Pitu Kaulun Napidi Jari Palayan ¹ Hang hindra andrau, tawuk jumalah murid magin batamah, naan hanang hulet teka ulun-ulun Helenis nadap ulun-ulun Ibrani daya kuan walu randa here haut na wawilah hang wuang mnyanyanga panguta hang tatiap andrau. ² Makani, kaduawalas rasul ru nerau katuluh murid-muridni nelang kaeau, "Puang wuah mun kami maladar firman Tuhan daya gana manyanyanga hang meja. ³ Daya iru, kuan pulaksana'i, pidi pitu kaulun hang lahelang naun isa bujur-bujur maeh, penu andri Ruh barasis andri isa sagar na natutui umak ngaraja gawian yiti ⁴ Sadieni, kami sagar ngatantu'u hang wuang du'a nelang nampe firman." ⁵ kapinu'u isa ngampi sanang atei ma katuluhulun. Nelang here midii hi Stefanus, ulun isa pebu adri iman nelang Ruh Barasis, nyindrah hi Filipus, Prokhorus, Nikanor, Timon, Parenas, nelang Nikolaus, erang kaulun [roselit teka Antiokhia. ⁶ Here na naenei ma dahapan rasul, nelang udi lakudu'a, kuan rasul numpang tangan here ma amau pitu kaulun yeru. ⁷ Firman Alatalla haut na hamur ma katuluh murid-murid hang Yerusalem magin batammah hene. Salabis ni, erang kalompok hante imam jari taat ma iman ru. Nyamma Hi Stefanus ⁸ Nelang, Stefanus, penu andri anugrah nelang kuasa, haut ngaraja hal isa maka wawauh nelang siri-siri ajaib hang llahelang ulun rama. ⁹ Kude, papire kaulun teka sinagoge isa na antuh ulun-ulun Libertini, inun ulun Kirene atawa ulun-ulun Aleksanderiua, nelang papire teka Kilikia nelang Asia, mungkan nelang basual andri Stefanus. ¹⁰ Walehani, here ru puang kaule nawan andri bijak daya daya Ruh hang wuang Hanye hi Stefanus nuing. ¹¹ Balalu, andri suni-suni here nganyak papire kaulun umak kaeau, "Kami haut karengei ulun yiti ngantuh kuan bere murun ma Musa nelang Alatalla !" ¹² Nelang, here nganyak ulun rama, kuan tetueh, nelang kuan ahli taurat, balalu ngapung hi Stefanus, palus nyammani, balalu ngenei ma dahapan Sanhedri. ¹³ Here nginsing kuan saksi palsu sa kaeau, "Ulun yiti puang suah taduh ngantuh papire basa isa nawan uneng barasis nelang baya hukum taurat. ¹⁴ Dayani, kami haut karengei hanye iwara neu Yesus teka Nazaret sagar ngampihansur unengan na nelang nganti hadat istiadan tananan Musa ma takam." ¹⁵ Nelang Tawuk kadinung uruwawa wat Stefanus, katuluh ulun isa maharung hang Sanhedrin kadinung uruwawani yalah uruwawa malaikat.