatalla ma hi Abraham, bangsa iru batamah magin hene hang tane Mesir . 18 hampe naan raja lain isa na angkat jari raja hang anteru Mesir, isa puang karasa budas neu hi Yusuf.. 19 Raja iru nyantalau bangsa takam nelang palus nyasia kuan itak kakah takam hampe mamksa here ngumpe kuan genna here hampe here puang kaiyuh itamelum. 20 Hang tawuk iru, Hi Musa nakayaen nelang tu'u manuwu hang dahapan Alatalla. Nelang, hi Musa naempu hng lewu ammahni salawah telu wulan. 21 Tawuk hanye udi naumpe, balalu naalap daya ia wawei wat Firaun palus malihara hampe hante nyalah hanye malihara anak ni raeari. 22 Makani, hi Musa na urug ajar yalah kapanai ulun-ulun Mesir nelang naami kuasa mitang tinga puntane nelang ulahn gawini. 23 Dami hi Musa haut baumur epat pulutaun, uweng kunu ni hang wuang atei ni hamen ganta kuan pulaknaini, hanyeiru kuan turunan Israel. 24 Nelang, tawuk hanye kadinung naan isa teka pulaknai ni na ulah andri ngaan adil daya kuan ulun Mesir, hi Musa hawi ngarawah kuan ulun isa na aniyaya ru nelang palus iwaleh palus munu kuan ulun Mesir ru. 25 Hi Musa ngakira neu kuan pulaknaini kataru neu Alatalla isa ngami here kasalamaten mitah diri Musa, kude here puang kataru budas. 26 Hang andrau isa lain, Hi Musa ngapung kuan ulun Israel isa lagi babur pamuru, palus hanye bausaha ngalahelang here, nelang kaeau, "Oi, puangsa naun na ipulaksanai, daya inun naun ipangahanangen ?" 27 Kude, ulun isa ngahanangen pulaksanaini nunyu mahulu teka hi Musa nelang kaeau, 'Hie isa ngulah hanyu bakuasa jari hakim nuju ma kami ? 28 Inunkah hanyu hamen munu aku nyalah hanyu munu kuan ulun Mesir yari ?' 29 Dami karengei paner ulun iru, hi Musa mahulu ma Midian jari ulun langin. Hang yaru, hanye jari ammah teka ruehn kaulun ia upu. 30 udi ganab epat pulu taun erang kaulun malaikatnantarang tenga ma hi Musa hang penah padang jumpun haket hang gunung Sinai, nyalah lelap apui hang padang rikut barundrui. 31 Tawuk hi Musa kadinung, hanye ngawauh andri paninungen ni ru. Nelang, tawuk hanye nyandriet nelang mansining ni, balalu Tuhan maharek, 32 Aku na Alatalla Abraham, nelang Alatalla Ishak, nelang Alatalla Yakub.' Hi Musa neter katakuten nelang puang heei mansining lagi. 33 Udihie, Tuhan kaeau mahere, 'Uka sandal teka pe'enu daya hang unengan hanyu mindri paunengan isa barasis. 34 Aku tu'u haut kadinung panyusah ungkjup Ku isa naan hgang Mesir nelang haut karengei ringis here, Nelang , Aku haut minau nyalamat here. Nelang mayati itati, Aku sagar ngutus naun tulak ma Mesir.' 35 Musa, here haut ngaan hakun nelang kaeau, 'Hie sa nunyu naun jari Panguasa nelang jari Hakim ma kami ?. Hanye erang kaulun isa nahuyu Alatalla himpan jari, inun hanye panguasa atawa panyalamat, mitang tangan malaikat isa nantarang tenga ma hanye hang jumpun isa barunrui. 36 Ulunni nganyak here kaluar, nelang nantarang muzizat baya tanda ajaib hang tane Mesir, baya hang laut mariang, baya hang padang jumpun salawah epat pulu taun. 37 Hi Musa na sa kaeau ma kuan ulun bangsa Israel,' Alatalla sagar ngenat ma takam nabi yalah aku teka penah kuan pualak sanai nu. 38 Hanye ri ulun sa naan baya jemaat hang padang jumpun baya kuan malaikat isa bapaner andri hanye hang gunung Sinai, nelang baya itak kakah takam, nelang hanye haut narime firman isa welum umak naami ma takam. 39 Itak kakah takang ngaan hakun narime kala kabahumen wat Musa, malah here isanawit teka hanye palus hamen mulek ma Mesir hang wuang kunuan here, 40 Andri kaeau ma hi Harun, 'Ulahakan Dewa-dewa sa tau takia hang dahapan kami daya wat Musa na, isa nginsing kami kaluar teka tane Mesir, kami ang karasa inun kajadianni witu hanye.' 41 Tawuk iru, here ngutang sampaatung yalah anak sapi, nelang palus ngami sasaji ma sampatung ru, andri hewu harui andri gawian tangan here. 42 Walehanni, Alatalla nanan here nelang nagai here nyamah kuan tantara langit, nyalah isa haut naan natulis hang kitab kuan nabi, 'Inun kah naun ngenei maaku satua isa haut nasamalis, balalu palus ngami sasarah salawah epat pulu taun hang wuang jumpun haket, o kuan umat Israel ? 43 Hanyu ngenei lewu Molokh baya dewanu, Refan, sampatung isa haut naulah daya nu umak sasamahan ma hanye, nelang aku sagar ngumpe hanyu ma subarang Babel.' Am. 5:25-27 44 Itakj kakah takam uweng kemah uneng Kesaksian hang padang jumpun haket, nyalah huyuan Alatalla tawuk paner andri hi Musa, himpan ngulah yalah gamala isa suah dinung ni. 45 Udi hanye narime kemah ru, itak kakah takam ngenei hanye mawuang baya hi Yosua, tawuk here hanrabut tane here teka bvangsa isa lain, isa haut nasingkir teka hadapan itak kakah takam, hampe tawuk zaman wat Daud. 46 Daud haut narime ahi lelu hang dahapan Alatalla nelang ilaku kaiyuh uneng paunengan umak Alatalla Yakub. 47 Walehani, hi Salomo namuan lewu rean umak Hanye. 48 Kude, isa Pingaamau ngaan hakun muneng hang lewu isa naulah daya tangan murunsia, nyalah isa naeau daya nabi. 49 'Langit ru unengan ku sa hang amau nelang tane ru umak paindrian Ku. Lewu inun sa sagar naulah naun ma Aku ? 50 Puang sa rasa naun tangan Ku isa namuan katuluhni iru ?' Yesaya 66:1-2 51 Yai, kuan ulun isa mape silu nelang karas atei, andri atei nelang mape silu nelang ang basupit, naun kakune nantang Roh Kudus, yalah isa haut nakaraja daya itak kakah naun ! 52 Nabe-nabe sa awe isa ngaan na siksa daya itak kakah naun ? Nelang, here munu kuan ulun ni sahuan ni haut nawara daya ni, neu pihawian Sang kapinuu, isa itati haut ngulah tenga nu erai jari ulun nipu ngakal nelang pamunu. 53 Hanyu, isa haut narime Hukum Taurat nyalah isa haut na tahampe daya kuan malaikat, kude hanyu ngaan tau maliharani !" STEFANUS NA WUNU 54 Tawuk here karengei hal isa iru, atei here mahiri nelang garigiten nadap hi Stefanus. 55 Walehanni, hi Stefanus isa na kuasa daya Roh Kudus muneng hang amau langit nelang kadinung kamuliaen Alatalla, sindrah kadinung Yesus mindri hang tuhi kawan Alatalla. 56 Stefanus kaeau, " Rengei naun ! Aku kadinung langit tauka sindrah anak murunsia mindri hang tuhi kawan Alatalla." 57 Kude, here ngiak andri lengan isa mehet tuu, hampe here mangup silu, sindrah here mupakan nyasah hi Stefanus. 58 Balalu, here ngunur hampe mahulu maluar kota nelang numuk hanye makai watu. Udi hiye, kuan saksi isa kadinung makai mate nguwau jubah here hang dahapan pee wat Saulus. 59 Balalu, here palus nyiksa hi Stefanus isa lagi rahat nguruk ngajar nelang kaeau, "Tuhan Yesus, Tarimeleh rohku." 60 Udi hiye, nelang ijuku, hanye kaeau andri mehet tuu, "Tuhan, ada hampe dosa ina naami ma here !." Dami udi hanye kaeau ni, hanye pada matei.