¹ Daya naan, Ananias baya Safira panang darangan ipakat ngunu ngari pakulih here rueh. ² Pada Ananias iwara ma darangani hi Safira naan aheng ngunu ngari meheni teka katuluh pakulih here rueh, bulu teka arian tane ru meheni puang nasarah katuluh nasurung hadapan kawan rasul. ³ Balalu, Petrus kaeau, Ananias, wuah inun maladar ma atei akal nu umak ipusu ma Roh Barasis bulu andri suni suni nyimuh ma naun mehe duit ari'an haraga tane? ⁴ Sa huan na ari, sabujurni tane ru wat naun? Kode amun haut ta ari, inun sa hanyu tatap ngaku watnu? Wuah inun hang wuang kunuan atei akalnu kaliru? Hanyu puang ipusu ma murunsia, kode ma Alatalla. ⁵ Dami hi Ananias karengei lengan yeru, hanye tumang balalu matei. Udiheye hawi katakuten sa tu'u taman ma katuluh ulun sa karengei. ⁶ Papere kawan iya hawi lepuh munut bangkai, ngenat ngatet ma si'at palus napasar. ⁷ Udi hiye, telo jam tapitah, darangan Ananias hawi, kode puang karasa wangun hal sa na ulah. Pada hi Petrus kaeau ma hi Safira , antuh ma aku, inun sa ngari tane yeru sa rahaga yeru. ⁸ Pada , Safira kaeau hiyai sa rahaga yeru. ⁹ Udi yeru, Petrus kaeau ma hanye, wuah inun hanyu baya darangan nu ikunu ipakat musu Roh Tuhan? Dinung bakas fee here udi masar darangan nu dahapan wanawang, pada here kai nyujung hanyu ma luar. ¹⁰ Situ saini, hi Safira punga hang dahapan fee Petrus, palus nempus hewuk, matei. Dami kawan iya kadinung hi Safira haut matei, bulu here ngenat maluar palus masar hang tuhi darangan ni. ¹¹ Bulu, hawi kagupuhen sa tamam ma kautuluh ungkup baya kawan ulun-ulun isa karengei wangun yeru. ¹² Wahai siri-siri ajaib baya mukjizat isa natantarang hang penah ulun rama mitah palat tangan kawan rasul, pada ma here katuluh andri isa atei naan hang Serambi Salomo. ¹³ Puang uweng teka ulun lain isa ma'heei bakumpul bagabung baya kawan ulun sa parisaya yeru. ¹⁴ Pada, nelang pagin rama tamah rama ulun isa harap hang wuang Alatalla Panante Tuhan, bulu batamah rama, ha'u kawan upu pada here waweian. ¹⁵ daya yeru here bulu ngeteh ngume ulun-ulun mekum ma lalan palus na ampi kading hang amau paandrean nampan hang pahawian Petrus, paling puang wuah punga ama nunung here. ¹⁶ Pada, naan rama ulun-ulun ngawariuang Yerusalem hawi sasameh, nengei ulun mekum sa narasuk roh-roh jahat. Katuluh naami kawigasen. ¹⁷ Teka, Kawan Imam Hante hulet aheng, baya sasameh isa kawan uma hanye ulun Saduki, isa ulun katuju bahiri. ¹⁸ Here nyama kawan ulun Rasul bulu napasuk ma wuang seper. ¹⁹ Daya yeru, Dami amau malem, naan malaikat Tuhan nguka katuluh wanawang saper, nunyu here kaluar, nelang kaeau. ²⁰ "Hulu, mindri, pada palus tahampe habar ma ulun-ulun hang Bait Allah katuluh lengan Alatalla neo hal pamelun. ²¹ Balalu, udi here karengei, kaiyat subuh, here masuk ma Bait Allah palus mulai nampe lengan Alatalla. Tawuk Imam Besar baya ulun-ulun sasameh here hampe, here ngumpul Sanhedrin baya ungkup tueh-tueh Israel. bulu nunyu ulun ma saper ngenei kawan rasul-rasul yeru nginsing nadap here. ²² Bulu, Tawuk ulun-ulun huyuan hampe, here puang panalu rueh rasul-raqsul hang saper. Udihie here mulek palus ngami pesen. ²³ Andri kaeau," Kami kadinung saper yeru haqut takunsi baya katuluh hare walah jaga mindri hang dahapan wawa wanawang, kode wayah kami ngukani, kami puang panalu sunah erang kaulun hang wuang. ²⁴ Pada, Wayah Kapala walah saper Bait Allah baya kawan Imam Kepala karengei habar yeru. Here bulu gupuh gamam andri kawan rasul yeru, bulu nunti kewangun. ²⁵ Udihie, naan erang kaulun hawi iwara. Dinung ulun isa na tampasuk ma saper ganyah mindri hang Bait Allah nelang ngajar ulun rama. ²⁶ Balalu , Kapala walah Bait Allah baya pangawal ni tulak nelang ngenei rasul-rasul yeru, kode here ngenei puang rarigah, daya here takut natumuk andri watu daya ulun rama. ²⁷ Hang tawuk here haut ngenei hi Petrus baya Yohanes ma dahapan Sanhedrin. Bulu Imam Besar nunti ma here. ²⁸ Hanye kaeau, kami haut bahimat nguring ada lagi ngajar neo yeru, kode naun haut nyiar ma litar ulun Yerusalem andri ajaran nu, nelang andri aheng pakai naggung ira ulun matei ma kami. ²⁹ Tawuk yeru, Petrus baya rasul lain ni nuing,"Kami labih makai lengan Alatalla, puang makai lengan murunsia. ³⁰ Alatalla panante Tuhan itak kakah takam, isa haut ngamuan Yesus, nawunu, nahampi gagueng hang kayu balasangar. ³¹ Alatalla ngindrik hanye, tangan kawan jari Pamimpin nelang Juru Selamat umak ngami ngabarasis dosa-dosa. ³² Kami saksi-saksi teka katuluh yiti, kalahiye pada Roh Kudus, isa haut Alatalla ngami ulun-ulun isa nu'u parentahNi. ³³ Udi here karengan wangun yeru, atei here mahiri bulu ngunu nampatei kawan rasul yeru. ³⁴ Kode, erang kaulun Farisi bangaran Gamaliel, erang kulun guru Taurat isa ulun nasilau katuluh ulun, mindri hang hadapan Sanhedrin pada palus nunyu kawan rasul yeru naenei maluar erang itus. ³⁵ Balalu, hanye kaeau ma here,"Ayu kawan ulun Israel, bapikir naun andri maeh inun isa patut naun karaja ma kawan ulun yena. ³⁶ Daya , kapihuan yena, Teudas isegah, hanye iawara tenga ulun tamam, pada naan kurang labih epat njatuh kaulun isa umma hanye. Kode here nawunu pada katuluh ulun isa umma ta pisah-pisah, hampe galis wawai. ³⁷ Udi Teudas, Yudas teka Gelilea mahemuk, hang andrau pidian, pada ngirak ulun rama nampan umma hanye. Hanye pada nawunu, katuluh ulun isa umma hanye pada tahamur. ³⁸ Daya sabab yeru, hang wuang gan'na yena, aku nyamara ma naun : Sanawit ulun-ulun yiri elah'ni here. Daya amun aheng yeru hawi teka murunsia, puang sagar bariran. ³⁹ Kode aheng yeru hawi teka Alatalla, naun puang kaiyauh nariye nguring. Likan, naun naantuh ganyah nawan Alatalla. ⁴⁰ Here narime samara'an Gameliel, udihie rueh rasul naherau, here rueh na nawalawas nelang puang iyuh bapaner neo ngaran Alatalla, bulu here nalapas. ⁴¹ Daya yeru, raul-rasul tulak nanan teka hadapan Sahedrin andri arai atei, daya here kaingkam rauh hanang gan'na ngarani. ⁴² Pada, andrau hapus andrau, hang Bait Allah teka lewu ma lewu, here puang taduh haut ngalelea nampalus lengan Alatalla, hanye yeru, Kristus.