¹ Katika hi Petrus andri Yohanes ba pan'ner ma kawan ulun rama,hawileh ma here kawan imam,kapala panjaga Bait Allah,bulu kawan ulun Saduki, ² andri tu'u bapanyangit daya here ngajar ulun rama nelang ngabar hang wuang Yesus naan kaelanen tenga teka penah ulun matei. ³ Bulu,here nyamma Petrus andri hi Yohanes andri nampasukni ma wuang panjara hampe kauni andrau daya andrau haut kamalem. ⁴ Kude, rama teka here sa haut karengei papaneran kawan rasul jari harap,bulu jumalah kawan upu hang penah here jari kakira dime ribu kaulun. ⁵ Ma kauni andrauni,kawan pamimpin,kawan tu'eh,andri kawan ahli Taurat here bakumpul sasameh hang Yerusalem, ⁶ sasameh andri Imam Besar Hanas,bulu hi Kayafas,Yohanes,Aleksander, bulu katuluh ulun teka kaluarga Imam Besar. ⁷ Katika here ngelahakan hi Petrus baya hi Yohanes hang penah penah,here nunti,"Andri kuasa inun atawa mitah ngaran hiye naun ngaraja hal ina?" ⁸ Balalu, Petrus, penu andri Ruh Barasis, eau Ni ma here, "Kuan pamimpin bangsa baya kuan tatueh, ⁹ amun kami napaksa andrau yina daya ulahan isa maeh isa haut nakaraja daya kami tampalus nuju ma kuan ulun-ulun isa maleme, makai sara inun ulun ru tau nasamare ? ¹⁰ Mara eh kuan hal yuru rasa naun katuluh baya katuluh ulun Israel daya ngaran Kristus Yesus, ulun Nazaret, isa nasilib dayanu, isa haut meihemmuk teka padang ulun matei, ulun yiru mindri hang dahapan hanyu hang wuang kaadaan sehat. ¹¹ Yesus ru hanyene : 'Watu sa naumpe daya naun, kuan tukang bangunan, isa haut jari watu penjuru. 'Maz 118 : 22 ¹² Nelang, puang uweng kasalamaten hang wuang hie leh lainni hang ime langit naami ma murunsia daya ngaranni takam kaiyuh kasalamaten." ¹³ Tawuk here kadinung kakapeen Petrus nelang hi Yohanes nelang kataru wangun here kuan ulun puang uweng kataruen, here ngawauh nelang atian mantaru daya karuehni suah baya andri hi Yesus. ¹⁴ Nelang, dami udi kadinung ulun sa haut nasamare ru mindri hang iring hi Petrus andri hi Yohanes, here pauang kaiyuh mungkir. ¹⁵ Walehanni, tawuk here nunyu hi Petrus andri hi Yohanes humpan nanan Sanhedrin , here mupakat isa andri sa lainni, ¹⁶ Nelang kaeau, "Inun sa naulahku ma ma karueh ulun yiti ? Daya, naan siri sa ajaib nelang tamam haut tajadi mitah here nelang tu'u nyata ma katuluh ulun isa muneng hang Yerusalem, nelang takam puang kaiyuh ang harap. ¹⁷ Walehanni, himpan katuluh hal yiru puang galis rasa kuan ulun rama, hayu takam ngabarebe here humpan puang lagi bapaner ma hie-hie leh makai ngaran yiru," ¹⁸ Udihie, here nerau hi Petrus baya hi Yohanes, balalu nunyu karuehni himpan puang bapaner atawa ngajar inun-inun hang wuang ngaran Yesus. ¹⁹ Walehanni, hi Petrus baya hi Yohanes nuing nelang kaeaupada ma here, "Tantu'u, isa awe isa bujur yalah uruk ajar Alatalla, umak nasandrengei naun labis teka Alatalla ? ²⁰ Daya, kami puang tau kasuali iwara kuan hal isa dinung kami atawa isa rengei kami," ²¹ makani, tawuk here aur ngancam Petrus nelang Hi Yohanes, here nagai kuan rasul iru mahulu, mun puang kahaba wangun umak nukum karuehni daya sabab ulun rama nawat Al;atalla hang amau isa haut jari. ²² Dayani, ulun sa haut ngamisiri sagar ware run ahut natantarang, haut baumur labis epat pulu taun. Petrus baya Yohanes mulek ma kuan pulaksanani sasameh. ²³ Tawukhere haut bebas, Petrus baya Yohanes mahulu ngapung kuannhengau here nelang bakisah neu katuluh isa nawara kuan imam kapala baya kuantatueh ma here. ²⁴ Nelang, tawuk kuan hengau ni karengei, here ngenat lengan here ma Aalatalla andri isa atei aheng, " Yai Tuhan, Hanyuleh isa haut ngulah langit andri tane, laut, baya kuan isi hang wuangni, ²⁵ isa kaeau mitaun RuhnBarasis, mitah wiwi mulut kuan hamba Nu, Dawit, itak kakah kami : 'Daya inun kuan bangsa lain ngamuk, nelang ulun-ulun nyandrukui isa sasia ? ²⁶ Raja-raja dunia haut siap, nelang kuan panguasa haut bakumpul sasameh, nawan Tuhan nelang nawan isa haut Naurapi daya Ni.' Mzm. 2 : 1-2 ²⁷ Dayani, sabujurni hang kuta iru haut bakumpul sasameh hamen nawan Yesus, Hambanu isa barasis, sa haut naurapi Nu, maeh hi Herodes nelang hi Pontius Pilatus, sasameh andri kuan bangsa lainni, nelang kuan ulun-ulun Israel, ²⁸ Umak ngaraja katuluh ni daya tangan Nu nelang kuan gurayang Nu kapihuan haut tajadi. ²⁹ Nelang itati, Tuhan, kadinung kuan ancaman here nelang karunia here hamba-hamba Nu umak nawara lengan Firman Tuhan andri katuluh kape ni. ³⁰ Liaungan Hanyu ngului tangan Nu umak nyamare nelang siri-siri baya kaajaiban-kajaiban isa jari daya ngaran hamba Nuisa barasis, Yesus." ³¹ Nelang, udi here lakudua, tagagunsang uneng here bakumpul sasameh nelang here katuluh penu andri ruh Barasis, sindrah palus iwara firman Alatalla andri kapinu'u. Pamelum Ulun Parisaya ³² Nelang, kumpulan here isa parisaya isa atei nelang amirue. Puang uweng sunah erang kaulun isa kaeau neu milik here, milikni raerai, kude katantuluhni milik here sasameh. ³³ Balalu, andri kuasa isa hante kuan rasul ngami kasaksian here neu pihemukkan Tuhan Yesus nelang anugerah isa hante naan hang wuang here katuluh. ³⁴ Puang sunah erang kaulun sa kakurangen hang penah here daya katuluh ulun isa uweng ume taun atawa lewu rean, naari, nelang ngenei iyuhan teka haraga arianru, ³⁵ Balalu ngelahni hang kapit pee kuan rasul, palus nabagi ma here asing-asing ulun sasuai andri kaparluanni. ³⁶ Kaliru pada hi Yusuf, ulun Lewi, katurunan Siprus, nelang pada naherau daya kuan rasul, Barnabas, isa aratini ia pangarariu, ³⁷ ngari ume taun milik here nelang ngenei ditni, balalu ngelah ni hang kapit pee kuan rasul.